صديقتي تبغى مشورة وانا عاجزة عن مساعدتها في عريس الغفلة!

أخواتي انا مقلة جدا من المشاركات لكني اعرفكم من زمان واعرف الخير اللي فيكم:

اعز صديقاتي تزوجت وعمرها 25 سنة بعد ما تقدم لها أشكال وألوان من الرجال لكن رزقتها كانت مع واحد قريب من سنها جدا وماديته شبه ضعيفة ودينه مو ذاك الزود
بتقولوا ليه تاخذه ارجع واقول كتبة الله والنصيب وهو كم مرة يرجع يخطبها وهي ترفض لكن النصيب ما منه مهرب
هي موظفة وقالت نتعاون على دنيانا مع بعض وهي ملتزمة والناس اللي سألوهم ما ذموه في الدين وقالوا تارك التدخين لكنها تشم ريحته فيه كل ليلة ويسهر مع ناس سيئين ودخل الدش في البيت ويتفرج على كل شيييييييييييييي.
غالبا يصلي في البيت ويتمنى لو تسكت عنه عشان ينام عن الصلاة.
لسه ما جينا للمشكلة اللي هي تبغى لها حل.
هو يوديها عند اهلها يوميا عشان يسهر عند ربعه وما يرضى يخليها في البيت!ولما تتعذر باي شي عشان تقعد في البيت يروح ويخليها ما ياكل معها ولا وجبة ويحطمها لما تطبخ له ويقول متغدي برا مع ربعي!!
هو ضعيف وجسمه صغير وماعند طاقة الرجال وشهوتهم المعروفة!! شفتوا الهنا اللي هي فيه؟؟
كل يوم تبكي علي في التلفون من سالفة انه يسهر وهر لسه مالها 4شهور من تزوجته ويتمنى يخليها تنام عند اهلها وما تبغى تدخل اهلها في الموضوع لا يكبر.

تكفون بنات انا محتارة معها وما قادرة اتحمل بكاها وانا ما عندي حل.
انتظر ردودكم وهي راح تقراها معانا وجزاكم الله كل خير.