لاعدمتكن يالغاليات

ماقصرتن والبنت قرت ردودكن وتشكركن


بس ترى البيت الاخير قووووووووووووووووووي فيه اهانه لها والا شرايكم ؟؟

وعلى فكره هو ماله حق بهالقصيده لانه هو الغلطان موب هي

وبعطيكم الحكايه بااختصار واحكموا

هم تزوجوا عن حب سنين ولو ماخذوا بعض كان صار بهم شي

واهله ماكانوا يبونها انها مهي منهم ويبون بنات عمهم لولدهم

المهم بعد زواجهم بثلاث اشهر كانت امه تزن عليه يخليها لانها مو عاجبتها!!

ابو الشباب جاء لصديقتي وقالها مانصلح لبعض ؟ طيب ليه ؟ قال صعب نستمر مع بعض ومابي اظلمك

ابتركك وانتي بطريق وانا بطريق ونشوف حياتنا

تقول رحت لااهلي وانا مهانه ولا ناقشته لانه منتهي من الموضوع وخلاص

بعد اسبوع صارت ترسل له تبيه يرجعها وتودد له واحبك وكذا

وكانت ردوده تقهر ... يقول انا بعد ابيك بس مافي حل ومابي اظلمك

تقول لمن شفت مافي فايده واهنت نفسي له خليته وقعدت اكثر من اسبوعين مريضه بسببه

وصار يرسل يسال عن حالها وهي تطنش وتنطش وقال خلاص ماعاد ارسلك

وارسل لها بعد فتره هالقصيده


بالله عليكم يابنات من المخطي وهي اللي تموت فيه ولا تبي غيره ويتركها كذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ولو انتي مكانها وش تردين ؟؟؟

وتكفن اللي عندها قصيده ترد فيها عليه او كلام لاتبخل

انـا زعـلان منـك حيـل وشايـل لـك بقلـبـي عـتـاب
واتـمـنـى تحمـلـنـي مـثــل مـــا اتـحـمـل عـتـابــك


ترى بعض الصراحة جرح وثقل ونرفزه واعصاب
ابـي تسمـع كلامـي زيـن وتـمســك زيـن اعصـابـك


تعاهـدنـا انــا وانـتـه عـلـى إنـــا نـكــون احـبــاب
واحبـابـك هــم احبـابـي واحبـابـي هـــم احـبـابـك


وش الــي غـيـرك فجـأه تكـلـم واذكــر الأسـبــاب
انـا بسمـع كـلامـك زيــن وبسـمـع زيــن اسبـابـك


رغـم كـل الخطـاء منـك فوجهـك مـا قفـلـت الـبـاب
ويـوم اخطيـت فـي حقـك قفـلـت فوجـهـي ابـوابـك


رخصـت الغالـي لعيونـك حنيـت لخـاطـرك ارقــاب
رضـيــت احنـيـهـا ارقـابــي ولا تحنـيـهـا ارقـابــك


كفايـه تمتحنـي هــم وخــل مــن ذم فيـنـي وعــاب
ترى من عاب في غيـرك ولـو طـال الزمـن عابـك


ولا تفكر في يـوم انسـاك او يشغلنـي عنـك غيـاب
انــا اتنفـسـك اهــواك وفـيــك امـــوت واحـيـابـك


انـا مـا شـوف احـد غيـرك جمـيـل بفـتـنـتـه جــذاب
انـا إعجـابـي فيـك اعمـى يفـوق اعجـاب اعجـابـك


انـا مهـمـا قـسـى قلـبـي بكلـمـه مـنـك احـسـه ذاب
انا من زود عشقـي لـك عشقـت العطـر فـي ثيابـك


انـا ياليـت مـغـرم فـيـك انــا كـلـي فغـرامـك شــاب
احـسـك جــزء مــن روحــي ولا اتـحـمـل غـيـابـك


ولا قد طـاب لـي جرحـك ولـو جرحـي لذاتـك طـاب
عجـزت اقـدر اشـوف الدمـع بـل اطـراف اهـدابـك


ولـكـن كـــل شـــي إلا جـــزاة الـصــد بالـتـرحـاب
إذا صـديــت تـرحـابـي تـــرى بــاصــد تـرحـابــك


ولانـي مرتـضـي ذلــي ولــو كــان الـهـواء غــلاب
إذا مـاكـان تـرضـا بـي حـشـاء لا يمكـن ارضـا بـك


ولانــي قــادر اتحـمـل عشـانـك غـرسـت الأنـيـاب
انـا كـلـي غــدى مـجـروح مــن غـرسـات انيـابـك


تجافيـنـي ولا هـمـك ولا تحـسـب لــي أي حـسـاب
وانا من زود عشقي لك اصونك واحسـب حسابـك


ألآ يـا قـسـوة الصـدمـه تجـيـنـي مـنــك الأصــواب
وانا الي كنت اقول الجـرح إذا مـا صابنـي صابـك


أمـانــه قـــول وش بـقـيّـت لـلـعــذال والأغــــراب
اذا هــذا مـعـي طبـعـك اجــل وش حــال اغـرابــك


تـمـرد كــان يحـلـى لــك تعـيـب فطيبـتـي وتغـتـاب
ولكـنـي تــراي اكـبــر مـــن انـــي يـــوم اغـتـابـك


حقيـقـه اكتشـفـت انــك سخـيـف بطبـعـك الـكـذاب
وانـي كـنـت لــك لعـبـة سخيـفـه تـشـبـه الـعـابـك


انـا عيبـي غبـي طـيـب وضـنـي فـيـك والله خــاب
ولا قـــد كـنــت اتـوقــع تـجـافـي يـــوم اصـحـابـك


انا جيتك بطيب الطيب وفيـك الطيـب ابـد مـا جـاب
ابـي تعذرنـي هـا القـسـوة لأن الطـيـب مــا جـابـك

الله يصلح مابينهم وحبيت اقول لبنت الاسلام قصيده رائعه0

بنت الاسلام ردك خطيييييييييييييييير (مررررة عجبني)


الله يصلح ما بينهم ويستر عليهم..

:44: :icon33:

من جد قصيدة بنت الاسلام تعور القلب

مالت عليهم الرجال الظلم يجي منهم ولهم وجه يرسلون عتاب

اقول بس ماااااااااااااااالت عليهم والله يشفي قلب من حبتهم