صديقتي بنظر زوجها لسا ارمله

السلام عليكم اخواتي الله يسعدكم ابطرح مشكلة صديقتي يمكن تحصل لو دعوه مستجابه رغم ان بعضكم راح يمل من طولها بس والله انها نقطه ببحر من مآساتها
كانت متزوجه بعد الثانوي مباشره وكان زوجها يموت فيها وهو كان الكل حاسده عليها جمال وحلاوة لسان وذرابه وكامله والكامل وجه الله
جابت منه ولدين وبنت مثل القمر وسبحان الله توفى زوجها من مرض ماطول الا ومات بغت تنجن صديقتي بس مادرت توه بدا الشقا واهل زوجها قدمولها كل شي وزيارات ودلع وتعلقت فيهم اكثر مادرت انهم مسوين خطط من يوم طاح بالفراش اول شي قالوا اخونا وصانا ان الكبير يصير وصي على الاولاد تقول ابوي فهمهم وقال انا الوصي بس هاجوا و حجتهم هالوصيه ووافقنا على كل شي وكنت مثل اللي مشتاقه لهم لأنهم من ريحة الغالي وكانوا مفهميني اني اغلى وحده عندهم وخطبني ولدهم اللي اكبر من الصغير واصغر من زوجي متزوج وعنده ولد وبنت واستغربت ان اللي خطبها مرتاح مع زوجته وحلفت خوات رجلها ليه يبي يتزوج وقالوا خواته مو مرتاح مع زوجته المهم استخارت والكل ايدها انها تتزوجه وتزوجته ليلة الزواج تقولون عزا والله خلوها عائليه ودموع وحاله وهي كانت مسويه تضييق وزوجها بس يتصدد عنها ويقول احس اني مخنوق وبس يصيح وتقول قعدت اصيح مدري ايش اللي يصير وهو تقولون شيطان قعد يقول وفري دموعك يالخاينه انا لواموت بكره بتتزوجين اخوي الثاني انت ماهمك الارجال وبس المهم تقول ليلة زواجي اقوى من خبر وفاة زوجي وماجاها زوجها الا بعد اسبوع ويوم شافها ضيقه قامت جنونه ويقولهاكلام استحي اقوله لكم وزوجته ا لاولى تركته سنه والله انه ذل نفسه لها حتى ترجعله وصديقتي ياويلها لوتقوله بطلع معك مايقولها الا انتي ماخذك بس عشان عيال اخوي وزوجتي اكرم منك ومن اهلك طبعا مر على زواجها عشر سنين واهل زوجها اللي طاروا فيها تغيروا عليهاوجابت من زوجها ثلاث اولاد وبدت مشاكل هذي فلوس عيالك وهذي فلوس عيالي تقول والله مادري ايش اللي لي وايش حق الايتام ضيعت حقي وضيعت حق هالأيتام عند اللي مايخافون الله وصرت احس بنظرات الحريم اللي كانوا يقولون لي اتزوجي عادي يحسسوني اني خطافة رجال وشرايكم تفكر بالطلاق بس خايفه على اولادها والمسكينه صبرت صبر ماحد يقدر عليه وهي تحاول تتقرب من زوجها تهتم بنفسها وبالطبخ حتى انه تخيلوا يقولها سوي عشا لظيوف وبعدها ينام عند زوجته الاولى وسبحان الله زوجته الاولى مو حلوه ولا ذربه حتى قهوتها ماتقدر تشربها ولا عاد حملت من تسع سنين بس هو طاير فيها ومايشوف مثلها تقول حتى لبسها يفشل ومره كان بيوديها اهلها قامت قالت بنستأجر وبخلي الاولاد عند اهلي وافق وطارت من الفرحه راحت لمشغل وتزينت وجهزت مفرش جديد وشموع وحركات يوم وصلوا الفندق وجهزت له الغرفه الا الرجال صار وجهه اسود قالت اشفيك حبيبي ايش اللي صار قال أخاف اخوي يشوفني وانا أخونه معك بغت تموت انهارت قالت خاف ربك انت زوجي والحي ابقى من الميت وانا لو يرجعلي كان تمسكت فيه لأني صرت اكرهك انت اللي جيت وخطبتني واهلك اللي اركضوا وراي لحد ماتزوجتك ولو ماجبرتوني على الزواج كان ربيت اولادي ولاعمري فكرة بالزواج لامنك ولا من غيرك تقول واشوف ابتسامه على وجهه قالت ليش تضحك طالعها وقال انتي اخر شخص مستحيل تتزوجين حتى خواتي يوم يقنعوني فيك يقولون هذي بتتزوج اول واحد يطق بابهامرت اخونا ونعرفها انهبلت صديقتي وقالت بعد عشر سنين جاي تقولي هالكلام خلاص طلقني رد ببرود وقال انتي محتاجتني حتى راتب ماراح تحصلينه فلوس عيال اخوي تحلمين بريال وشاورت ابوها وقال لها لو خليتيني الوصي على اولادك كان اخذت حقكم من عيونهم امابيتك ارجعيله لاتشتتين عيالك تخيلوا توها ادخلت الثلاثين اللي بعمرها عرايس وهي شافت الشقا بس ادعولها ان الله يحنن قلب زوجها عليها وهي تشاورني تقول ارجع ولا اطلب الطلاق وانا شرت عليها انها ترجع عشان الاولاد وانتم كيف تخليه يشيل فكرة انها ارمله وانها حلاله وهذا شرع الله وسألتها قلت يمكن مسحور قالت رحنا لشيخ مره وقرا علينا ومابين شي والاذكار محافظه عليها بس اللي استنتجته من العشره انه مجبور عليها بس عشان يضمنون ان الورث يصير بيدهم وماهمهم هي وياليت فيها عيب والله ياناس جمال واناقه ونفسها بالأكل الكل يشهدلها حتى بالعمر اصغر من الاولى وتجيب اولاد والاولى الله يستر عليها عكسها بكل شي
ماعليش طولت عليكم ووصيتها تقرا ردودكم الليله
ودايم تسأل تقول نفسي اقابل وحده ارتاحت مع اخو زوجها حتى اللي ماخذه اخو زوجها ولد تقول تزوج علي يقول ابي بكرأشكر كل من رد وصديقتي شافت كل ردودكم وتقول والله ماتضايقت لمن شفت الردود اللي تهاجمني لأني فاهمه نظرتهم وهي لسا في بيت ابوها وراح تغيب اولادها هذا الأسبوع وبترجع للبيت الخميس الجاي وتقول كرهت الرجال ابي بس اسكر علي الباب انا وعيالي وترا قبل لاتزوجه لو شفتوا اهل زوجها كيف كانوا يكرمونها هي وعيالها وكانوا كل اسبوع عندها وصاروا لها احسن من اهلها تقول اشتقت لهم خاصة ام زوجي لانها تحبني اكثر من بناتها بس ماقدر اقولها ولا أحد من اهل زوجي يدري عني لاني ادري بيتشمتون في الناس وضرتي مع العشره عرفت انها انظلمت لأن حمواتي يكرهونها وبغوا يكيدون لها بس انا كل هدفي الايتام مابغاهم يخسرون امهم وابوهم اما زوجي ماعاد ابغى منه شي كل همي فلوس عيالي ماتضيع وهذا اللي بركز فيه