صديقتي تتهمني بالخيانه ساعدوني بارائكم

انا معلمه مطلقه وعندي اطفال تفاجات بيوم رسايل على جوالي من رقم غريب يحذرني ويقولي انتبه على نفسي وعلى اطفالي مارديت على كلامه بدات اخاف من كثر رسايله رديت عليه اساله انت مين واش تبغى مني قال انا فاعل خير قلت له شكرا وصلت تحذرياتك ولا ترسل وحظرت الرقم .. بعد ايام يرسل من رقم ثاني ويرسل كلام حب ويقول يحبني وكلام كثير. استفسرت عن الرقم طلع زوج صديقتي بالدوام .. قريت كلامه ولا رديت عليه تفاجات باتصال صديقتي تدعي علي وتسبني وتتحسب علي انا تعبانه منهاره نفسيا من هذا الموضوع صديقة عمري شكت فيني وانا ماسويت اي شي لها ولا فكرت بيوم اضرها لا هي ولا اي وحده من صديقاتي. لاني مطلقه صرت مثل كبش الفدا والضحيه. ارجوكم ساعدوني نفسيتي تعبانه لاابعد درجه ومابقى على الدوام الا اسبوع كيف بنكون مع بعض. ( مع العلم اني ارسلت كل كلام زوجها لها صورت كل الكلام وارسلته مع اني مو مضطره اثبت لها وانا واثقه من نفسي حسيت بضعف لما ارسلت لها كلام زوجها كاني فعلا سويت هذا الشي) ارجوكم ساعدوني ماقدرت احكي الموضوع لاي احد وماعندي اخوات ولا صديقات ثقه لجات لكم انا جدا تعبانه ومتضايقه ويائسه.