قسوه ورده @ksoh_ordh

عضوة فعالة

صديقتي تغيرررررت .....

مساكم الله بلخير بنات حواء
انا عندي صديقه انا وياها سبع سنين والله مااقصرت عنها بشي ابد وهي بعد نفس الشي تعاملها معي حلووو
بس صار لها فتره لما اكلمها احسها ماودها تكلمني مع اني مو دايم اتصل يمكن اسبوع مره
والمسيار لهم كل شهرين او اكثر بس مواصلاتها
واسمع لها لماتشتكي باي وقت فاتحه لها قلبي
مدرررررررررري شصاير بدنيا قامت حتى تسكر تلفوونها والرقم الثاني اللي انا اعرفه مسكرته بعد قلت لزوجي وهو صديق زوجها يسأله وين زوجتك تبيها زوجتي قاله انا مالي شغل وهو بلعاده لما نسأله يرد يقول نايمه ولا اي شي
بس الحين يقول لزوجي انا مااااااااالي شغل ليش
معقوله تغيرت الانفس صرت ثقيله عليها واتصلت بعد على اختها بعد ماردت علي وبلعاده دايم يردون علي والله مستغربه وانا مابي اخسر صداقتها اغليها واعزها حيل واحب اهلها وخواتها بس صراحه مستغربه وضايق صدري لي يومين وافكر هل انا ضايقتها ماذكرت شي ابد
حتى هي دايم تقول لي انتي مايجي منك اذيه
بس وش اللي صاير لا تقولون مريضه ولاشي لانها حتى لو مريضه عندي خبر
الله يصلح الحال ماودي يصير شي بعلاقتي معاها عمر انا وياها
متردده وخايفه مدري وش فيني
بالله شورو علي وادعولي انه مايصير شي بعلاقتنا مع بعض لاني جد اعتبرهم اهلي وانا بغربه
لاتنسوني من دعائكم

يلزم عليك تسجيل الدخول أولًا لكتابة تعليق.

تسجيل دخول

اسود وابيض • 13 سنة

الله يعينك بس يمكن احد قايل لها شي مشوه صورتك عندها

agym • 13 سنة

ارسليلها رساله وفهميه انها لو متضايقه من شي او انك زعلتيها او ضايقتيها ياليت تقولك لانك ما تدرين وش فيها والله يصلحها

انسه فوفو • 13 سنة

نصيحه دامها ما عاد ترد لا عاد تدقين عليها ولا ترسلين لها ولاشي

ادعي لها وبس>>>>مفعول الدعاء عجيب قولي يارب تسخرها لي

دوري على غيرها والله يوفقك ويهون عليك غربتك

رغدهـ • 13 سنة

يمكن تضايق من كثر اتصالاتك عليها كل اسبوع مره مع انها اتصالاتك عليها عاديه ومااشوفك ازعجتيها طيب هي كانت بعد تتصل عليك ولا بس انتي ..

قسوه ورده • 13 سنة

مشكورين بنات اللي رديتو واللي سألتني هي دق علي
طبعا تدق شبه يومي ومرات بأي وقت عادي عندها وانا لاني احترمها ارد عليها بلي تبي واجاوبها
اللي قاهرني ان زوجها يقول مالي شغل وش اللي مالك شغل فيه وبعدين مافي حد يوصلها كلام عني لاني مالي علاقات كثير انا مدري ليش مو مرتاحه احس الموضوع فيه انا وتخيلي تلفون بيتهم مشغوووووووول من اليوم مرفوعه السماعه ياربي وش صاير بدنيا
الله يهديها ويسخرها لي