صديقتي حالتها صعبة؟؟!!

هالعلاقة غلط في غلط.

ولا شايفة فيها شي صح من الأساس وحياتهم راح تنبني على غلطة كبيرة وسهل تتحطم .

انا مش ضد مواقع الزواج لو الوحدة كتبت كل شي وييجوا الناس للبيت بدون هي ما تدخل في صميم علاقات وكلام وحب وغزل واتفاقات على كل شي .

يعني انا رافضة الموضوع من اساسه والله يفكها منه .

و الله هالبنت غلطانه و هي شو الها عنده علشان تحاسبه ؟؟؟؟؟؟؟؟؟؟ قصه حب ؟ و شو يعني كل يوم ممكن يعمل حكايه .

هههه
موقع زواج عاد
والله مثل ما تعرف عليها تعرف على مليون وحده غيرها على هالموقع

ياعيوني نصابين هذول مواقع الزواج ... هذا تلاقيه مثل ما يمثل الحب عليها يمثله على الف وحده غيرها

عيوني خليها تصحح هالانترنت ما وراه الا خراب بيوت
اف من هالبنات المغفلات اللي ممكن تصدق هالمواقع مافيها خيييييييييييير

ممكن يكون مكتب زواج عند خطابه بس عند مواقع زواج الانترنت كله كذب في كذب شتبي تصدق في هذول الذيابه اللي يترصدون للبنات اي فرصه ويقص عليها على اساس الزواج كلها وعود وكذب وخداع عشان يتسلى معاها ولا هو لو ما قال لها على اساس الزواج اصلا ما بتوافق ولا بترضى ولا هو عاد يقدر يتسلى عشان جيه الزواج علثه
الله يهدي شباب المسلمين يارب العالمين

السلام عليكم

أهلين حبوبات

مهى

هيملاج

Rose

شكرا على ردودكم الطيبة

بس اختي هيملاج (بالمناسبة شو معناة اسمج) بس هم متفقين من البداية على الزواج ووعدها بالزواج يعني يحق لها تحاسبه صح ولا لا

اختي Rose : ما نقدر نحكم على كل المواقع بالسلب وكل الاشخاص بالسلب لانه بعضهم جادين صح ومنهم ربيعتي كانت جادة صدج

صح فيه شباب يلعبون بس اكيد في ناس صادقة بعد

بس اللي يخوف مثل حالة صديقتي انه وعدها وتكلموا وتناقشوا في كل الامور ومع ذلك تحسينه يحب يتعرف ويكلم البنات في المسنجر

على فكره قصة صدقيتج تتكرر الاف المرات انا سمعتها اكثر مره
نفس التفاصيل حتى واعرف هالبنات معرفه زينه واعرف اكثر من قصه من هالنوع والله العزيم

القصه نفسها تتكرر
البنت تسجل بالموقع
اتحط مواصفات
يوم ثاني تشوف مطرش لها واحد له مواصفات لقطه
ترسل له يرسل لها
شوي شوي
ماسنجر
بعدين تيلفونات .......
والحكايه تتكرر مع اكثر البنات

ياماما انا اعرف الرياييل هني بالهامواقع والله اللي يطلع متزوج واللي فيه بلا الدنيا
والله انا اعرف انه اكثرهم يدخل مش عشان يتزوج بس عشان يتعرفففففففففففففففف ويحب ويتصادق ويتسلى

انا منقهره من هالبنات اشكثر غبيات

انا اقول لصدقيتج تتوب وتبي ربها يرزقها بالزوج الصالح مالها الا انها تتوب من هالانسان ومن اي باب من ابواب الشر
تتوب وتدعي باخلاص والله اعرف قصة وحده معاي

تعرفت على واحد وتتكلم عنه على اساس انه خطيبها جدامي وادري انها تعرفه لا خطيب ولا هم يحزنون
والله انه كان يكذب عليها وانسان منحط بمعنى الكمله وكلامه طلع كله كذب في كذب

المهم تابت البنت وعرفت هالطريق ما يودي لمكان ان كان يودي فيوديها في مشاكل وبلاوي

المهم تابت عرفت رب العالمين والله العظيم انها بعد كم شهر بسسسسسسسسسس وكانت تقوم الليل وتدعي
والله انها عرست لانسان قمة في الروعه ... شو مواقع الزواج شو خرابيطه
عيوني ان كنتي تنتظرين ان ربج يرزقج بالزوج الصالح ترا مافي الا طريقه وحده الا وهي الدعاء
ابدا لا تستصعب اي شي .......... لان ربنا ما يغلبه اي امر اذا قال لامر كن فيكون
ممكن يرزقها في طرفة عين رزق ماصار ولا استوى

الله يفتح عليها ويهديها ياقادر ياكريم