موناليزا الرياض :

مصدومه من الدنيا انتي ليش زعلانه وحمقانه انتي طرحتي الموضوع وكل عضوة لها الحق في طرح وجهة نظرها ،، وبعدين عمر النصيحة ماكانت كلام زي السم مثل ماقلتي !! وصاحبتك هذي ينطبق عليها المثل اللي يقول ذهبت السكره وجاءت الفكره . يعني لو كل بنت فكرت بهالشي طبعا بعد التفكير في عقاب الله ماكان سوت اللي سوته .. لكن مثل ماقلتي اللي صار صار .. واللي واضح من كلامك إن الشلة كلها للأسف ماهي كويسة وهذي نتيجة الرفقة السيئة .. إذا صاحبتك للحين ماصاحت ولا انهارت فهي ماعندها إحساس مع احترامي لها ولا تقولين مو مستوعبة لأن الوضع أصعب من مجرد كلام الله يستر علينا وعليها .. أول شي أتمنى تتوقفين عن مهاجمة أي رأي يخالف تفكيرك لأن هذا مو أسلوب منتدى حواء وإذا تبين الراي ابعدي عن هالشلة الخربانة لأن الصاحب ساحب ولو ماسحبتك بتتأثر سمعتك في حال انكشف الموضوع .. و إذا كانت صديقتك فعلا ندمانه أولا تتوب إلى اللى وتدعوه أن يفرج كربتها ( أمن يجيب المضطر إذا دعاه ويكشف السوء ) وتندم عاللي صار وماترجع لها الدرب مره ثانية مهما صار وإذا هي بنت قبايل مثل ماقلتي ليش تتعرف على هالوافد العربي وتسوي اللي تسويه معه ؟؟ ولو ماصار الحمل كان استمرت باللي تسويه للأسف .. وهذي عبرة لكل وحدة تقرا هالقصة المأساوية ويشهد الله أني حزينة ولم أتشمت ولكن من حزني عليها طلعت مني هاكلمات ويمكن أكون قسيت عليها لكن دائما الحقيقة مرة وأنتي ماقلتي المشكلة علشان نكذب عليك ونجاملك ويستحيل تلقين عندنا الحل الشافي يعني وش تتوقعين بنقول ؟؟ تقتل نفس حرمها الله ؟؟ أو تتزوج هالوافد رغم استحالة ذلك ولو صار فراح تنفضح أكثر والولد ولد زنا يعني لا ينسب لأبيه !! أو تبينا نقول تسكت وهذي أعظم لان الحل بيظهر عاجلا أو آجلا مع الأسف .. أنا عني ماعندي حل لكن تكلم شيخ عسى يقدر يفيدها أكثر وأهم شي لاتحاول تركتب حماقة أكثر من اللي صار خصوصا موضوع صديق صديقتها !!! أسأل الله العظيم رب العرش العظيم أن يستر علينا وعلى بنات المسلمين وأن يفرج على صديقتك مابها وأن يسترها دنيا وآخرة وأن يعيدها للحق وأن يجعلها من النساء الصالحات وأن يصلح دنياها وآخرتها وألا يفجع والديها بما أصابها اللهم ألهما الصواب في القول والعمل واحفظ بنات المسلمين من شرأنفسم أولا ومن شر هؤلاء العابثين .. وفي الختام هذي نزوة من الطرفين زينها إبليس .. ماذا خسر هذا الرجل النذل ؟؟؟ ولالالالالالاشيء لكن البنت خسرت كل شيء ..

مصدومه من الدنيا انتي ليش زعلانه وحمقانه انتي طرحتي الموضوع وكل عضوة لها الحق في طرح وجهة نظرها...