يا بنات انا عندي صديقتي بعمري عمرها 30 سنه ولما الحين ما تزوجت
جتني امس تبجي تقول الحمد الله ان الله ستر عليها
قلت لها شنو اللي صار؟؟
قالت انها دخلت موقع من مواقع الشات و تعرفت على واحد
وضافته عندها بالمسنجر وتقول ومن كلامه بين انه شخص محترم تقول وتعلقت فيه مع ان تعارفهم ما دام الا اسبوعين
وبعدها عطاها رقمه وهي بلحظة ضعف اتصلت عليه وتقول قال لها انه معجب فيها وهل تقبل فيه كزوج هي استحت ما عرفت شتقول
قال لها انه وده يشوفها وتواعدوا بمكان عام و شافته وشافها وأعجب فيها تقول واخذوا لهم كراسي وقعدوا يسولفون
تقول وحاول يمد ايده يلمس ايدها بس تقول انها وخرت ايدها بسرعه وقالت له لا تلمسني واهو احترم نفسه و ما عادها
تقول سبحان الله بنص كلامها وياه حاشها مثل ضيقة بقلبها وحست انها منحطه على فعلها وقطعت مع انه ما كلمها كلام خارج عن الأدب
تقول وقامت وقالت له انها بتمشي للبيت وراحت واتصل فيها وقالت له خلاص لا عاد تتصل فيني مره ثانيه
هو قال لها ياليتني يوم شفتج عطيتج طراااااااااااااق على وجهج لأنج تستاهلينه
هي ما عرفت شترد عليه و انهت المكالمه
تقول أول مره احس اني بجد استاهل طراق
الحين هي جت عندي تبكي و تصيح على اللي سوته تقول انها ما تقدر اطالع بوجه ابوها اللي واثق فيها ولا بوجه أخوانها اللي ما قصروا معاها بشي
بس تقول انها كانت تبي تتزوج هذا كل قصدها
طبعا انا قمت اهديها واقول ان الحمد الله ان الأمور جت لحد اهني
واستغفري ربج على اللي سويتيه ولا تعيدينها مره ثانيه
ولللأمانه هي طلبت مني أكتب مشكلتها وهي أختارت عنوان الموضوع
تكفون يا بنات طيبوا خاطرها بكلمه او انصحوها انا كلمتها واجد ولما الحينها كل ما تذكرت اللي صار تبجي
قهر الليالي @khr_allyaly
عضوة نشيطة
يلزم عليك تسجيل الدخول أولًا لكتابة تعليق.
الحمدلله على كل حال .. باين على صديقتك ملتزمة وعااااااقله .. لكن الشيطان الله يعيذنا ويعيذها منه يجري مجرى الدم
واستغل نقطة ضعفها ورغبتها الصادقة بالحلال ..
تدرين وش مشكلة صديقتك .. اتوقع ان اهلها معقدين الشروط حقت الزواج لها .. عشان كذا حاولت تبحث بنفسها عن شاب مناسب
ولان ربي عرف صدق نيتها حفظها بحفظه ..
خليها تكلم الخطابات يمكن تلاقي شخص مناسب .. لاني اعرف بنات كثير مثلها حاولوا يطرقون الحرام لانهم يفكروا اربع وعشرين ساعة
بالزواج مثل اي بنت تحلم بتكوين اسره ،، فلو كلمت الخطابات بترتاح وتحس ان في حدا بالطريق راح يجي بإذن الله
وتكثر الاستغفار ولاتيأس من رحمة الله ،،
اسأل الله ان يرزقها الرجل الصالح التقي النقي البار المطيع ويصب حبها في قلبه صبا ياكريم يامنان
واستغل نقطة ضعفها ورغبتها الصادقة بالحلال ..
تدرين وش مشكلة صديقتك .. اتوقع ان اهلها معقدين الشروط حقت الزواج لها .. عشان كذا حاولت تبحث بنفسها عن شاب مناسب
ولان ربي عرف صدق نيتها حفظها بحفظه ..
خليها تكلم الخطابات يمكن تلاقي شخص مناسب .. لاني اعرف بنات كثير مثلها حاولوا يطرقون الحرام لانهم يفكروا اربع وعشرين ساعة
بالزواج مثل اي بنت تحلم بتكوين اسره ،، فلو كلمت الخطابات بترتاح وتحس ان في حدا بالطريق راح يجي بإذن الله
وتكثر الاستغفار ولاتيأس من رحمة الله ،،
اسأل الله ان يرزقها الرجل الصالح التقي النقي البار المطيع ويصب حبها في قلبه صبا ياكريم يامنان
essad
•
الحمد الله ان الله ستر عليها قولي لها انها تستغفر و تتوب و تحاول تشغل نفسها في شي مفيد يشغلها لحد ما يجي نصيبها و يستحسن تغير رقم تلفونها و الماسنجر حقها
و ان شاء الله يرزقها الله بالزوج الصالح
و ان شاء الله يرزقها الله بالزوج الصالح
تشكرون خواتي على مواساتكم
وأقول ان اهلها مو معقدين بالعكس بس هي نصيبها جذي تنخطب بس ما الله يكتب لها نصيب
وبالنسبه للخطابات جربت هي وامها بس هم مافي فايده
سبحان الله ربي مو كاتب لها زواج
مع انها ما شا الله مملوحه وذويقة بلبسها ومن تروح مناسبه او اي مكان تلفت الأنظار و شكلها ما يبين ان عمرها 30 اللي يشوفها يعطيها 23 أو 24
بس النصيب هو اللي يصيب
وأقول ان اهلها مو معقدين بالعكس بس هي نصيبها جذي تنخطب بس ما الله يكتب لها نصيب
وبالنسبه للخطابات جربت هي وامها بس هم مافي فايده
سبحان الله ربي مو كاتب لها زواج
مع انها ما شا الله مملوحه وذويقة بلبسها ومن تروح مناسبه او اي مكان تلفت الأنظار و شكلها ما يبين ان عمرها 30 اللي يشوفها يعطيها 23 أو 24
بس النصيب هو اللي يصيب
الصفحة الأخيرة
والزواج كانه مكتوب لها بيجيها لاتستعجل
وعليها بكثرة الاستغفار