صديقتي تسألكم وش رايكم بتصرفها ؟؟؟؟؟؟

مساء الخير اه اه اه اه اه ا ه اه ا ه تعبت كتيت وبعدين طار الموضوع :44:
المهم بإختصار صديقتي تبي تاخذ رايكم بتصرفها >>بقولكم السالفه على الساني للاني تعبت بالموضوع الاول كله قال قالت قال ....الخ:09:المشكله ماعندها نت مادري يانونه متى بتصيرين زي العالم ّّ!!
لقت بجوال زوجها بالمسودات رساله برقم مجهول بدون اسم مكتوب فيها <وحشتني >خذت الرقم ودقت عليه من الثابت مارد طبعا هذا يوم الثلاثاء يوم جاء يوم الاربعاء ودق على الرقم طلعت بنت خويتي تبلمت تقول زي المويه الحاره انكبت علي تقول رحت البس على اساس بروح لاهلي وهو بيروح للدوام عنده شفتات تقول يوم دخل سبحان الله جاني حلم وسكينه وراحه وحلم مو طبيعي تقول اتبسم في وجهه ويكلمني عادي تقول قام وباسني على راسي خصوصا انه استغرب لانها كانت متضايقه منه فيوم طلع منها كانت رسميه ويوم رجع لقاها تبتسم بوجهه تقول ماوجهته بهالوقت لاني ماراح اخذ لاحق ولاباطل لان الوقت ضيق طبعا نزلها بيت اهلها ورجع بالليل ياخذها تقول اول مادخلنا بالبيت نومت عيالها وزوجها على TVتقول بعدها راح لغرفته يبي ينام تقول لحقته للغرفه وقعدت عالسرير تقول جلس بجنبي يتودد لي تقول بعدها صارحته قالت انا متضايقه شوي قال وش فيك قالتله بصراحه يفلان تسوي شي غلط من وراي قال مافهمت مثل وشو قالت يعني تكلم بنات طبعا قام يحلف بالله ويدعي على نفسه انه ما يخونها ولايكلم بنات وانه مو حق خرابيط تقول قلتله طيب انا لقيت بجوالك رساله ودقيت على الرقم طلعت بنت تقول قعد يحلف انها جايتني بالغلط واني حفظتها بالمسودات على اساس اني بدق بس اني فكرت بعدين قلت امكن بنت وابتلش فيها يقول دقيت وسكرت بسرعه قبل لايرن عشان اشوف هالرقم مسجل عندي او لا طلع مو مسجل وبعدها مسحتها تقول وقعد يحلف ويحلف تقول قلتله خلاص انت حلفت والواجب اني اصدقك لان الله مو بضاعه استخف فيه انت حلفت برب العباد وهو اللي بياخذ لي حقي منك اذا كذاب والرسول يقول من حلف بالله فصدقوه وانا مجبوره اصدقك مع اني اشك بتصرفاتك ليه حاط قفل لجوالك الحين فجأه قال قسما بالله مو علشان شي والله انه كذا قفلته في شباب يتطفلون بالدوام وتقول قام وفتحه وقال فتشي وشوفي اذا فيه رسايل او شي """طبعا صديقتي تقول انه ماخذ فكره سيئه عن اللي يخون زوجته وتقول دايما يعلمني بخوياه وينتقدهم على تصرفاتهم ويقول انا عندي الحلال وادور الحرام فصديقتي مصدومه لانه اعطاها الامان والثقه !!!!
طبعا صديقتي دقت تبي تاخذ رايي بتصرفها ومتحسفه تقول اني طيرته بلعلالي بالعلاقه الحميمه بعد المناقشه وهي ندمانه تقول اخاف ياخذ فكره اني صداقه ومخفه؟؟؟
قلتلها بحطه بعالم حواء واقولك وش رايهم بتصرفك انا قلتلها مادام حلف *****الله انه صادق ....
عاد الله الله بالردود وترى بتشوف ردودكم من جوالها

الله يستر عاد ازواجنا اصدقاء خخخخخخخخخخ خابرتتس يانونه ماتزعلين من مشمشه ماحد صابرآ علي الا انتي فديتتس >>>>>:)