صديقتي حامل وتغيرت على قهرتني 😭

السلام عليكم ورحمه لله وبركاته
كيفكم بنااات
ما أطول عليكم أنا وصديقتي متأخرين في الحمل هي ليها سنة وانا لي ٣ سنين تعرفنا على بعض مأخرا وكنا ندردش مع بعض ونحكي لبعض معاناتنا وكلام الناس ونصبر بعض وهي كان مستعجلة ومتلهفة على الحمل أكتر مني وكل ما مر شهر وما حملت كانت تتضايق وتزعل وأنا كنت أروح لها واخفف عليهاواقول لها اصبري كل شي لخير وربي بعوضك ويرزقك وكذا
الشهر الماضي ربي رزقها وحملت ربي يكمل حملها ويتمملها على خير
كلمتني وقالتلي حامل وباركت لها و فرحت لها
المهم بعدها صارت لا ترسل لي وإذا ارسلت لها ترد حسب سؤالي بس يعني اقول لها ايش أخبارك وصحتك تقولي الحمد لله وبس وتاني ولا تسألني وإذا سألتها سؤال ثاني ترد نفس الشي وخلاص والمهم ما اهتميت وقلت لزوجي أبغى أروح لها أبارك لها قالي تمام ارسلت لها قلت لها فاضية أبغى أمر عليك ما ردت لي مع انها متصلة وبعد خمسة طلعت من الواتس وما قرت رسالتي وما ردت لي بعد كم دقيقة اتصلت عليها ردت وبعدين فصلت ارسلتلي رسالة قالت لي تمام و تعالي ورحت لها وما حطيت بنفسي شي أول ما دخلت ما حسيتها مسأنسة لجيتي وما استقبلتني حلو وأنا اكلمها وهي ماسكة الجوال وفاتحة الواتس تحط في الحالات كان تنتظر أروح
وشوي استأذنت منها ورحت وصارت تعدي ايام ولا تكلمني ولا ترسل لي وإذا ارسلت لها ترد حسب سؤالي نفس الأول تغيرت ما كانت تعاملني كذا احترت ايش سويت لها
وبعدها بفترة حتط في حالتها أنها تبغى أكله فارسلت لها وقلت لها بسويها لك ( قبل كنت ابغى اي شي اقولها وهي تسوي مثلي واي شي تبغاه ترسلي عادي اي شي بنات كانت تعاملني معاملة حلوة ) قالت لي طيب وتسلمي وكذا وسويتها وارسلتها لها ثاني يوم الظهر ولا ارسلت لي ولا قالت لي اي شي المساء ارسلت لها
هااا الطبخة وصلتك قالت لي ايوا ما تقصرين وبس ولا سألتني ايش أخبارك ولا اي شي وعدت فترة لا ترسلي
واذا دعيت لها وقلت لها ربي يهون عليك ويسهل لك تقولي آمين وبس ولا تقولي ربي يرزقك ولا اي شي
صرت أحس إني فارضة نفسي عليها
اليوم كانت مقابلتها مع الدكتور وقمت ارسلت لها وقلت إذا قطعتها وما ارسلت لها تقول إنتي حاسدتها او شي وأنا ما احب يكون في نفسي شي علي أحد
قلت لها رحتي الدكتور طمنيني عنك قالت لي ايوة وما قالت شي ثاني وارسلت لهاربي يسهل عليك ولا ردت لي
ليش تعاملني كذا 😭
وأنا كنت اشتكيلها ليش 😭
صرت ما أدري اتركها وما أرسل لها ولا ايش ما ادري
انصحوني بنات الله يسعدكم وادعولي ربي يرزقني و يجبر بخاطري والله قلبي يتقطع من معاملتها لي 😢