خواتي انتم كملتم الردود بس صاحبة المشكله مش موجوده وينها ؟؟؟؟؟؟؟؟؟؟؟؟حتى ما قالت لنا شو صار ؟؟؟؟؟؟؟؟؟؟؟؟؟؟على فكره هي تطلب نصيحه بس هي عندها الحل اللي هي وصديقتها يبونه وهو الاجهاض .......نعم هم يبون الاجهاض بس يبون يحللون نفسهم ويبرون نفسهم من جريمة القتل هذا اللي هم يبونه يبون يعرفون هل الاجهاض حرام والا حلال وعمر الجنين شهرين
والله غريبه هذي الدنيا على فكره يا مصدومه من الدنيا بعد الاجهاض وعملية الترقيع شو راح يصير في صديقتج وصديق صديقتج ؟؟؟؟؟؟؟؟؟؟؟؟؟؟؟؟طبعا راح يهددها انه يعرف اشياء كثيره عنها شو بكون موقفها؟؟؟؟؟؟؟؟؟؟؟؟؟؟بعد راح تحمل منه ؟؟؟؟؟؟؟؟؟؟؟؟؟؟ولا شو بصير
حبيبتي انتي تردين على البنات بوحشيه رغم انهم ما قال لج شيء غلط هم متفاجات لانهم ما يعيشون بنفس عقليتج المتفتحه وعقليت صديقتج المتفتحه
يعني ما عندهم نظام البوي فرند والطلعات واللييات
فليج تستغربين ردهم ؟؟؟؟؟؟؟؟؟؟؟؟؟
واي شيء بتسوونه بكون غلط يعني الاجهاض غلط وجريمه ومثل ما الله راد لها تنفضح بالحمل ممكن تموت بالعملية وتنفضح
او تكون انتي مشاركه في عملية قتل صديقتج تسالين عن حرمة قتل الجنين بس ما سالتي لو ماتت صديقتج في عملية الاجهاض وكنت انتي من وداها او حتى من وفر لها حبوب الاجهاض لانها خطيره شو الحكم الشرعي فيج هل تعتبري قاتله انتي ايضا ؟؟؟؟؟؟؟؟؟؟؟؟؟؟؟
بعدين عملية الاجهاض و الغسيل و الترقيع ما تصير كلها في يوم وليله يعني ما تصير مثل ما انتي متخيلتنها او مثل ما تصير في الافلام والمسلسلات في خمس دقايق يعني اذا سوتها شو راح تقول لاهلها وين راح تنخش كل هذي الفتره وشلون بتبرر غيابها عن اهلها اكيد راح تكذب ؟؟؟؟؟؟؟؟؟؟؟؟
والكذب حبله قصير لو ماتت في العمليه شو بتقولين لاهلها انتي اول وحده راح تتهم وانتي اول وحده راح تنفضحين .......
ولو عد الموضوع على خير وانخطبت لود خالتها شو بكون مصير ولد خالتها ؟؟؟؟؟؟خاصه لو ما هذي البنت تابتت لله توبه نصوحه
بعدين صديق صديقتها من الحين ينصب شباكه حولها فحذاري يا اختي انتم تمشون في دائره مغلقه وما منها مفر
عشان كذا الغلط لازم يتصلح
او لشيء تبلغ امها بالموضوع طبعا زواج مستحيل وحتى لو تزوجت ما راح ينتسب الولد للزوج خاصه لو تزوجوا بعد ما تدخل الثالث لانه اقل فتره للحمل 7 اشهر
اعرف ناس تزوجا بس ما نسبوا للوالد الولد لانه ولد زنا تخيلي هذا مصير صديقتج لو تزوجت
وطبعا الريال ناكر تكون حامل منه يعني انسي يتزوجها او ينسب الولد هو شاك في نسبه له
مشكلتكم عويصه جدا جدا يبالها احد كبير وفاهم وقريب منكم لو رضى الريال يتزوجها زوجوها
بس كون بعيده عن الموضوع ولا تردين على البنات بوقاحه لانج ما راح تحصلين اي نصيحه بسلوبج هذا
اتمنى الله يستر عليكم جميعا

صديقها وصديق صديقتها وزنا وإجهاض
لاحول ولاقوه إلا بالله ,هل أنا في السعوديه أم في هوليوود ياللهول .
الهذه الدرجه بلغ الاستهتار ببعض الفتيات إستهتار بالدين,وبالاخلاق ,وبالشرف.
لاحول ولاقوه إلا بالله ,لو كانت صديقتك مغتصبه وحملت من دون إرادتها لبحثنا عن حلول لها ,ولكن تعمل المنكر والحرام ثم نبحث عن حل فلا ,لان في ذلك تشجيع للفتيات للرذيله وكأننا نقول لهم أعملو الحرام ولاتخافو فالحلول متوفره ,الله يستر على بناتنا وعيالنا ويبعد عنهم عيال الحرام ,والله يسترنا دنيا وأخره ,وأنصحك يا صديقه صاحبه المشكله بالابتعاد عنها لانه يوجد مثل يقول (قل لي من تصاحب أقل لك من أنت) فنصيحه لوجه الله أبتعدي عنها لان سمعه البنت جدا سهله الخدش كالزجاجه.

