السلام عليكم
صديقتي حكت لي مشكلتها وماعارفة لها حل. قلت اشوف اعضاء المنتدى وش رأيهم وممكن يعرفوا كيف تتصرف لان اللي راح مايترجع
صديقتي تزوجت واحد أخته تصير مرت عمها يعني أخته متزوجة عم من اعمام هالبنت
المهم المشكلة أن أن اخت زوجها هذي كانت معذبة هالبنت لما كانت ساكنة معاهم في نفس البيت يعني كانوا عيلة وحدة ساكنين مع بعض العم ومرت العم والزوجة وهالبنت واهلها مع بعض ودائما هذي أخته كانت تسوي مشاكل .. مااقدر اكتب وش كانت تسوي بس محد يقدر يصدق اللي سوته غير اللي عاشت وشافت وصبرت كثير من لما وهي طفلة البنت عانت كثيرا حتى جاها حالة نفسية واكتئاب من هالمشاكل اللي كانت تسويها أخته .. اذا قلت مثل حرب فلسطين فأنا ماابالغ هي أخته كانت تقلد زينب العسكري في داك المسلسل اللي عذبت فيه ام الولد المهم مو متذكرة اسمه المسلسل بس مانطلع برا الموضوع... الحين البنت اللي تزوجت اخو مرت عمها.. كلما طالعت في زوجها تتذكر أخته وافعالها وكيف أنها عذبتهم هي واهلها وهاالبنت ماعندهم بيت ليلطعوا ويفتكوا من المشاكل عاشوا لين الله فرجها وانفصلت هالعيلة عن هالعيلة باقي مشاكل لكن ع الاقل أخته مو معهم ... المهم الحين هالبنت اللي تزوجت اخو مرت عمها .. تعاني كثير لما تطالع في زوجها تتذكر اخته وش كانت تسوي فيها وفي أهلها حرمتهم من الحياة ومن جمالها ماخلتهم في حالهم ولا دقيقة بحكم أن غرفتها كانت جنب غرفتهم .. بالضبط .. وماقادرة تنسى العذاب اللي عاشته بسبب أخته .. هو صدق ماله ذنب لانه ماسوى شيء بس مو بيدها في شيء في قلبها مجروح من أخته جرح مستحيل ينسى فيه اشياء سببت لها الأذى لدرجة كل يوم في المدرسة كانت تبكي وماتنزل طابور من التعب حتى المعلمات فزعوا للبنت هذي لكن فيه شيء خلاهم مايطلعون من هالسكن الجماعي .. ويعانوا من هالمرة الا هي أخته ..
اخت زوجها .. اكيد مستغربين أن ليش هي ارتبطت فيه دام أخته سوت كل هذا فيها وفي أهلها... هالبنت زواجها متعسر من أكثر من عشر سنوات تنخطب كثير ومايتم تعبت نفسيتها من كثر الخطاب .. وفجأة تم نصيبها مع هالشخص هي فكرت صدق ليش الله يبعد عني من احب ويقرب لي من اكره .. بعدين جا في بالها .. الله يعلم وانتم لاتعلمون .. وأنها بتصبر واكيد هالاخ ماله علاقة بالمشاكل اللي صارت وأنها مابتعيش مع أخته فوافقت وتزوجته.
الحين وش الحل مع هالذكريات اللي كانها حرب فلسطين ماقادرة تنسى صعبة جدا لها أثر عميق مو بس على هالبنت حتى أهلها تعبانين كلهم وكل شخص صار عنده مرض منها.
صديقتي تعبانه احيانا وهي مع زوجها مع أبسط زعل تتذكر اخته وش سوت فيها وتبكي ويسالها وش فيك ماتقدر تقول له اللي صار لانه مايدري وشيء ماضي لكن مو بيدها الشعور