صديقتي تغيرت فجاه

بنات عندي صديقه لي ١٢سنه معها
ومعنا وحده من صمن القروب بعد قريبه منا انا وصديقتي بسميها غ كل اسرارنا عند بعض ١٢ سنه وعلاقتنا قويه ببعض قبل تقريبا سنتين جت غ صارحتني انها تعبانه جاها زي وسواس وتراجع عند عياده بالاول كنت اسال لما تجيب سيره لكن صرت ماسالها ولا اجيب طاري لاسباب كثيره اولها احس اهينها ثاني شي مابي احسسها انها مريضه نفسيا فكنت اسكت لكن كل اللي قالت لي انها تاخذ جلسات عند ذكتوره بعياده نفسيه نسبت الموضوع ومرت سنتين وانخطبت غ وتزوجت وكل يوم اذا صار زوجها بالشفت تكلمني تسولف معي بالساعات بعد زواجها بشهرين قررت اعزم غ و ع صديقتنا اللي معنا بنفس القروب وعلاقتنا قويه ببعض جت غ اعتذرت قالت انها تعبانه ولا نامت وانا صدقن جت ع قالت فلانه وفضت تجي لان راجع لها الوسواس وهي تتعالج الحين وتاخذ اذويه كبت العشاء كله ع عندي انا حسيت الدنيا تدور فيني صديقتي وكل اسراري عندها واسرارها عنذي وكل يوم بالليل تكلمني بالساعات ولا جابت لي طاري ومعلمه فلانه اللي متوظفه ولا فيه وقت حتى تسولف معها ع مادرت اني ماعرف ماجا ببالها لان تعرف قد ايش علاقتنا قويه ببعض كلمتني غ بعد العزومه تسولف وان ودها كان جايه وهي للان تحسب اني ماعرف وش فيها مادرت ان ع علمتني بكل شي وصكيتها وانا ماحسسته اني سامعه شي فجاه بهد ساعتين تتصل وتحلف وتنذر انها كانت ناويه تقولي الموضوع بس مافي وقت !! هي طول وقتها تكلمني كيف مافي وقت !! طنشت وقلت براحتك انا ابد ماتدخل تبين تكلمي ماتبين براحتك مايحتاج تحلفين قالت ان ماحد يدري الا اهلها وع وحتى زوجها مايدري انها تتعالج وكلام كثير من بعد ذاك اليوم صكتها مني يمين بالله يابنات لليوم ماعرف عنها شي تتهرب ولما ارسل لها بالواتس وينك مختفيه عسى ماشر تقول نومي حوسه نظامي مقلول وهي كذابه يابنات اسالها اخبارك شلونك ترد برسميه كانها ماتعرفني تمام بخير وبس تصك الموضوع
انا ودي اعرف وش فيها وش اللي قالبها كذا
لدرجه عمري وحياتي ماطلعت اسرارها حتى لاهلي
لكن اتذكر زمان مره كانت تقولي انتي احتماعيه
وتعرفين كل اخبار الناس واقاربك واهلكم كثير
عكس ع مالهم احد ولا لهم اقارب وانطوائين مره
حسيت انها خايفه خايفه اتكلم وهي مخفيه حتى
عن زوجها الموضوع لكن هي تعرغني زين ماطلعت اسرارها
زمان عشان اطلع الحين يمكن تقولون عادي مشغوله
بنات ودي اوصلكم حجم العلاقه اللي كانت بيننا
اكثر من اخت تجي ببجامتها واروح ببجامتي اسهر عندها
تتكلم لي عن اسرار اهلها واعلمها كل شي عن اهلي وحياتي
واي موقف واي شي يصير لي اول من يدري هي
لكن كذا بدون سبب كانها تبي تقطع حتى سنابات
مخصصتني وصارت ماتحط لي شي هي مدمنه سناب
لو تشوب قهوه صورت لها فوق شهر ماتنزل شي
احسن طريقه كيف ابي اعرف البنت وش فيها