صديقتي تبغى منكم المشورة في أمر مسبب لها قلق!!

لي صاحبه طلبت مني عرض مشكلتها بحكم اني عضوة بعالم حواء وتبغى منكم النصح والمشوره والراي السديد.
وطلبت مني نسخ الردود واعطائها اياها لتقرأها..
والمشكله على لسانها تقول:

(((((((((( انا امرأه صاااامته..سااااكته..لااحب الكلاام ابدددددا ...وهو مو حياااء..
لا ابدا هو عدم رغبة في الكلام.. لااحب ان اتحدث الا بمايفيد.. لاافضل الكلام الا لضروره
لاارغب بالكلام الا بالمهم فقط.. احب الصمت والهدوء والسكووووت عند الآخرين..
احب ان اكون مستمعه أكثر من اكون متكلمه..
لاتحسبونه تكبر او غرور او كبريااااء..
لا والله وانما هو طبع.. من صغري وانا هكذا .. غير اجتماعية مطلقا ..
في صغري كنت الجأ للقراءة داااائما .. وحاليا الانترنت ..
اذا كنت في مناسبة او حفلة نسائية مثلا لااحب الخوض معهم بالكلام الا اذا اردت قول كلام مهم او اضافة مداخلة هامه
ويضيييق صدري مررره عندما تقترب مني وحده وتجلس تتكلم وتتكلم وتسأل ومااصدق متى تقوم من عندي!!

مايمهني اعرف فلانه تزوجت او طلقت او حملت او غيييره.. لاني بقرارة نفسي احس انه شي مايهمني ولا هو امر مهم
بديت أمل مجالس الحريم لانها ماتدور الا حول اخبارالناس والزواج وغيره..

صرت اتضايق لما اروح مناسبه وودي يخلص الوقت وارجع للبيت واسوي شغله مفيده لي ولمجال عملي والا لعيالي ابرك من الكلام اللي مايودي ولايجيب..

دايما زوجي يعلق علي ويقول :اشبهك بالمرأة الامريكية ..ماتهتم بالعلاقات الاجتماعيه ..ولاتهتم بفلانه ولدت او فلانه تزوجت.. وكل اهتمامك بالانتاج العملي فقط..

في عملي اعتبر ولله الحمد ناااجحه جدا وبتفوووق ..بشهادة مديرتي ومشرفتي وحصولي على التميز في مجال عملي..
لاني فعلا اول ماارجع من دوامي وارتاح اجلس عالنت وابحث وابحث عن كل جديد يخص عملي واصور واطبع حتى موعد نومي وهكذا ..

لذلك بديت اقلق لما اطلع في مناسبه عائليه واكون على اعصابي متى ارجع اكمل عملي وابحاثي واجد نفسي مااحب اجلس واضيع وقت في القيل والقال واشياء ماتهمني ..او مثل مااعتقد انا انه مايهمني..

احس كأني جالسه في المكان الغلط..في مكان ماني مرتاحه فيه.. في مكان مايشدني فيه شي اتكلم فيه.. لانهم مايتكلمون عن اللي يستهوين واحب الكلام فيه..

لذلك بديت انسحب تدريجيا عن المناسبات العائليه والاجتماعات .. وصرت اتخلف كثيييير عن اجتماعات الاسبوع..
ارسل عيالي واجلس اكمل بحوثي واعمالي والبرامج اللي تخص عملي.

صرت بيتوتيه درجة اولى..
صرت احيانا اروح للمناسبه بعد كل ثلاثة اسابيع ..
اتجهت وبكل قوة لعملي فقط ليس من اجل الشهرة والبروز.. لا.. لأني احب هذا العمل وأجد نفسي فيه.. أحس بمتعه كبيييرة وغريبه وانا جالسه اعمل وابحث..

زوجي تركني على راحتي .. ومااعترض على رغبتي هذي..
لكن تفاجأت قبل أيام برسالة جوال من قريبة لي هزتني هززز.. وأثرت بي ..كتبت فيهاااحاديث عن الرسول بعقاب من يقطع رحمه وترهيب من القطيعه وختمت الرساله بحديث أو قول (لااذكر بالضبط) يقول( من قطعني قطعته ومن وصلني وصلته)

حز بنفسي رسالتها .. فأنا لااعتبر نفسي قاطعة رحم.. ازور والدتي ووالدي في الاسبوع مره.. وارى اخواني واخواتي مثلما قلت لكم تقريبا مرة كل ثلاثة اسابيع..
هذا غير اني احب من يزورني في بيتي وادعوهم باستمرار لذلك.. فهو احب إلي من الخروج من البيت .. احبهم ان يزوروني ويصعب ويثقل علي ان اخرج انا لزيارتهم..

ياليت اسمع منكم تعليق اوتشخيص او راي لحالتي.. ولكم الشكر..))))))))

انتهى كلامها