صديقتي تطعني في ظهري من سنين وانا ما ادري000حسبي الله ونعم الوكيل

ماني عارفة كيف ابدا من كثر الالم اللي في داخلي لكن عندي امل في ان اسمع منكم كلمة تريح قلبي قصتي اني اعمل معلمة ولي في هذه المدرسه تقريبا ثمانية سنوات طبعا الكل يعرف انه المعلمات اللي تنقل واللي تبقى المهم كان لي مجموعة معايا من البداية الى الان مانقلوا وانا والعياذ بالله من كلمة انا ما ازكي نفسي لكن ان شاء الله اكون كما ارى نفسي معلمة متميزة والاهم من كدة اني اتعامل مع الكل بمبدا الدين المعاملة واخاف الله في كل تصرفاتي ولا احب اجرح احد او اضايق احد لحد ما جات فترة وسمعت المعلمات يتهامسوا باني جاسوسة للادارة واني انسانة مو وفية والكل لازم يحذرني سالت عن السبب محد جاوبني مرضت وساءت حالتي واتمنيت الموت لاني ماكنت اتخيل اني مكروهة او منبوذة منهم كنت اظن انهم اخواتي وكنت ادخل بيوتهم واشاركهم افراحهم واحزانهم ولا اذكر اني في يوم زعلت وحدة منهم وبفضل من الله والدعاء والاستغفار قدرت اتغلب على محنتي وقلت منهم لله المهم انا ادرى بنفسي اني ما اغضبت ربي وهذا اهم شيء لكن اللي زاد الطين بلة انه كل ما جاتنا معلمة جديدة يومين الا وهي كاشة مني مع اني ماسويت لها شي وبكذه صارت سمعتي سيئة وحاولت كذا مرة اقول واسال مين هذي اللي بتشوه سمعتي لكن ماكان احد يرد الكل ساكت زاد عددنا وفينا اللي نقلوا وصاروا يجونا معلمات من بره معاهم سمعتي السيئة وانا الله يشهد علي وانتم ما تعرفوني اني اخاف الله وطول الوقت ذكر الله على لساني وما يهمني الا كيف تكون نظرة الله لي لكن زاد الحد وماني قادرة اتحمل 000لكن اللي ضيق صدري اكثر هذي الايام انه اتصلت علي من فترة كم شهر ادارية كانت معانا في فترة انضمام مدرستنا لمدرستهم وقالت والله انك انسانه خيرة وانا لما جيتكم كثير حذروني منك ولكن بعشرتي معاكي سنتين حسيت انك مظلومة وانك افضل منهم وهذولا غايرين منك وانا انصحك تبتعدي عنهم لانهم مايستاهلوا وذكرت اسم وحدة من اللي كانوا يتكلموا علي ونزل الامر كالصاعقة على راسي لان هذه الانسانة معايا في نفس الغرفة بيننا صداقة كبيرة حسب ظني وعيش وملح وما اظن في يوم انها تخونني ومع كذه اخذت فترة وانا اراقب تصرفاتها معايا عشان ما اظلمها وادعي انه الله يكشفها لي فلاحظت انها فعلا ماتكلمني الا اذا تبغاني اعمل لها عمل ولا تتصل الا اذا تبغاني في شي يعني كله مصلحة فبدات اتعذر لها لو طلبت مني شي اقولها ما قدرت بس عشان اشوف هي فعلا علاقتها بيا مصلحة راجعت نفسي لقيت انه بس انا اللي كنت ازورها واواسيها واسال عن عيالها واهديها وهي ولا شي حتى لما امرض واغيب بالايام ما تسال عني ولما ولدت ما دقت علي لحد ما داومت والمهم بدات اراقب شخصيتها 00لقيت انها انسانه بعيدة كل البعد عن انها تكون سوية او تخاف الله فهي متبرجة وتخرج بدون علم زوجها ومربيه بناتها على كذه وتستهزا بالملتزمات ودايما تجيب في سيرتهم باللي يسيء نظرة الناس لهم وسبحان الله ما ادري انا كيف ما كنت اشوف عيوبها وفي نفس الوقت ما ابغى يكون الكلام اللي سمعته هو السبب في اني كرهتها لحد ما جا اليوم اللي سبحان الله اصبحت لا اطيق النظر لها وكل ما شفتها احس بغثيان وبدات ما اكلمها لمدة يوم فقط واراد الله ان يكشفها لي فهي انسانه مغرورة جدا لدرجة انها اذا تكلمت عن نفسها تقول انا انتم ما تعرفوني انا شي شي الي يدوس علي او يجرحني اشرشحه الكل يتحاشى لسانها حتى المديرة ماترحم احد هذا تسبة وهذا تتكلم عليه وهذه تكيدلها المهم لما شافتني يوم واحد ما كلمتها جات ثاني يوم بوجهها اللي اشوفه لاول مرة معايا اذا اتكلمت في شي تكذبني او تقاطعني او تحرجني لحد ما وصل بيها الامر انها تحط رجلها في وجهي اعزكم الله وانا جالسة جنبها ملاصقة لها وصارت كل يوم تعملي حاجة فغيرت انا مكاني بحجة اني بردانه من المكيف فصارت حتى اذا جلس احد جنبي بكل وقاحة تقومه وتقوله قوم لاتجلس معاها وزاد الحال وانا ما ارد عليها بنص كلمة بالعكس اجي كل يوم اصافحها من الصباح وهي تمد يدها ببرود حتى القلم ما تحطه ولا تقابلني بوجهها وصارت تجمع حواليها المعلمات والكل لاحظ وسالني ايش بينك وبينها وانا ارد ولا شي ما بيننا اي حاجة لحد مادخلت علينا هذه الايام الفضيلة اهديتها وكل زميلاتي كتيبات كعادتي كل عام ليس رغبة في شي الا اني مااحب اجرح احد حتى لو كان هو يجرحني كل يوم وانا مابغى اقاطعها لكن ابغى علاقتنا تكون رسمية وما بيننا الا السلام واليوم اخر يوم في الدوام قامت وحدة من المعلمات قالت لها انت ايش بينك وبين فلانه نبغى نصالحكم قبل الاجازة قالتها بصوت عالي مو رغبة في الصلح بس لقافة تبغي تعرف السبب لانه هذا طبعها وكانهم متفقين فقامت هي وكعادتها اليومية رمت كم كلمة وقالت مو انا اللي اصالح ليش لعبة هي وخرجت من الغرفة الكل صار ينظر لي وخصوصا صاحبة الكلمة صارت تضحك وكملت كلامها مع اللي جنبها وبعد كدة خرجت من الغرفة قبل لااحد يشوف دموعي وصرت اقول حسبي الله ونعم الوكيل والان عزيزاتي انا اعتذر عن الاطالة وخرجتكم من مشكلة لاخرى فهل انا غلطانه في حق هذه الانسانه وهل بعدي عنها حيخليها تبطل تشيع عني والله ماني عارفة ايش اسوي لدرجة اني طلبت نقل من المدرسة فماني قادرة اتحمل الشتم والسب كل يوم وانا اسمعها تسبني وتتكلم علي مع زميلاتي وانا ما ارد اعطوني الحل اللي يريحني فانا انسانه حساسة جدا وممكن امرض كل الاجازة بهذا السبب هل معنى كذه انه شخصيتي ضعيفة انصحوني وجزاكم الله خير