مرحبا الساع ... يابنات حواااا فزعتكم ...
ندخل في الموضوع على طول ... على كثر ما قريت مشاكل العوائل ومشاكل المتزوجات الا اني اشوفها هينة جدام سالفة ربيعتي ولاحتى فيلم هندي .....!!!!
انا لي صديقتي متزوجة صار لها 5 شهور وشوي تقريبا ...خبرتني بسالفة بهدف المشورة بس والله ياعالم دار راسي من الصدمة وماعرفت افك سالفتها ..
ابدا لكم سالفتها من البداية ....صديقتي هذه اتزوجت عن طريق المعارف يعني زوجها واحد من عيال حارتها بس بيتهم بعيد وامه شافتها بعرس وعجبتها وخطبتها لولدها اللي هو آخر العنقود ... المهم صديقتي واااايد تحب زوجها ومرتاحتله وهو ماشاء الله عليه طلع ولد حلال وريال والنعم فيه ومب مقصر وياها في شي وهو بدوره يموت فيها ...وطبعا هي ساكنة وياهم بنفس البيت بس لها بيت بدورين منعزل ...يعني بيتها من ضمن البيت الكبير اتمنى فهمتم..
المهم تطري لي انه من فترة الخطبة الى الملجة كانو اهل الولد مب مقصرين وياها بالهدايا والزيارات وغيره بس لاحظت ان اكثر الهدايا من صوب ابو زوجها طبعا هي ما اهتمت للموضوع بالعكس استانست بحكم انه بحسبه ابوها واهتمامه يدل من معزته لها مثل بنته وفرحته بزوجة ولده ...
وهم ماشاء عائلة عندهم خييير وربي منعم عليهم ومن غير ان ابو زوجها ماشاء الله عليه دكتور ودارس برا
بس تقول من بعد الزواج صار اهتمام ابو زوجها زاي حتى شهر العسل هو اللي رتب لهم و دارت اوروبا كلها ماغير افخم المنتجعات سارتها وعالروحة والردة دلال في دلال .... وحتى بعد سفرة شهر العسل سوالهم حفلة استقبال ولا احلى ...
وتعامله وياااها كان فيه وايد استلطااف
لدرجة ان الغذا ما ينحط الا لما تحضر وما يخلي هله ياكلون الا لما تجي والطلعات الا يقول حق بناته خلو زوجة اخوكم تجي معاكم ولا تصير عزومة ولا شياته الا تكون موجودة .. طبعا كل اهله وبناته فاهم انه يعزها وتقديرا لأنها بعدها عروووس ولمعرفته بابوها وفوق هذا هي زوجة ولده الآخر العنقود وانتو تعرفون محبة الاب لاصغر عياله كيف تكووون.. وزووود عن هذا بالاساس صديقتي حبوبة وتنحب وكل خوات اخوها يبادلونها نفس الشعور بس ابوهم بزيادة ...
طبعا لما وصلت صديقتي لين هني بالكلام رديت عليها طيب عادي وين المشكلة
ابو زوجج ويحسبج مثل بنته ويهتم فيج من اهتمامه في بناته وان احمدي ربج طحتي على ناس زينة وراقية وتعرف الاصوووول ... واكيد هذا راي كل وحدة منكم قرت الموضوع لين الحين ...
بس وين التساؤل ..
تقول انه من فترة اهل زوجها سوو عزيمة وعزمو ربيعاتهم والحريم من معارفهم المهم مثل ما تعرفون بهالجمعات الكل يكون كاشخ ...فهي كشخت من باب انها عروس وانها صارت من اهل زوجها وعشان تظهر قدام الحريم باحلى طلة ...المهم اللي صار انها يوم كانت قاعدة مع الحريم وتضيفهم وسوالف جاها مسج عالواتس اب ...
يقولها : ماشاء الله عليج غطيتي عليهن يالمزيونة سنعة من يومج ...!!
طبعا هي استغربت ..الرقم غريب ومب مخزن ... وفوق هذا منو صاحب الرقم ومن كلامه انه يدري بسالفة العزيمة ولا كيف يقول غطيتي عليهم ومزيونة وسنعه وبعدين كيف شافها ومنو هو اصلا ..
