لماذا تكرهه ؟
مالسبب في ذلك ؟

وطالما هي شاهدته ايضا فأكيد عرفت شكله وهل هو اعجبها ام يوجد عيب فيه ؟؟

اذا ما فيه اي عيوب ( شرعيه ) وخلقيه وعمليه فلا تترد من القبول به وربما يكون خير لها بعد الزواج ..

وعسى ان تكرهوا شيئا وهو خيرا لكم ..

هل في بالها شخص اخر تريده وبذلك لا تريد الارتباط بهذا الرجل ؟؟

وبعدين عمها ( ابخص ) بمعرفه نوعيه الرجل واكيد لا يختار لها الا عن الرجل اللي يقدر ويحترم بنت اخوه الله يرحمه ..

حبيبتي انا اعرف وحدة وامس كنت قاعدة مع امها اسأل عنها شصار فيها عقب الزواج ... تدرين شنو قالت
طبعا بنتها كبيرة بالعمر يعني بالثلاثينات واشكثر تقدموا لها بس دايما يكونون متزوجين يعني تكون زوجه ثانية وهي رفضت تقول ما ابي مرته وعياله يدعون علي وصبرت لحد ما جاها زوجها الحالي وهو مطلق وعياله عند مرته بس هم ما ارتاحت زوجها لحد الحين يحب مرته الاولي ويتمني رجوعها له ومرته الاولي لما درت انه تزوج رجعت تكلمه بس ما تبي ترجع لعصمته بس تبي تسولف معاه بحجة العيال لاكن عاجبتها عيشتها الحين بدونه واذا بغته اتصلت عليه وهي تدري انه ميت عليها وقاعدة تتدلل عليه
البنت اللي اكلمك عنها صابر صبر استغفر الله لو غيرها ما صبرت لدرجة انه ماعندها غرفه خاصة يقعدها بالدوانية اذا بغاها واذا جاهم ناس طلعت واقعدت بالصالة يعني حتي غرفه خاصة فيها ما عندها وحتي اهلها ما يبيها تزورهم علشان محد يدري باللي يصير لها ومن طيحة الحظ احملت منه والله يا اختي انها مثل القطة كل دقيقة بمكان ومع هذا صابرة لدرجة امس لما دريت بحالها قلت لامها يا رجال يتعدل ولا تطلب الطلاق امها تقول انها ما تبي تتطلق منه خصوصا وانها ولدت وجابت له بنت وما يبيها تشتغل مع انها جامعية ولا يصرف عليها ويعطيها بالشهر 40 دينار بس لها ولبنتها اللي توها مولودة يعني الصغيرة محتاجة حليب حفاظات تروح طبيب خاص هدوم شتكفي 40 دينار شتسوي لها .... ومع هذا صابرة
صدقيني اختي تري الزواج قسمة ونصيب شوفي اشكثر اصبرت وحسبالها اذا اخذت مطلق بترتاح ومع هذا شوفي حظها وكانت قبل الزواج متردده بس لانها كبرت بالعمر والكل قال لها لي متي قاعدة كل خواتك تزوجوا روحي شوفي لك كم يوم حلو ... مسكينة لو قاعدة عانس اشرف لها من هالعيشة معاه

اختي افراح
انتي حاولي تنصحينها سواء مقتنعه ميه بالميه او تجامل انها تستخير
مره واثنين وعشره
واذا فيه خير لها بتتيسّر امورها وبتاخذه وربي ان شالله بيوفقها
واذا مافيه خير حتى لو اهلها كلهم موافقين وهي بعد موافقه بتتعقد عليها الامور
ومارح يصير بينهم نصيب
(مــــاخــــــاب من استخــــــــار )
يعني زنّي على راسها انها تستخير كل يوم لو حصل
مو عشان ترتاح او ماترتاح
عشان تتيسر امورها اذا فيه صالح لها
.....

حاولي انك تقنعينها لاخر لحظة .. ترى الزواج عن كره .. عواقبه عن جد وخيمة كثييييييييييييييييييير ..

حاولي فيها انها تستخير ...


تحياتي ...,


دمـــــــــــوع ... :44:

شكرا على ردودكم يابنات وآسفة عالتأخير
وحصل تطورات خلال هذي الفترة اثبتت لي اني توقعاتي صح وانها ماتبغاه بس تجامل اهلها
مع انها تقولي اقتنعت ابغاااه واناكنت حاسة انها تجامل
وهذي الاشياء هي انها كل محاولو يسوو ملكتها تكلمني وتقةل خخااااايفة يارب تتأجل ويارب يصير شي ونجلس ندعي وانا ادعي انه اذا مافيه خير انه تتأجل فعلا واذا فيه خير تصير الملكة ويطمن قلبها ربي ويريحها والله يا بنات تأجلت الملكة مرتين والاخيرة كانت راح تحصل برمضان وحصل اشياء غريبة ماتوقعناها أجلت الملكة
وهذا الشي يخوفني لان الاشياء اللي حصلت فعلا غريبة
واللي مخليها تكرهه مواقف حصلت زمان تدل انهم من الناس اللي مايوقفوا مع اهلهم عند الشدائد
يعني تعرضوا لظروف وكان مالهم احد بس ماساعدوهم واكتفوا بالمشاهدة
لانها تعرف العائلة هذي من زمان
ساعدوني لان الوقت يمر وهذي الهبلا مو راضية تقتنع واحسها تفكرني غيرانة منها وهذا الشي يسكتني ويخليني احيانا ايأس واقول اشدخلني بس ماتهون عليه والله