هل ترضين انج تكونين محط مصالح ,, الناس اتييج متى ما تبي ,, و تخليج على كيفها ؟

ليييييييع محد يرضى ,, كان عندي صديقه جذي

اهي تكشت بالساعات و تغيب و تاخذ دافترو تعالي كملي عني دفاتري ,,

بعدها قمت اقولها ماقدر محد قالج تكشتين او ما تنتبهين ,, آسفة ,,

مرة طلبت مني شغله ,, طنشت فيها لين راحت حق غيري ,, لان خلاص انا ما قدرت اعطيها شغلتها و الي في مصلحتها شتبيني فيني بعد ؟

وبثثثث ,, فجي عنها ,, :D

تصدقين alheera كثيـــــــــــر من هالنوع نواجهم ..
وانا بعد مثلك توني متخرجة ومسكوني قريبات لي أشرحيلي هالدرس .. اشرحيلي هالكتاب ..
وماسكيني من ايدي اللي توجعني يعني أشرح لهم من نفس تخصصي .. والله مرات تكون نفسي خااااااااايسه ومالي خلق أحد وهم الا تشرحين :(
ولما خلاص ابقولهم تعبانه او مالي نفس أتذكر حديث الرسول عليه الصلاة والسلام :
( من تعلم علماً وكتمه لجم بلجام من نار )
واروح من فوق خشمي واشرح لهم ..
هذي كانت وحده وبعدين طلعوا لي بطلعة المواضيع بالكمبيوتر :( :(
كل يوم امهم تتصل فلانه تقول دوريلها الموضوع الفلاني بالنت واطبعيه لها وانا مستحيه من امهم ..!
ومره فلانه تقول : عندها موضوع تسوينه لها وتنسقينه بالكمبيوتر :(

لحد ما طفح الكيــــــــــــل وصرت اذا شفت رقمهم اخلي خواتي الصغار يردون ويقولون : نسائم تعبانه او جهازها خربان ..
انا عارفه اني أكذب بس والله هم ماينعطون وجه ..

ونسيت اقولك ان اخوهم الكبير عنده جهاز بس يخافون منه ومايقدرون يطلبونه
واختهم الكبيره تدرس في الكليّة وتقدر تشرح لهم .. بس وش نقول ؟

حبيتي أنصحك بالصدق دووووما
المؤمن (لايكذب)
الصدق منجاة
حتى الإستئذان من آداب الإسلام شرع لك ماتردين
على الي ماتبغين
فصااااارحيها بأسلوب مؤدب
وقوليلها خلاص مااقدر
ماأقدر
والله يعينك
حبيبتي

شوفي قلبووو

هي ماستحت على وجهها

ليه انتي تستحين ..

قولي لها الصدق لا تخافين على مشاعرها

هالاشكال هذي مغسول وجهها بمرق يعني عادي لو قلتي لها الصدق ..
ماتستاهل الحشيمه ..

اذا زعلت احسن وش تبين بوحده مصلحجيه .. ناقصين هموم احنا ..

الله يعينك انشالله ..

طقيها بويها قولي لها مابي اسوي شي ماصدقت اخلص دراسه اتفرغ لعمري وبعدين انا ساعدتج لي متى خليها تحس بعمرها من جد ناس ماتستحي