صديقتي تشك اني بسحرها

السلام عليكم اخواتي
ضايق صدري حيل من اللي عرفتة بالوتس اب
تخيلوا صديقتي اللي اعرفها من سنتين عمرها فوق الثلاثين تعرفت عليها بعد طلاقي خاصة ان طليقي سحر يوم زواجنا من خالته لانها كانت تبغاة لبناتها الله ياخذ لي حقي منها يوم القيامة ويعوضني باللي افضل منة طبعا هالكلام عرفناة يوم كان يتعالج عند شيوخ وكان هو عارف اللي ساحرتة
المهم صديقتي هذي كنت اشكي لها حالي ووضعي واهي بعد كانت تقوللي بكل مشاكلها وحالة اهلها
واهي قبل فترة انخطبت من واحد متزوج وبينة وبين زوجتة مشاكل وراتبة ثلاثة الاف وكل راتبة ديون وزوجتة دوبها والدة ومدخن و حتى دوام ماينتظم فية وعافين القطاع الخاص ماله امان
كنت انصحها تفكر وتستخير ورحمة النونو كنت اقولها افضل لك عزابي ولا متزوج وكل هالمشاكل فية
قلت لها يمكن هالنونو يكون رحمة من ربي ويجمع بين اهلة
بعدين صديقتي جميلة وعزباء وموظفة كل يتمناها لكن هي اصرت عليه وحتى اهلها كلموها عشان تغير رايها بعد مارفضوا تاخذ هالرجال لانة من خارج القبيلة لكنها وافقت علية
هي زواجها بعد اسبوعين وهي حتى خطوبة مافية بس شوفة تخيلوا قال عشان اهلة مايبغون يخسرون في زواج وملكة
المهم ماعاد كلمتها بالعكس عشان الوقت ضيق والمهر ماكملة قلت لها خللي الكوشة والكوافيرة والفستان علي والاسبوع اللي راح شريت لها طقم ذهب هدية ومجموعة هدايا عطور وغيرها بحوالي الفين
ااااه الطامة الكبرى اللي كسرت ظهري ياابنات ان وحدة من المجموعة اللي معاها كاتبت لها انتبهي من فلانة اللي هي انا يمكن تسحرك
انا اسوي كذا اعوذ بالله
وش حدني اخسر دنيياي واخرتي عشانها
وش شافت مني اصلا عشان تفكر كذا
والله اني طول الوقت اقول لها خليك على الاذكار دايم ماتتركين البقرة ابدا
والله الذي لا اله الا هو اني ماكنت اشوفها الا زي اختي الصغيرة ومااتمنى الا سعادتها
بس حارق قلبي يابنات ان معاملتها لي بدات تثبت لي شكها بدت كل مااجيب لها شي ماتشيلة قدامي حتى اليوم جايبه حلاوة جواهر للكل واول من عطيت عطيتها تركتها مكانها
انا ماهزتني لا هي ولا الثانية اللي معاها ولا هزت ثقتي بنفسي ابد
لكن انا ماني منافقة انا ماامشي قدام الانسان بشي ووراه شي ثاني ابدا
ربي نصرني على اللي اقوى منها وانا اضعف الناس بالدعاء لكن ماراح ادعي عليعا ابدا بالعكس
الله يوفقها ويسعدها طول العمر
بس قلبي عيا يرتاح ودي اصارحها مع اني اتوقع تنكر
وانا ابغى اصارحها لاني احب الصدق وصادقة مع نفسي قبل اكون صادقة مع غيري
شوروا علي يااخواتي الغاليات
ريحوا قلبي وراسي هالموضوع مسبب لي الم مايعلم فية الا ربي
انتظر حلولكم