فقالت يمكن زوجها ..مع انها ما تتوقع له رقم ثاني بس قالت يمكن حب يلعوزها بس في نفس الوقت زوجها ماله في الحركات وشو يجيبه ميلس الحريم ويطمش !!...وعقب قالت اكيد وحدة من خواته اللي يالسات حبت اتلعوزها او تمدحها بالخفا بس ليش هالحركة !!
المهم صديقتي لهت بالسوالف ويالحريم وطنشت ...
ومن عادتها انها تسوي رفريش على المحادثاث بالواتس اب ...عشان ربيعاتها وخواتها واهلها معبين اللسته فتحب تسوي رفريش عشان تخفف الخربطة بالمحادثات وهذا اللي سوته وراحت المحادثة ونست طوايفها...
المهم بعدها بكم يوم من الشهر الثالث طلع لزوجها دورة تدريبية رح يغيب فيها لمدة اسبوع وطبعا ممنوع استخدام التليفونات ..فخبر صديقتي وطمنها انها دورة شغل وراد وخبر اهله بالسالفه فقالت خلاص بسير بيت هلي اقعد وياهم عبال ما تخلص دورتك بس زوجها قالها عادي يلسي وياهلي اتونسي فيهم ..
هي وحليلها خذتها بطيب خاطر وقالت ليش لا ... لأن الحمدلله علاقتها ويا اهل زوووجها واااايد اوووكي وخاصة ويا خواته يحبووونها وايد ...
المهم قالولها خلاص خذي لج غرفة اختنا الكبيرة لأن اختهم الكبيرة معرسه وببيت ريلها وغرفتها هذه حقها يوم اتي عندهم بالاجازات وجي ...
المهم قالت صديقتي اوك ...
طبعا خوات زوجها الثلاث واخوانه كلهم الصبح يروحون دواماتهم اللي تدرس واللي تشتغل يعني ماحد يتم بالبيت الصبح الا هي وام زوجها والخدامتين ...
المهم اول يومين كانت الامور وايد زينة ومرتاحة بس ثالث يوم صادف يوم الثلاثاء فصديقتي لها برنامج العناية بالشعر فكل ثلاثاء زيت وبيض وحوووسه فهي قالت لاباس الكل بالدوامات فيعني مارح ياخد منها ساعتين وتغسل شعرها ... المهم ام زوجها راحت تتقهوا عند جارتها الروح بالروح كالعادة وسألت صديقيتي اذا تجين معاي بس صديقتي اتعذرت لها لأنها كانت حاطة زيت وبيض وما ينفع ...
فقالت لها ام زوجها خلاص على راحتج ...طبعا ام زوجها متعودة ليا راحت عند جارتها تتأخر وانتو تعرفون سوالف العياييز ...يقبضووونها هدرة لين حزة الغذا ...
المهم صديقتي تقول كنت ماخذة راحتي في البيت بس انا والخدامتين وعلى اساس مافي حد بالبيت عقب ساعتين بعد الحمام الساخن وهالسوالف ....تقول وانا بالغرفة اللي هي غرفة اخت زوجها الكبيره قاعدة تجفف شعرها وبعدها عالفوطة تقول لمحت وردة عل التسريحة ..تقول استغربت لأن صاير لها يومين تبات بالغرفة فمن الغريب ما تكون لاحظت وخاصة على التسريحة الللي 24 ساعة قدامها وفوق هذا بالعقل الوردة باين عليها طازجة يعني حد توه حطها ....!!!
المهم راودها الشك تقول شو السالفه !!!
شو هالحركات الغريبة راحت تدور الخدامتين عشان تسألهم لقت وحدة بالمطبخ والثانية تنظف الميلس اللي يواجه الباب الرئيسي ...سألتها في حد جا البيت قالت هي هذا بابا محمد في يجي ..
طبعا اللي هو ابو زوجها ...
سألتها في حد ثاني وياه... ردت الخدامة لا ...
صديقتي هني تنحت ما تعرف شو السالفه افكار تجيبها وتوديها ...
اتعوذت من الشيطان و ردت الغرفة وقعدت تستغفر ...
وحاولت تنسى موضوع الوردة ولا تفتحه مع حد من خوات زوجها لان كانت تشوفه موضوع سخيف بس شو اللي جابها ومنو حطها وشو الغرض ووووو من هالتساؤلات اللي مارح يستوعبها الا اللي يحط نفسه مكانها و بنفس الوقت تحس مافي داعي تفتح هالموضوع عشان ما يقولون عنها هبلة او ماعندها سالفه رغم ان قلبها كان ناغزها وتحس في ان ورا الموضوع ...
