صديقتي تكره اللي خاطبها

سلام عليكم
كيف حالكم بنات ؟
بنات صديقتي متضايقه ومضايقتني معاها ودي اساعدها بس ماعندي حل
اسمعوا هي طاحت على اهلها وهم مايدرون و كانوا يتكلمون فيها وفي ولد عمها ويقولون انه مالها زوج بالعائلة غيره وجدتها كانت معصبه واصرار عجيب الا تبي هالسالفه تتم
طبعاً هي ماتبيه ولا تطيقه ولا تبي طاريه سبحان الله تكره كره عجيب
هي تربت على كرهه ولو تفكر من هنا للسنة الجايه ماراح تغير رأيها
والمشكلة انه هي لما كانوا صغار كانت تسمع من اهلها انها لفلان من عيال عمها اخو اللي جاي يخطبها الحين
وحبت ولد عمها هذا (هو مايدري طبعا) وتعلقت فيه فترة طويله من طفولتها ومراهقتها صح انها عقلت الحين واختفى حبها لولد عمها لكن الشيطان حريص لو تزوجت هذا اللي خاطبها بيجي يوم وتسكن مع اهله ويكون ولد عمها اللي كانت تحبه موجود وتسبب مشاكل مالها نهاية ..
تقول اهلها فيه منهم اللي يقتنع بالهدوء والرزانه وفيه اللي مايفهم الا بالهواش والقوة
اخاف اقولها هاوشي وخلك قويه ويقومون اهلها ويعاندوها ويغصبوها واخاف تصير هادية وتحاول تقنعهم ومايقتنعون
اللي يضحك ويبكي بنفس الوقت تقول ان خوات ولد عمها هذا يبتسمون لها ومخلينها يادهينه
ساعدووووووني جزاكم الله خير واصلح احوالكم