صديقتي بمجرد ماتتعرف على صداقات جديده تنسى الناس .

ودي احكيلكم مشكلتي واتمنى تسمعوني وماتملوا
لي صديقه من وحنا بالابتدائي وعدت هالمرحله واللي بعدها واحنا اكثر من الأخوات
الين جات مرحلة الثانوية وللأسف التفت حولها شلها وخلوها تمشي بطريق الحب والإعجاب وهالخرابيط
نصحتها بدل المره ألف ماستمعت وماكانت طايقتني ولا طايقه ولا كلمه مني وفي النهاية معد صرنا نكلم بعض غير للإطمئنان على الأهل وعشان مانقطع علاقة الأهل ببعض
وبعد 3 سنين رجعت كلمتني وانها تابت وعرفت ان الطريق اللي كانت ماشيه فيه غلط
والحمدلله قعدنا فترة 5 سنين مثل ماكنا أيام طفولتنا
صديقات..لا والله مثل الأخوات
كل اسراري عندها وكل اسرارها عندي
المشكله انها بمجرد ماتتعرف على صداقات جديده تنسى الناس اللي تعرفهم مثل ماصار معاها بالثانويه
اللي انا مستغربته انها وقت ماتطيح فمصيبه كبيره أو محتاجه مبلغ معين تتصل علي ويرجع اسلوبها حق قبل يعني تتكلم عادي مو بنفس خايسه كالعاده
وكلمت اختها قلت لا يكون فيكم شي او هي فيها شي عشان كذا متضايقه قالتلي والله مافيها الا العافيه انا اعرفها ... طنشيها


والله ماأبغى اظلمها أو اشوه صورتها قدامكم بس هذا اللي حاصل معايا
انا عن نفسي ماصرت اتعامل معاها غير فحدود معينه ولا اكلمها دايم لأني بديت احس انها .........
والله العظيم مو هاين علي ان اغلط عليها بس هذي عمايلها
اش اسوي دلوني ...والله العظيم ماصار لي نفس اكلمها لأني ماأحب الشخص اللي قدامي يستغفلني

اتمنى تتجاوبي معايا ولاتردوني