ما ادري من وين ابدأ ؟؟ حاسه اني ضايعة متخربطه مو عارفه ويش اقولكم ؟؟
امس كنت بروح مشوار قريب من شقة صديقتي وقلت بالمرة اخذ لها خريطة بيتي اللي ابنيه اللحين لان هي عالسنة الجديدة راح يبنون ارضهم .. وصديقتي هاذي من اعز واغلى البنات على قلبي لانها اخلاق عن جد وطيبة ومتربية احسن تربية ودرست وتزوجت وحملت وولدت وعشت حياتي كلها معها ..
المهم اتصلت عليها وصوتها متغير وخبرتها اني بمرها .. لما رحت لها وعطيتها الخريطة قالت لي انها ما تبغي تبني بيتها وانها راح تبيع الارض وتأخذ نصيبها >>> الارض مسجله بإسمها وبإسمه لانه دافعه وياه فيها .. قلت خير ان شاء الله ليش ما بتبنونها ؟؟
قالت لي : لاني قررت انفصل عن زوجي ؟؟ ؟؟؟؟ طبعا انا ما صدقت كلامها وما استوعبت الكلمة عدل ؟؟ سألتها عن الاسباب وقالت انها هي اللي تبغي ومصرة على الطلاق اول ما تولد >>>> لانها حامل بالشهر السابع ؟ يعني لما تولد وتنفس في بيت اهلها ما عاد ترجع لبيتها ؟؟ بتقعد عندهم ؟ والمبلغ اللي بتحصله من بيع الارض بطلع عليه قرض من البنك وبتشتري لها عمارة جنب بيت اهلها وبتأخذ شقة منها تعيش فيها مع عيالها >>> عندها ولد عمره 5 وولد عمره 2 وهاللحين حامل ببنت ..؟
انا ما صدقت كلامها حسيتها تمزح معاي لان من شكلها تتكلم عادي ولا صاحت ولا شئ بس صوتها مبين عليه الكدر والهم ؟
سألتها عن الاسباب قالتها لي بشكل مختصر :
1. رجلها فيه حرص على الفلوس ومن اول ما اخذها حتى المهر كان يبغاها تتنازل عنه وحتى حفلة زواجها هي اللي سوتها لروحها من عندها بمهرها وبالفلوس اللي كانت بحسابها .. واول ما اشتغلت لحد الان يضغط عليها على راتبها يبغاها تصرف علي البيت وعلى العيال وغير هذا ما يعطيها فلس واحد الا في الاعياد ..؟
2. يطالع المواقع الاباحية والقنوات و.. اذا جت تعاشره ما ترتاح معه جنسيا .. تقرف منه ما يعرف يتصرف معها ولا يعاملها برومنسية خشن .. ما يعرف كيف يطلبها للفراش ؟
3. ما يهتم بنفسه بشكله بجسمه كرشه وشعره خفيف وااايد حتى ملابسه يتم اسبوع يلبس فيها .؟
4. ما يعرف يتصرف ولا تقدر تعتمد عليه في كل شئ وتحمل المسؤولية ؟ على طول قاعد عالنت .. ما عنده شخصية مع الناس ولا يعرف يتعامل معهم ..
5. غير طموح .. ولا يبغا يطور نفسه ..؟ وغير متعاون معها ..
واسباب الله العالم بها بس لانها ما حبت تدخل معاي بالغزير .. قالتها لي كعذر لها للطلاق وهي خلاص تبغا ترتاح من المشاكل ومن الصراخ وياه .. لانها ما تقدر تتفاهم وياه عجزت عن الحوار معه ..
وصديقتي يوم اخذت زوجها حتى انا استغربت انها وافقت عليه لانها كانت تتمنى رجل ميسور الحال يعيشها احلى عيشة ويأخذ لها ويأخذ لها .. لانها متعلمه على العيشه هاذي ..هذا غير انها جميلة جدا حتى انه اول ما اخذها خلاها تتغطا من فوق لتحت .. لان كل من يشوفها يشهق فيها اشلون اخذت زوجها .. انسان عادي متواضع وهي جميلة وذكية ومتعلمه ومتوظفة وعندها مال .. وكل من يتمناها كانت في البداية مقتنعه وراضية فيه لكن تصرفاته معها غيرت مشاعرها اتجاهه ...
ارجوووكم بنات انصحوووها شورو عليها قبل لا تهدم بيتها بيدها .. على الاقل ادعو لها الله يسخرها لزوجها ويهديها ويسخره لها .. لاني عجزت معها وانا اقنعها .. لكن ما في فايدة مصممه .. وزوجها يتحايل عليها عشان ترضى عليه ..>> بس هي تقول انه بس رضا وقتي لما ترضى عنه وتسامحه بعدين يرجع مثل اول .. وخايف من الطلاق لان يقصون نص راتبه اور بعه على ما اعتقد عشان مصروفات العيال ؟؟؟ :(:(:(:(
ساعدوني معها ما تهون علي تخرب بيتها وتشرد عيالها ... :angry2:
غلاالروح @ghlaalroh
كبيرة محررات
يلزم عليك تسجيل الدخول أولًا لكتابة تعليق.
ان بطلاقها منه فيه خير لها ولعيالها فالله يسهل لها هالطريق وان ماكان فيه خير لا لها ولا لعيالها فربي يسخرهم لبعض ويشرح صدرها له
اذا هي حاسة انها جالسة تضيع عمرها معه
وهي صغيرة
تستخير ربها وتنفصل مو الى كبروا اولادها تجي تطلب الطلاق
وهي صغيرة
تستخير ربها وتنفصل مو الى كبروا اولادها تجي تطلب الطلاق
امل قريب
•
الطلاق رحمة لها من هالعيشه
والحمدلله انها تقدر تفتح بيت وتصرف على عيالها
والطلاق نعمه بهالحالات
ووش بيته اللي تهدمه هو مهدوم اصلا
الله يعوضها باخير منه يارب
والحمدلله انها تقدر تفتح بيت وتصرف على عيالها
والطلاق نعمه بهالحالات
ووش بيته اللي تهدمه هو مهدوم اصلا
الله يعوضها باخير منه يارب
الصفحة الأخيرة
وعلى فكره الطلاق ممكن يكون افضل كثير من الاستمرار في حياة فاشله لذلك حلله الشرع وان كان ابغض الحلال،وصدقيني لو انها تحبه ومرتاحه معه كان مافكرت بالطلاق بعد 3 اطفال،،وانا ما اشجع على الطلاق الا اذا كان اخر الحلول ونرجع ونقول الاستخاره هي الحل