مساء الخير
فيه وحده من صديقاتي مشكلتها تحير وهي راسها يبي ينبط من التفكير هي عمرها فوق الثلاثين تجلس فتره طويله ما تنخطب واذا انخطبت يجيها شايب تخيلو لها سنه ماحد طق بابها وخلال الاسبوع الماضي جاها شايب يبي يعدد ورفضت ومن ثم جاها واحد ثاني ارمل برضه شايب كبير والمجتمع يحطمونها اقبلي خلاص كبرتي وش تستنين ترى الي بعمرك مالها الازي ذولا وش متخيله يجيك اجل ابو 20 البنت تسمع ها الكلام وتحترق ونفسيتها تتعب لكنها متوكله على الله سبحانه تقول زي ها الكلام يعذبني لو اني ما نخطب ارحملي من جيت ها الشيبان ومن تحطيم الناس لي واثناء ماهي تعبانه نفسيا خلال ها الاسبوع من ها الضغوطات الي جتها جاها واحد اصغر منها ب10 سنوات وراضي فيها بس البنت مره محتاره وما تدري وش تسوي تقول ودي اتزوج بس افتك من ها الهم الي انا فيه بس صعبه اتزوج واحد اصغر مني ب10 سنوات لو 5 او 6 كان عادي هذا كبر اخوي الصغير وبعدين هو وش الي حاده وتنازل الى ها الدرجه اكيد انه فيه شي هم صدق سئلو عنه وكويس والبنت ماهي موظفه كان قلنا داخل على طمع البنت مسكينه تقول اخاف ازت نفسي عليه هروب من واقعي المر وخصوصا اني محتاجه لزواج ما اقدر اصبر اكثر ثم اندم خواتها يقولون لها الرسول اخذ خديجه هي تقول هذاك الرسول صفوة الخلق ماهو زي شباب ها الوقت الرسول غير
البنت ماشاء الله تبارك الله الي يشوفها يفتكر عمرها 20 بضبط كل من عرف عمرها الحقيقي ينصدم وما يصدق انا قلتلها كذا وخوانها يقولون الي يشوفكم انت والولد يفتكر انه هو الاكبر بس البنت مره متردده تقول انا بين نارين ما ادري وش اسوي تقول ودي اخذ من عمر الشيبان الي تقدمولي واضيفها على عمر ها الخاطب الصغير والله البنت نفسيتها دمار ما تدري وش تسوي صحيح تستخير بس برضه تعبانه وحيره اهلها معها يعني ينطبق عليها المثل الي يقول البحر من امامكم والعدو من خلفكم
ظلع @thlaa
محررة برونزية
يلزم عليك تسجيل الدخول أولًا لكتابة تعليق.
دمعه رجا
•
اذا تنازل عن فارق العمر أكيد الصبي فيه شي مخبنه عنكم مريض مثلا او مخدرات حصلت لوحدة من اهلي خطبها شاب أصغر منها وبعدين طلعت في بلاوي كثيرة على الولد بعد ما سألوا عنه
تستخير أفضل وتحط في بالها اذا صار نصيب مسألة فارق العمر بتكون من ضمن
الاشياء الي بعايرها فيها
تستخير أفضل وتحط في بالها اذا صار نصيب مسألة فارق العمر بتكون من ضمن
الاشياء الي بعايرها فيها
الصفحة الأخيرة
طيب اذا الخاطب عارف عمرها معناته راضي بفرق العمر
اذا عارف خليها تستخير و تتوكل واذا ما يعرف خلوهم يقولون له عن الفرق علشان هي ترتاح
والله يسعدها ولا يهمها كلام الناس يكفي مثل ما تقولين انه مبين صغيره