السلام عليكم ورحمه الله وبركاته هلابنات ..
صديقتي كلمتني في موضوع يخصها والله لي ايام من فتحت الموضوع معاي مانمت..
صديقتي متزوجه وعندها اطفال اكبر واحده عمره ثلاث سنوات.تقول زوجها كان مره طيب ويحبها ومايقصرمعاها بشي .كل اللي تبييه ينفذه لها
بعد طفلهم الاخير.
تقول صاريسهر برا ويتأخر ودايم انا وهو هواش على السهر..
تقول مره سافرنا لشرقيه وحنا على البحر جالسين واطفالنا يلعبون .تقول اخذتهم لدورات المياه ابي انظفهم عشان نبي نروح لسوق الراشد.
تقول يمكن تأخرت نص ساعه.
ورجعت ورحنا لسوق ونزلني انا والاطفال وقال بفلل السياره بانزين وارجع وتقول اعطاني فلوس..
المهم تقول ورجعنا للفندق وانا طار النوم وجلست على التلفزيون وكان جوال زوجي في الشاحن.
وازعجي جواله اكثر من ست مكالمات من رقم غريب .
تقول انا خفت قلت يمكن اهلي او اهل زوجي فيهم شي.
واخذت جوال زوجي وانتظرت الاتصال ورديت..
اه يالقهر تقول سمعت صوت بنت تقول الو يافلان ليش طولت مارديت .
تقول انا من الصدمه. طحت وارتعش جسمي .
جلست يمكن ساعه مآأدري وش اسوي.
تقول اخذت الرقم وكلمت البنت من جوالي.
وتأكدت انها تعرف زوجي.
تقول رحت مثل المجنونه على الغرفه اللي فيها زوجي واصيح وابكي واقول مين مين مين وتقول هو مسكين عيونه حمراء ومنصدم ويقول مين مين هههههه
تقول قال ياحرمه حرام عليك وش السالفه تقول مين الحرمه اللي تتصل .
تقول واخذ الجوال وشاف الرقم ؟
قال:ذا رقم رجال جاني وانتي في الحمامات واتصل من جوالي
تقول انا صدقته.
تقول بعد مارجعنا لرياض بديت اشك في تصرفات زروجي وصرت اتصل على البنت من رقم ثاني :
والبنت اعترفت لي ان لها علاقه بزوجي وانه واعدها بالزواج وكلام كثير:
الحين هي واجهت زوجها وانكر.ويقول انا احبك ووووووالخ
تقول انا واثقه انه يخوني مع اكثر من وحده.
المشكله الحين هي تقول انا بديت اخونه بس مكالمات ..
تقول تعبت والله تعبت احس اني ارتاح اذا خنته.
بس اذا تذكرت انه حرام استغفر ربي واصلي ركعتين .
هي الحين تقول انا احس بالذنب اللي سويته .
وش نصيحتكم لها هي بتقراء كلامكم
بنات لاتقسون عليها بالكلام يكفيها اللي فيها
تقول والله بسوي اللي يقولون عليه
رساله لكل رجل اذا جيت تخون فكر في قلب زوجتك فكر في شعورها لها مشاعر واحاسيس مثلك انت ترفض خيانتها هي بعد ترفض خيانك لها,
جوري بنت خالد @gory_bnt_khald
محررة ماسية
هذا الموضوع مغلق.
~ام جوري~
•
لاحول ولاقوة الابالله
ليلى1438
•
اهههههى حزنتيني و الله ولكن نصيحتي لها اذا كان الزوج غلطان فلا تكرر غلطه هي و تغضب ربها و خليها تهدد البنت انها اذا ما بعدت عن زوجها انها راح تفضحها و من هذا الكلام تهديد بس و تلزم الاستغفار عسى الله يالف بينها و بين زوجها و يهدي سرهم و يكفينا بنات الحرام
هذي مو تنتقم لنفسهاا
هذي راح تدمر نفسها وتدمر بيتها وتشتت عيالها
يعني اذا ربي بلاها ماتصبر هذا كل اللي تمر فيه ابتلاء والله فوق سماه يطالعها ويشوف وامره بين الكاف والنون وقادر على التغير بس تصبر وتتصرف تصرف حكيم وتكثر الاستغفار ..
هذا مو حل اللي تسويه صراحه
هذي راح تدمر نفسها وتدمر بيتها وتشتت عيالها
يعني اذا ربي بلاها ماتصبر هذا كل اللي تمر فيه ابتلاء والله فوق سماه يطالعها ويشوف وامره بين الكاف والنون وقادر على التغير بس تصبر وتتصرف تصرف حكيم وتكثر الاستغفار ..
هذا مو حل اللي تسويه صراحه
الصفحة الأخيرة