يا صاحبة الموضوع رجاء يا أختي حسني اسلوبك, مافي واحده هنا اصلا مجبوره انها تعطيك نصحيه ولا أنت دافعه لأحد فلوس و تعاملينهم كأن فيزتهم بأيدك, ما حد هنا يشتغل عندك, صديقتك زنت و حياتها غلط و صديقاتك كلهم حياتهم غلط و حرام هذا شئ ما يختلف عليه اثنين يسمعون القصه و الحين انت بدال ما تنافخين علينا ركزي في الحل يعني اتركي الكلام اللي ما تبينا نقوله على جنب لانه واضح انك تبينا اننا نحللك الاجهاض انت و صديقتك, الاجهاض حرام, و اللي سووته صديقتك حرام و اللي تسوينه انت حرام, شوفي رحتوا لصديق صديقتكم و الحين يبيبها و اكيد بيهددها و بيبتزها. روحي معاها لامها و خليها تشوف لها حل, بعدين يعني اكيد لو واحده لها صديق و صديقاتها لهم صديق و طلعت من بيتهم و راحت مع واحد في خلوه و عاشرته (من بره عشان لا تزعلين) و صار حمل و اهلها سامحين انها تروح و تغيب المده هذه كلها اكيد يعني امها ما راح تموتها. مثل هاذول امها تتوقع الشئ هذا و راح تشوف لها حل. الله يستر عليك و علي جميع بنات المسلمين يا رب, و ما احللك لو سبيتي اي واحده من الاخوات هنا. شئ ثاني مهم يعني الحين ما تقدر تتزوجه عشانه اجنبي من جنسيه عربيه ثانيه بس عادي نامت معاه و فسخت ثيابها..؟؟؟؟ تخافون الحلال و ترضون بالحرام, عجبي. امها ممكن تخليه يتزوجها بس لازم بأدب الحين لانه اكيد راح يحس انهم محتاجين له و لو صار نزل بيذلهم و لا تنسون لو عندك عند الكلب حاجه قول له يا خواجه. يعني لا يروحون له اهل البنت بنفس شينه لان شرفهم و سترهم الحين بأيده

الله يستر عليها ان شاء الله والاخوات ما قصروا في اسداء النصيحه وان كنت اعتب على بعضهن جفاف الاسلوب.
عندي بعض الملاحظات السريعة:
1- اذا قررت تتزوجه وهو موافق( مع انك وضحتي انه منكر نسب الطفل له من الان ويقول انه متأكد انه الطفل مو له ) المهم في هذه الحالة لازم تخبر اهلها اخوها مثلا والرجال يتصرفون ويسحبونه من خشمه ويتزوجها .
2- لو تم الاجهاض عن طريق حبوب بطريقة عشوائيه احتمال ما يسقط الجنين ويطلع معاق
وكذا يصير الظلم على الطفل مرتين, فاذا ناويه اجهاض لازم تحت اشراف طبي كااااامل مو يكون بطريقة بدائيه ( حبوب وبس)
3- اخبار الام ضروري واساسي وهي تتصرف للافضل وتساعدها في اتخاذ القرار.
4- تسأل اكثر من شيخ لعل احدهم يتفهم لوضعها ويفتي لها بما يناسب وضعها وترتاح
اما الهيئه فاتوقع لها عقوبه وهي الجلد .

اخواتى في الله ترى مايجوز تقولون تستاهل ومدرى ايش ترى هذى اسمها شماته خافوا من الله لايبتليكم حفظنا الله واياكم وحنا ماندرى على اى دين او باى ارض نموت نسال الله السلامه والتقوى وحسن الخاتمة بغض النظر ان البنت غلطانة واخطات ولازالت اذا لم تتب الله يهديها ويعينها وبغض النظر ان صاحبة الموضوع منفعلة حبتين وهذا واضح جدا الله يصلحنا وياها بس تراهم الله المستعان في موقف لايحسدون عليه
وكمان فيه احدى الاخوات اجتهدت انها اخطات عندما افتت بانه يجب عليها الحد لااختى الستر مطلوب الا تذكرنى بما معناه الزانية التى اتت للرسول وهى حامل واعترفت بجرمها واشاح الرسول عنها وبقي يؤجل فيها سنتين الى ان طلبت هى الحد ورجمت غفر الله لنا ولها ورضى عنها انتبهوا اخوات بارك الله فيكم لاتفتوا بغير علم اسالوا المشايخ قبلها سدد الله خطانا وخطاكم الى طاعته