صديقتي تسألكم وش رايكم بتصرفها ؟؟؟؟؟؟

مساء الخير يابنات حواء
ماراح اطول عليكم بالسالفه اعز صديقاتي اتصلت يوم الثلاثاءعلي تشكي تقول انها شاكه بزوجها طبعا السالفه ومافيه انها لقت بالمسودات بجوال زوجها رساله مكتوب فيها <وحشتني >طبعا قامت وخذت الرقم وسجلته بجوالها قامت تدق على الرقم من تلفون البيت بس مايرد صاحب الرقم وتقول خصوصازوجي مادري احس انه شوي نفسيته زي اللي متوتر معصب مايداني اي صوت من عياله خصوصا كان بينها وبينه حزازيات قبل المشكله هذي يعني سواليفهم رسميه مع بعض لانه زعلها بكلام المهم جاء امس الاربعاء ودقت على الرقم واخيرا رد طلعت الطامه الكبرى انها بنت طبعا صديقتي تقول تخدرت يوم سمعت صوت البنت ماني مصدقه زوجي يسوي كذا لانها تقول انها دائما ماخذ فكره سيئه عن الرجال اللي يخونون حريمهم ودائما يتفلسف ويقول الله عطاني الحلال ادور الحرام ومن هالكلام , المهم عاد تقول قمت لبست على اساس انه عند شفتات وبينزلني عند اهلي تقول يوم جاء من برى تقول سبحان الله جاني حلم وتماسك مو طبيعي لدرجه صرت اسولف وابتسم في وجهه تقول لدرجه يوم شافني ابتسم زي اللي استغرب لاني زعلانه من قبل تقول قام وباسني عل راسي تقول اجلت الموضوع الين اجي من اهلي بالليل يسلم من دوامه ويجي ياخذني بعدها بكلمه لاني الحين ماراح اخذ لاحق ولاباطل تقول وطول الليل عند اهلي على نار بس متى بيجي واخيرآ تقول جاء وخذاني ودخلناالبيت ونومت عيالي وهو على tvوبعدها قام دخل الغرفه تقول لحقته وسكرت الباب تقول راح باله شيء ثاني اني ابي شي وهو مايدري وش ناويه عليه تقول يوم جلست ع السرير تقول انه قعد يضحك يقول وش فيك مبلمه تقول بعده قلتله :فلان بصراحه بدون كذب تسوي شي غلط من وراي قال مثل ايش قالت يعني نكلم بنات من وراي تقول قعد يقول قسما بالله اني ماسويتها ولاعمري فكرت اسويها تقول قعد يحلف ويحلف ويقسم تقول قلتله طيب انا لقيت رساله بجوالك بالمسودات فيها <وحشتني >قال قسمآ بالله ان اليوم اللي قريتيه فيه انه هو اليوم اللي جاتني فيه الرساله واني استغربت فحفظتها عندي بالجوال على اساس بدق بشوف من اللي ارسلها وبعدها فكرت امكن تكون بنت وابتلش وقمت اتصلت وقفلت قبل لايرن بس علشان اشوف هل الرقم مسجل عندي ولالا ومالقيته مسجل ومسحته وتقول قعد يحلف حلف اني مالي اي علاقه مع اي وحده غيرك ولا اكلم واني مادقيت ولاعرفت انها بنت
الا منك تقول قلتله انت حلفت والواجب علي اصدقك لانك حلفت بالله والله مو بضاعه استخف فيه والرسول قال من حلف بالله فصدقوه إذا انت صادق والا كاذب فهذا راجعلك والله بيحاسبك وابليس مامات قال انا مو ملائكه حتى ماخطيء بس قسمآ بالله اني ماكلم احد تقول بعده قام يتودد لها ومن هالكلام وتقول قعد يوريني جواله يقول شوفي والله مسحت رساله تقول اني رفضت اشوف الجوال قلت خلاص حلفت مايحتاج اشوف هذا شي بينك وبين ربك وتقول انه المشكله توه حاط رقم قفل وتقول يوم سألته ليش قفلته قال قسما بالله مو علسشان شي بس فيه شباب بالدوام يتطفلون وبعدين شوفي انتي مقفله جوالك ماشكيت فيك ....عاد كلمتني تبي تاخذ رايي في تصرفها وانا قلتله اذا حلف *****الله يكون صادق بس هي متحسفه تقول اني بعد الكلام هذا امتعته بالعلاقه الحميمه فاخاف يفكر اني خبله وعلى طول اصدق !!!!!!!!!!!
بنات انا استشيركم على السانها ايش رايكم بتصرفها وتراني بخليها تشوفه الله الله بالردود ؟؟؟؟؟


الله يستر عاد زوجي وزوجها اصدقاء لايعديه خخخخخ نونه لاتزعلين ماراح اسير عليك عاد اللي عندي سريع الذوبان <<<<عادي امون على صديقتي