صديقتي تحس انها مريضة نفسيا

سلام عليكم خواتي هالمشكلة يمكن تجوفونها غريبة بس فعلا حصلت مع صديقتي وتعاني منها
بنبدي من الصفر حق تعرفون خلفية عنها بس
في الطفولة في عمر 5 سنوات تقريبا كانت قاعدة في روضتها كالعادة والمكان للتوضيح عود وكلها ستار كبار، يوم من الايام وحدة من اليهال خذتها ودشت داخل ستار، وبدأت تعبث بأعضائها التناسلية!! وكل يوم تعلمت تاخذها وتسوي لها ذاك الشي وطبعا كانت طفلة صغيرة ماتفهم وسكتت . الطامة الكبرى ان تعلمت وصارت هالشي تروح البيت تسويه! تخيلوا طفلة عمرها 5 تمارس العادة! استمرت تسوي هالشي ومرت السنوات وتسويه ولا تدري شنو ذي اصلاً وعبالها مجرد شي شاذ فيها وغيرها ماعنده ومع ان كانت تعرف فيه شي اسمه عادة بس ماتدري ان اهوة نفسه الي عندها اله مصادفة عرفت لما وصلت 17 سنة وانتبهت ان سوت ذنب ووقفت خلاص .
المشكلة مب هني، المشكلة تحس ان هالشي خلف عليها بمشكلات وايد وقرت ان التحرش عادة يسبب مشاكل..
فمثلاً 24 سرحانة وفكرها شارد سواء في الصلاة او التلفزيون او السوالف، ثاني شي ماعندها تركيز ابدا ولا تفهم الكلام بسرعة وكأنها طفلة، ثالث شي كله عندها مخاوف غير منطقية الي اهوة وسواس قهري وشخصية ضعيفة جدا مع خجل . عندها ايضا وسواس التنفس والبلع والرمش ( الي مايعرفه يعني ان الشخص المصاب ماتقوم اعضائه تلقائيا لا ، يحس فيهم . ماعرفت اشرح الي تبي شرح زود تدخل النت). ايضا عندها فرط تفكير، كله تفكر، في كل شي تفكر وكله تقارن نفسها بغيرها وتحسد بدون قصد، اهية ماتبي بس تحسد غصبا عنها . فيه مشكلة بعد واهية الرغبة الجنسية الكبيرة، دايما ترغب في الجماع واي مشهد صار جدامها حتى لو سخيف يثيرها وطبعا لا اقصد هنا مشهد اباحي ولا حتى بذيء، مشهد عادي جدا لكن يثيرها، حتى من خلال مثلا قصة قرأتها واستثارت بلا داعي، زوجها كله يقول اول مرة اجوف بنت جذي .
هل تعتقدون ان التحرش له دور؟ وهل تعتقدون فيها مرض؟