المهم مر اليوم على خير ..
وباقي يومين ويخلص زوجها دورته ...طبعا كاي وحدة متزوجة وزوجها غاب عنها فتره اكيد بتحاول اتجدد من شكلها وتفاجأه ...
على اساس زوجها رح يرد الخميس بالليل ...
قالت الصبح بروح الصالون وبسوي لوك يديد من قصة شعر وغيره ...
وطبعا جا الخميس وسوت اللي خاطرها فيه ويوم الجمعه كالعادة عزيمة غذا عند بيت اهلها
والكل تخبل على لوكها ..
المهم لمة العصر ويا خوات زوجها وامه طبعا كالعادة كاشخة وكاشفه شعرها وميكب وحركات ...ودخل ابو زوجها عليهم الميلس وقعد وياهم وهي كاشفه شعرها وبالميكب ..وهذا الشي مباح شرعا امام ابو زوجها لانها تعد من محارمه ...
المهم تقول انها حست انه شخصية ثانية يعني سوااالف وضحك ومزوووح فوق العادة
وكنه متعمد يتقرب بسواليفه وحست نظراته غريبة ما تطمن ...
صح ان ابو زوجها كبير بالخمسينات من عمره و روحه شبابية بالاساس وغير انه نص حياته برا ..
بس تقول حسيته شخص اخر مب اللي عرفته باول ايام زواجي ..
بس اتعوذت من الشيطان وقالت اكيد اوسوس ويمكن لاني توني بديت اتعود عليه وعلى طبعه ..
المهم لما بغت ترد بيتها المغرب قال لها الا تتعشين ويانا ...
تحججت ان زوجها رح يرد من عند ربعه ولازم تكون بالبيت ...
قال ما عليج بيتعشا ويانا سوا ...طبعا مافي امل ترفض ولا تكسر كلمته لان اوريدي ابوه اتصل به وقاله مرنا حزة العشا بنتعشا سوا ....
المهم مشت الامور سهالات وصديقتي مضااايقة داخليا حيييل وتحس ان في شي مب فاهمتنه وبنفس الوقت مافي دليل واضح يعني كلها امور سطحية وما تقدر تفسرها على كيف كيفها ...
ولا تقدر تناقش فيها حد عشان ما يقولون عنها مريضة ...
المهم بعد العشا ردت هي وزوجها شقتها وحاولت تتناسى ...
وبعد اياام من التصرفااات المبهمة لقته صابغ شعره ولحيته اسود وصار يروح النادي ...
فطبعا بناته وعياله استانسو للوضع انه شي طيب وحلو الواحد يجدد شبابه ومب عيب الرياضه على كبر ...لأن هو بالاساس يوم كان صغير ايام الشباب كان هذا طبعه بس مع كثرة المشاغل نسته يهتم بنفسه بالشكل المطلوووب .. بس الوحيد اللي ماكان راضي على تغيره زوجته ههههه لأنها شكت في شي ... ولا شو اللي يخلي واحد بعمره فجأة ينقلب حاله ويبدا يهتم ..؟!!
ماعلينا
المهم ربيعتي تقول بعد كمن يوم
جاها مسج عالواتس اب ...
ها ما قلتيلي شو رايج باللوك اليديد ... عيبتج ولا ؟؟!!
طبعا صديقتي هني درات بها الدنيا ....
فقعدت تسترجع كل المواقف القبليه ...
من اول مسج لها وهي بقعدة الحريم لموضوع الوردة لمووضوع المسج !؟؟
فقالت معقوووولة يكووون هووو
معقوووله ابو زوووجي ؟!!
كانت تغي ترد وتسأله منو انت ...بس خافت يكون حد يستهبل من محض الصدفة ومابغت تعطيه وجه او يكون هو نفسه ابو زوجها وما تبغي تحط نفسها في هالموقف ..و حاولت تتجاهل لكن خلاااص طفح الكيل تبغي تخبر زوجها بالسالفه على اساس في رقم مضايقها وتخليه هو يتصرف بس تخاف اللي في بالها يكون صح وتتسبب مشاكل عائلية ..
تبغي تسكت عالموضوع بس ما تقدر لأنها خايفة المووضوع يتمادى وخاصة نفس هالامور اذا انفقد فيها الاحترام فخلااااص كلشي انهدم وهي ما تبغي تخسر زوجها ولا تخسر اهله اللي ما شافت منهم الا كل خير ... المهم سوت حظر على الرقم عسى ان شاء الله يوقف عند حده ...
