صديقتي تستشيركم بموضوعها ياريت تساعدوها

السلام عليكم ورحمه الله وبركاته
كيفكم ياقمورات عالم حواء حابه استشيركم بسالفه صديقتي هي قالت لي استشيركم لانها محتاره كثير مع اني عطيتها حل بس تبي اراء اكثر عشان تقتنع وماتبي تظلم احد


صديقتي جمعت لها كم ريال من حافز ومن مصروفها وقالت تبي تسوي مشروع لو بسيط بدال ماتضيع فلوسها واقترحت عليها وحده سالفه الخياطه انه تتاجر لها محل وتجيب لها عاملات وكذا ولأنه ماديتها ماتسمح دورت ولقت غرفه بمشغل مشهور وحلو وفي زباين كثير وصاحبه المشغل فاتحه فيه كوافير وحنا وتاجير ملابس فقط وعجبتها الفكره انه يكون في خياطه عشان تضيق وتوسع وتساعدهم وتفصل ويصير منها دخل حلو لصديقتي وشهره اكثر للمحل ووافقت والأمور تسهلت واجرتها الغرفه ب8000 بالسنه ودفعت حق 6 شهور 4000 وقالت لها بخلي الفلبينيه حقتي تجيب لك عامله شاطره وخياطه وصاحبتي وافقت وطلعت فيزه عشان تجيبها وجات العامله واشترت لها صديقتي قماشات ومكينه خياطه ومستلزمات الخياطه كلفوها الكل 3200 تقريبا وطلعت العامله حماره درجه اولي ماتعرف تخيط الا شغلات معينه ومو مرتب ولا تفهم شي ابد ومن تكلمها صديقتي ماتفهم وتبكي يعني ابتلشت فيها وكل ماكلمت صاحبه المشغل وعاملتها يقولون لها اصبري وتوها جايه وخايفه وماتفهم عربي وهناك بالفلبين اغراضهم غير واصبري ومن هالكلام وهي ماغير تصبر وصبرت عليها الحين 25 يوم وهي للحين تخرب القماش وخياطها اعوج وحتي بطانه للثوب ماتعرف تركب والمقاسات كلها غلط حتي لو تقول لها خيطي كيس مخده تسويه اعوج يعني مامنها فايده صاحبتي الحين محتاره تقول اسوي زي مايقولون واصبر عليها وبتتعدل والا اسمع كلام زوجي واكنسل كل شي والعامله ارجعها بلدها طبعا صديقتي كلمت العامله وهي ماتفهم وسالتها كم سؤال وخلت فلبينيه اختها تترجم لها طلعو العامله الثانيه الي جابتها وصاحبه المحل ماخذين عليها مبلغ عشان يجيبوها السعوديه لانه فرصه عمل ممتازه لها وخاصه متفقه معاهم راتبها 1500 وصديقتي حست السالفه نصبه بس ماتدري وش تسوي انا قلت لها كلام زوجك صح وهي خايفه تقول ماودي اظلم العامله وانا خسرت فلوس علي ايجار وفيزا واغراض ومحتاره ياريت تشورون عليها لاني احسها تضيع وقت ومجهود وفلوس علي الفاضي العامله لو خياطه فعلا عرفت شغلها ربي يجزاكم الجنه نبي اكبر عدد من الآراء لانه لازم تقرر قبل ماتكمل الشهر عشان تشوف تسفرها او تخليها