صديقتي تطلقت من زوجها عقب هوايل سواه فيها والان تبيه ؟؟؟؟

بسم الله الرحمن الرحيم
اعرفكم بنفسي انا بنهاية العشرينات انا وصديقتي


صديقتي تزوجت اول ماتخرجنا من الثانوي وفصلت من الكلية لانها ماتبي تدرس تزوجت شخص المهم طلع انسان غريب الاطوار مايمد يده ولايرفع صوته عليها لكن يسافر ويخليها بالشقه مايحب يصرف عليها الريال الا بالحسره ويقولها توظفي ولا ادرسي وهي تقول لا و مايبي يشتريلها الللقمه الا عشان تصلحله مايبي يتكلم معها يوديها بيت اهلها خميس جمعه سبت ويقلب الشقه سهرة شباب يرجعها السبت وتبدا مرحلة التنظيف تقول شفتي المسلسلات الكويتيه الفصفص اللي بكل مكان منتثر وبلوت والكنب منثر وفرش زي كذا <<الخ لما طلع كذا راحت زميلتي ببداية زواجها حملت باي طريقه منه عشان تدبسه ببزر قام هو هااااج عليها
وقال من قالك ابي منك بزران ماخذت زميلتي كلامه بمحمل الجد لكن عموما ولدت زميلتي ببزر قالت بيتغير والبزران يثبتون الرجال وطلعت كم مره بيت اهلها من غير مايدرون وش فيها بس تقعد يومين عشان يتغير لكن مافرررق معه
و صار العكس صار الهم همين عقب البزر يدخل ويطلع كنه بشقق عزاب وسفريات ولايبيها راحت وصارحته قالهااا: اذا تبي بيت واستقرار اجل حطي ببالك اعتبريينا مثل الاخوان ياخذ حقه الشرعي فقط ويقول لاتتدخلين ولاتطلبين مني شي ثاني
المهم جا بعد فتره طفح الكيل وانفجرت زميلتي منه وحاولت تجيب الثاني بزعمها يتغير !!!!! لكن هو وراها وراها عشان تاخذ حبوب منع الحمل
وبعدها طلبت الطلاق وماقال شي سكت عقب اسبوعين ثلاثه وصلها خبر انها تراجع المحكمه
زميلتي افتكت منه علي قولتها او بالاصح هو طفشها الين هي من نفسها طلبت الطلاق ولاهي كانت ناشبه فيه لدرجة فصلت من الكليه عشان تلاحقه
وقالها انتي نظام قديم اللي تبين قهوه وشاهي وفصفص ومالك دور بالحياة ماتبين وظيفه ولادراسه ولالك بالتطور ومافي كرامه شخص يتهرب منك وانتي رايحه تدبسينه ببزر عموما زي اللي اكليها لحالك
الزبده
بعد كل اللي صار زميلتي ماتحط الغلط عليه تقول اكيد امه مشيشيته علي !!!
الي الان خواته تكلمهم وامه رغم الطلاق اللي صار


الحمدلله زميلتي افتكت من هالرجال عقب الطلاق بشهر تزوج وحده ثانيه وعايش حياته عقب بكم شهر زميلتي بدت تلاحقه وتدور اسم زوجته بالانستقرام وتويتر <<الخ وتشوف اخبارهم وطلعاتهم
المهم زميلتي تبغي ترضي بالواقع وراحت الحمدلله كسرت شريحتها وطلعت رقم جديد لانها كانت بتتهور وتكلمه واتس وتقوله رجعني ومسحت رقمه
ضناها الحين معها ويشوفه الابو كل اسبوع ويعامل اهلها باحترام
وهالكلام له سنتين وزميلتي من كم شهر تزوجت لكن ماطولت كم يوم بدون سبب طلقها تزوجت متزوج زوجته موافقه علي الزواج بس الزوج عنده ضيقه لما يقعد معها
اختها اللي اصغر منها الحمدلله الله بيرزقها بعد كم شهر بلمولود ماشالله
قامت زميلتي يوم درت بحملها وتقعد تصييييييح وتصييييح يابنت وش فيك قاعده اصيح علي حالي وعلي ضناي اللي ماله اخوان ابي ارجع لطليقي انا متاكده يبيني وامه لمحت انه يبيني بس ماعنده فلوس يفتح بيتين !!!
المهم سمعت الان انه مسافر سفره عايليه قلت الحين ماعنده فلوس يفتح بيتين وعنده يروح ويجي يابنت الناس عيشي حياتك ولاتلاحقين احلام
راحت امس لشيخ وقالها نفس زوجك الاولي فيك تري ماراح تتزوجين الين ترجعيله !!
انا مدري هي راحت فعلا او هذي اوهامها اللي دايم تالفها عشان تبي طليقها يرجعها وطليقها عايشه حياته وعنده بزر الله يخليه له ويخليلي لزميلتي بزرها
اعتذر عن الاطاله
\\\\\ بنات ادري انا ماتزوجت ومفروض اساعد نفسي واتزوج انا ### بس يابنات ابي اساعد زميلتي مدري وش الحل الحين كل مطلقه كذا نظامها اذا تزوج الرجال تبي ترجعله حتي لو فيه عيوب ؟؟؟؟؟؟
طيب اذا فعلا فيه كذا وش خطتكم عشان يرجعلها طليقها ؟؟؟ زميلتي تقول انها بتكلم امه تقوله اذا ظروفه صعبه بتسوي في بيت اهلها شقه فوق المهم يرجعلها !!!! انا طبعا داخ راسي من كلامها بس مدري يمكن عادي عند غيري
ادري بتقولون زميلتك وش تحس فيه وهي بترجع لشخص كذا بس وش اسوي ماقدرت اساعدها الا بكتابة الموضوع