بس لقت الموضوع تمادى ووصل الى مسجات صباحية ومسائية وشعر وغزل من ارقام ثانية وماغير حظ وحظر وهي يوم عن يوم تتعب نفسيتها ولا تقدر تقول حق حد ولا تقدر تتصرف من نفسها ..
تخاف تخبر امها خواتها يفهمونها غلط وممكن ينهون الموضوع بطلاقها عاد تعرفون نفس هالسالفه حساسة ...
فكرت انها تنتقل من البيت عشان تبعد عن الانظار ويصير بامكانها تقلل اللمات والجمعات وتروم تتحجج بس مالها حجة لان لها بيت كبير بطابقين ومنعزل عن بيت اهله فاكيد زوجها رح يستغرب اذا طلبت منه انهم يسكنون مكان ثاني ....وهو تعب على هالبيت ...
المهم فكرت تاخذ رقم ثاني وهذا تقطعه مع ان كان هذا قرارها من البداية بس بحكم ان كل ربيعاتها واهلها يعرفون رقمها هذا وغير المؤسسات اللي تتعامل معاهم ..فماعندها استعداد تروح تستبدل من اول وجديد وتخبر واحد واحد انها غيرت الرقم ...
المهم قطعته مؤقت وطلعتلها رقم جديد ...
طبعا خفت حركات ابو زوجها فقالت اكيد غلطت بحقه وظنت ظن السووء فيه ..
بس اللي فقع مراراتي من الصدمة ...
تقول انه يوم الاثنين اللي طاف صار لها موقف ان زوجها وصلها موعد بالعيادة الصبح وراح دوامه وعلى اساس بيمر بعد ساعة ياخذها البيت بس الاخ انضغط بالشغل واتصل على ابوه يمرها بحسن نية...
لان ابوه طلع يالس بالبيت ماكان عنده شي وهي ما تدري لين ما قرب يوصل نص الدرب اتصل بها زوجها يقولها الوالد بالدرب بيمر ياخذج لاني مزحوووم بالشغل حبيبتي ..
طبعا هي قبضتها غصة ما عاد ما عرفت شو تسوي ... كلت تبن وقالت اوك ...
على كلامها تقول جا الحبيب كاشخ ومعطر وحالته حاله ...
فهي ركبت ومسوية عمرها ولا فاهمة شي وحاولت تجاري بدبلوماسية ورسمية ..
فقعد يسألها بطريقة مخجلة ها شو الموعد وشو عندج شو قالولج ومن هالكلام يعني تفاصيل شوي مبالغ فيها واهتمام مفرط ...
طبعا هي حاولت تغير الموضوع بطريقتها بس حسته غريب والسوالف اخذت مجرى آخر حتى انه سلك درب ثاني ابعد عشان يطول المسافه لين البيت طبعا هي قالتله ليش عمي جان اختصرت الطريق جي بنطول ؟؟
قالها ماعليج انا مرتاح وياج انتي مب مرتاحه ؟!!
طبعا ربيعتي بغا يغما عليها من الصدمة ...
بس اتمالكت نفسها وقالت لا ياعمي افا عليك انت تاج راسي وقدرك عالي بس على اساس ابغي الحق اخلص كم شغله بالبيت ..
قالها ماعليه لاحقين لاحقين...
وعقب تقووول مسك ايدي بطريقة .(...............:ohmy:............).
تقول سحبت ايدي وانا داخلي اتنافض ولا كنه شي صار وسحبت فونها وقعدت تخربط وتتعبث فيه عشان تساير وتدعي ربي يفكها من شره لين ما توصل البيت ....
الا وتشوفه مر صوب المطعم وبركن قالها شو تشربين قالت ماشي عمي دام فضلك بس ابغي ارد البيت اذا ماعليك امر
هني زعل وقالها لا تقوليلي عمي ... قولي محمد ...
عاد هني انصدمت زووود وماقدرت تتحمل
فقالت له بحدة وهي تخزه رجاءا ابغي ارد البيت ممكن ...
عاد هو زاد الطين بله وقالها يا بنت الناس انا بصراحة انتي عاجبتني
واللي تبغينه انا حاااضر ...
