السلام عليكم ..
كل عام وأنتو بخير ..
كيفكم بنات ..
هالمرا المشكله مهي لي ..
لصديقتي ..
بس قسم متضايقه عشانها وراحمتها ..
بقولكم بنات ..
صديقتي انخطبت وتملكت وعطاها زوجها مهر قليل وقال هذا بس لملابسها الجاهزه وعطورها
وقال الباقي تروح وتدخل فساتينها على الخياطه وتروح محلات الذهب وتختار الذهب اللي تبيه وانا اجيبه لها الشهر الجاي واطلع ملابسها ..
وبجيب لها شبكه كبيره وبحط الشبكه بقاعه كانها زواج ..
وافقت على اساس هالكلام وتملكت وقال الشبكه بتكون مختصره عشان ابوه تعبان وهو يكذب مو تعبان بقولكم شلون عرفت ..
المهم
جاء لبيتهم وحطو عشا اهلها محترم وجابت جاتوهات ودخل عليها وكانت كاشخه ومتعطره ومتبخره ومتعده للشبكه الكبيره ..
انصدمت يوم شافت شبكته ..
طقم صغير مفرق حالته حاله والرجال جايهم ريحته تفوح ونعاله مقطعه مع انهم اغنياء وراتبه عالي يوصل ال18 الف ..
راحت وزنت الطقم صار بالفين وميتين بس !!
بالله احد يجيب طقم والذهب غالي بهالسعر ؟
وش بيكون حال هالطقم ؟
زعلت وقالت مابيه وردو شبكته حاولو يهدونها اهلها وهو قالها يوم شاف الشبكه ماعجبتها انه هو مختارها ولا يعرف وش وذقها بس بيعوضها بالذهب الللي تبيه تختاره ..
اقتنعت وسكتت ..
راحت وشافت ذهب عجبها وحجزته ودفعت عربون للمحل واخذت فاتوره ..
وراحت لمصممه وخيطت 3 فساتين عندها ..
وانتظرت الشهر يعدي وكلمه اخوها وقالت له قال اوك بكرا بمركم
وجحدهم
اسبوع ودق اخوها
قال اصبر للراتب
وجحدهم
انتظرو اسبوع ودقو قال انا مسافر عطوني رقم حساب احول عليه
ثم انتظرو يحول ماحول شي
كلموه قال لا مو معطيكم من قالها تحجز ذهب لا اخذتها صباحية الزواج رحنا شرينا بالمبلغ اللي ابي انا :eek:
والفساتين عطها انت يافلان يقصد اخوها ويمكن ارجع لك نصها :eek:
قال اخوها نعم وش تخربط انت ليش تقول احجزو ذهب ودخلو الملابس واطلعها ليش اللف والدوران
قال ماعندي الا هالكلام عنادا لها ليش تاخر الزواج لان الزواج كان قبل رمضان واجلته هي عشان مافي وقت تجهز
وقال السبب الثاني من امرها تروح تحجز بدون استئذان
وجلس يخربط بالكلام
قاله اخوها لك مهله الى الليل تتراجع عن كلامك وكان شي ماصار والا دقيت وعلمت الاهل بكلامك
وطنش
وكلم اخوها امه وكلمها وعلمهم وانهبلت البنت قالت خلاص مابي الا طلاقي لفه ودورانه خلو ينفغعه
قالو له طلق قال خلاص بعد العيد وطنشهم للحين لا دق ولا طلق الله حسيبه
والبنت حاللتها حاله طول اليوم تبكي وكلمتني اليوم وانا من زمان عنها وصدمتني بهالسالفه :(
هي الحين تبي الطلاق بس شكل الرجال مو مطلق الا لما ترد مهره
هل شرعا يحق له المهر ؟
انا قلت لها نصه بس لانه هو متملك وجلس معها يوم الشبكه
وامها تقول لا كل المهر لازم ترده
مدري يابنات راحمتها ابي تعلموني هل قرارها بالطلاق صحيح ؟
وهل زوجها له المهر كامل
هي تصرفت بالمهر ولا معها ترد له الا نصه بس
انا قلت قرارك صحيح خليه يطلق ويطس وهي مسكينه ماتبيه بس خايفه
وشرايكم
نسيت اعلمكم ان امها شافت ام الرجال بالسمجد وقالت انه يكذب ان ابوه مو مريض وطلعت امه مو مسافره ولا شي وهو يشلخ عليهم ويقول امي مسافره وانا رايح معها ..
اللي ماعندها رد تدعي لها ربي يفرج همها ويعوضها خير
وادعو لي ربي يجمعني بزوجي ويتمم زواجنا على خير وسعاده ..
لمووو بنت أبوها @lmooo_bnt_aboha
محررة فضية
يلزم عليك تسجيل الدخول أولًا لكتابة تعليق.
حواء وام ادم
•
الله يفرج همها ويعوضها خير
امين يارب ..
ايه كذب واجد عليهم مو بس هالكذبات بس اهلها اغبياء وظلموها هالمسكينه
كل يوم بكلام قسم راحمتها ورطوها ..
من كذباته انه قايل مستاجر دور كبير وطلع مستاجر شقه صغير معفنه
وقايل بنسافر برا ويوم تملك وجاء للشبكه قال مافي برا جده ومكه وبس ..
وقايل انا بجيب لك خدامه ثم بالاخير جالس يهاوش ليش تاجحل الزواج مالقيت احد يخدمني برمضان
استغفر الله بس
ايه كذب واجد عليهم مو بس هالكذبات بس اهلها اغبياء وظلموها هالمسكينه
كل يوم بكلام قسم راحمتها ورطوها ..
من كذباته انه قايل مستاجر دور كبير وطلع مستاجر شقه صغير معفنه
وقايل بنسافر برا ويوم تملك وجاء للشبكه قال مافي برا جده ومكه وبس ..
وقايل انا بجيب لك خدامه ثم بالاخير جالس يهاوش ليش تاجحل الزواج مالقيت احد يخدمني برمضان
استغفر الله بس
الصفحة الأخيرة