صديقتي حامل بدون زواج انقذوني كيف اساعدها انا منهاره:(

السلام عليكم ..

بدخل بالموضوع على طول ...

بس بليز بنات مابي وحده تجي وتقول لي موعظه ونصايح او تتحسر او تتكلم بكلام بطال او تسب في البنت او تدعي عليها لانه ماراح احللها ليوم الدين .. اذا ماعندك حل ادعي ربي يستر عليها ..

المهم ..

البنت تعرف واحد من احد الجنسيات العربيه .. طبعا ربي اراد هالمره يُقضى الامر ويصير اللي صار وهو الحمل ... كانت شاكه بنفسها ...وكنا نمزح معها نقول انتي حامل ونستهبل من اللي تسويه .. لانه دايم تحس بدوخه وغثيان .. وتستفرغ .. وتشتهي اكلات معينه وكرهت ريحة العطوور وريحة كوفي كانت تشربه .. وكنا نتريق ونقوول حامل وكله استهبال ... خصوصا هي ماجاتها الدوره من شهرين ..

اللي صار .. انه امس راحت حللت وقالو لها حامل ... المشكله طاحت في سالفه ثانيه والعن .. اللي وداها للمستشفى صديق صديقتها لانه يشتغل بالمستشفى وله كلمته هناك وقدرت تسوي كل شي بالمجاااااان وبدون اثبات وصديق صديقتها نذل درجه اولى .. ذال صديقتها ذل مو طبيعي لانه ماسك عليها اشياء ويهددها .. لدرجة صديقتها تصرف عليه .. اللي صار بعد التحليل ..حسيت انه نيته شينه .. لانه يقول انا اكره صديقتك ومفهمها انه على قد حاله عيشته .. وانه سيارته لكزس هذي شاريها من فلوسه وانه اذا بغت يدفع لها مصاريف الدراسه .. وانه تترك اللي تعرفه وتصادقه هو .. لانه ارتاح لها .. ويبيها هي .. وبيترك صديقتها .. وانه بيساعدها وزي ماتبي ... انا بصراحه خفت .. قلت يمكن ينصب عليك .. عشان ياخذ غرضه .. روحي حللي بمستشفى ثاني .. راحت مستشفى ثاني بطريقه ملتويه طبعا ماله داعي اقولها الكااااااااااارثه ... انه شافته سونااااااار .. قلبه ينبض .. وعمره شهرين :(( المشكله انا كنت حاطه في بالي ننزله بس بعد ماقالت لي عمره شهرين .. انا خايفه اشترك بجريمه قتل النفس بغير حق اذا جبت لها الحبوب صح او لا ؟؟؟والحبوب ذي سمعت انها ممنوعه وموبالساهل تجي ...

المشكله اللي بيساعدها يبيها هذا اللي فهمت من كلامه .. وصديقتها تدق عليها كل شوي تقول لها لا تقولين لاحد ولا تسوين الا اللي يقول عليه صديقي ولاتسمعين كلام احد .. وانا شاكه بصرار صديقتها لها .. لانه هي اصلا تبي تترك صديقها بس ماتقدر لانه ماسك على اشياء يهددها فيها زي ماقلت لكم من اول انا قلت لها مو بعيد على اصرارها هذا تبي تتحكم فيك انه يهددها على حسابك ويبيك ...

والمشكله الاكبر بيت خالها بيجون بعد شهر يخطبونها .....

واللي تعرفه ماعطاها وجه لانه يقول متأكد مانزل في هذاك المكان اكيد عارفين ؟؟ الشغله كلها من برا لبرا شلون يصير حمل اكيد فهمتو علي .. لانها لسه بنت .. مو ........ عارفين طبعا ...

طبعا هي قالت له ربي يبي يفضحني ويفضحك وصار هالشي غصبا علينا .. لا تجلس تتهرب ..

بنات سالفه طووووووووووووووووويله ..

اخرتها .. هي حامل بالشهر الثاني.. ومدري اذا نسقطه او لا ... واذا سقطناه يقولون يحتاج عملية تنظيف بعدين عملية ترقيع عشان ترجع بنت وحوووووووووووووسه .. ومدري وش نسوي واخرتها :(

واذا جبنا لها الحبوب ... نكون مشاركين بالجريمه ؟؟؟ او نكلم شيخ ؟؟؟؟

بنات تكفون ساعدوني .. صديقتي للحين مابكت .. للحين مانهارت .. للحين مو مستوعبه ..تقول انا في حلم .. تقول كل ماشووف ابوي دمعتي تنزل بعيوني ... تقول امي قالت لي لو اني ام مو متفهمه كان قلت انك حامل ..

بنات لا تخذلوني ... انا تعبانه .. حاسه اني مشاركه بجريمه مالي ذنب فيها .. ماقدر اجيب لها الحبوب عشان تسقط ويكون في ذمتي شي .. ولا اقدر اخليها لوحدها ..

الله يخليكم لا تدعون عليها .. عطوني حل ... او ادعو لها بالستر ...


تكفون بنات ... انا معتمده على الله ثم عليكم .. لاتخذووووووووولني .. .عطوني حل .. اكلم شيخ ولى نسقط ؟؟؟

اللي تقدر تساعدني لا تبخل علي الله يجزيها الجنه ...

ادعو لها بقيام اليل ...

:((