عاااد تقول ما شفت نفسي الا انفجر صياااح مدري صدمة ولا اشمئزاز من نفسيته المريضة ولا من الموقف اللي لا يحسد عليه ولا على زوجها المخدوع في ابوه ولا من التراااكمات اللي قعدت بجبدها...
تقول عاد هني خاف وحاول يهدي وتأسف و ردها البيت على طووول تقول من دخلت بيتي ما حسيت بعمري قعدت الم ملابسي بالشنطة واتصلت على اختي تمرني طبعا اختها خافت من نبرة صوتها قعدت تسألها بلاااج شو فيج شوووو صاير عسى ما شر ؟!!
.. قالتلها ماشي بس تعبانة وابغي اريح ببيتنا شوي ...ولو ان اختها مب مقتنعه لين الحين ...
وابو زوجها عرف يعالج الموضوع بدوره وقال حق هله وولده
انها تعبت من الفحوصات بالعيادة وحبت تقعد بيت اهلها فخلوووها ترتاح عندهم ...
وهي الحين ماغير صياااح واهلها مب عارفين السالفه ومب مقتنعين بحجتها وحاسين ان في شي وهي رافضه تقووول لحد من اهلها او زووووجها وكله تتحجج بالتعب وقالو لها يلا بنوديج المستشفى تقول ماعليه لا تحاتون وضعي عادي بس يبغالي راحة ...
وزوووجها هو الثاني وحليله ما غير حارق فونها عشان يطمن وهي مطنشه مالها وجه ترد عليه
كله صياااح وتلووووم نفسها وتقووول كله مني مني انا اللي ما وقفته عند حده من البدااايه
مع اني ماشوفها غلطانة في شي واي وحدة مكانها ممكن تتصرف تصرفها ولا تخرب بيتها ..
والحين فوق الاسبوع عند بيت اهلها ولاعارفين شو يسوون لها وكل وحدة من خواتها تفسر حالتها بكيفها اللي تقول سحر واللي تقول عين واللي تقول تعب ...
وهي الله العالم بحالها ...
هي تحب زووووجها وما تبغي تخسره من ورا ابوووه المريض
وما تبغي تنكر فضل اهل زوجها عليها وبالذاااات ام زوجها
وبنفس الوقت ما تقدر تقعد ولا ثانية بالبيت ..
عافت البيت وطوايفه
وكرهت الاب بشكل مو طبيعي
تقول ما توقعت اشوف نفسية بهالمرض
لا حشم ولده ولا عرضه ولا حشم نفسه ولا احترم العمر اللي هو فيه
يلعن ابو الدكتوووراه والدراسة براا
اللي تخلف ناس مريضة بهالشكل
ناس ما تخاااف الله
ياااعالم افززززعووولها البنت ماعرفت لمن تشكي ...
وانا بدوووري شايله حمل وبداااخلي غصة وحرقة
على ربيعتي ولا اقدر افتح الموضوع مع حد من هلي يعطيني المشورة
ترى السالفه مب هينة وفيها خراب بيووووت
وبنفس الوقت ماحد يقدر يصدقها ...
فكرت انزل الموضوع بموقع للاستشارات الزوجية والعلاقات الاسرية
بس قلت اسدحه هني واشوف رايكم قبل ...
دخيييييلكم ....
اتريا ردووودكم يا حكيمات ..:frown:
هذا الموضوع مغلق.
همسات الخافق
•
.............؟؟!!! ....ولا رد ....
وزوجها اش ذنبه تسيب البيت وماترد عليه
تتعامل مع الاب بجديه وحزم وماتعطيه وجه ويكون ليها موقف صااارم معاه
هيا فتره وحتعدي لمن يشوفها مو حق خرابيط هو نفسه بيستحي
ووالله يعينها
تتعامل مع الاب بجديه وحزم وماتعطيه وجه ويكون ليها موقف صااارم معاه
هيا فتره وحتعدي لمن يشوفها مو حق خرابيط هو نفسه بيستحي
ووالله يعينها
مشاعل نت
•
والله ما ادري وش اقوللك
بس القصة ما دخلت راسي احسها خيال !!!
المهم لو كانت حقيقيه لاتعطيه وجه ابد
الله يعينها
بس القصة ما دخلت راسي احسها خيال !!!
المهم لو كانت حقيقيه لاتعطيه وجه ابد
الله يعينها
الصفحة الأخيرة