صديقتي , حياتها وبعض الرؤى التي تراها , هل تدل على شئ ؟

السلام عليكم

بنات عندي صديقة ملتزمة ومحافظة على أذكارها وصلاتها وتحفظ القران وهي على خير كبير - أحسبها والله حسيبها ولا أزكيها على الله - بصراحة لاحظت حظها سئ جدااااااا لكن قلت لعل الله يبتليها لأنها مؤمنة - أحسبها ولا أزكيها على الله -
تزوجت واتطلقت وزوجها عاش حياته وهي مازال يخطبونها ناس تتمناهم ولا تتم الخطبة !
يجون فعلا ويخطبون ويختفون
والناس الي ماتبيهم يصروووووون عليها ويخطبونها مليون مره ويرجعون يخطبون وحالتهم حاله
لكن سبحان الله الي تبيهم ماتتم
حالتها المادية سييييييييئة و أول كانت ممتازه غم انها موظفة وراتبها عالي لكن حصل عندها ظروف واضطرت للدين والسلف وو
سوت عملية لحمية وجيوب انفية 3 مرات وكلها فشلت ! مع ان الدكتور الي راحت له سبق انا وكثير اعرفهم سوينا عنده ونجحت من اول مره الحمدلله لكن هي عادتها 3 مرات وفشلت والتنفس عندها سئ الحين وماتقدر تعيدها لان ماديتها سيئة
النقل بوظيفتها للمكان الي تبيه توصلها الاوراق ويكلمونها الادارة يقولون نبي ننقلك وفجأة يروح النقل لمن هي أقل منها استحقاق مع ان هي اكثر وحدة بالخبرة بمجموعتها وكلن ينقلونه بالأمكان الي هي تبيها وهي ماتنقل
المشاريع التجارية والصفقات توصل للنهاية لين توقيع العقود وفجأة يختلف أحد الطرفان بشي تاااافه وتتكنسل كل الصفقه مع ان الاطراف كلها ماشيه صفقاتهم كلها لكن الصفقه الي هي تدخل فيها تتكنسل
هذا غيض من فيض مما تعانيه
هي ماقالت شي ولكن مره قالت لي عن رؤى لها خلتني أوسوس ان فيها مس او عين او سحر
قلت مالي الا الله ثم انتم تساعدوني هل فيها شي او لا

1- تقول شافت بالمنام ان فيه افاعي صغيره لونها اخضر غامق تهاجمها وهي معها عصا تضربهم ومعها وحده تعرفها تساعدهها بضربهم وراحت شالتها المره هذي وحطتها فوق جدار واختفت وبقت هي لوحدها تضرب الافاعي تقول تعبت ولا مات منها غير واحد وانتهى الحلم
الوحده الي شافتها بالمنام هي بالحقيقة دايم تحمل وتسقط

2- وهذا الي خوفني صدق عليها تقول مره كأني استيقظت من المنام - تقول ماادري هو حلم ولا حقيقة لكن كأني قمت ولقيت قط كبييييير أسود فوقي كأنه يفعل بي مايفعل الرجل بإمرأته وتعوذت من الشيطان وغطيت وجهي بالبطانية ولفيت على الجهة اليمنى ..


يابنات هل فيها شي ؟
وهل هو سحر او مس او حسد ؟
وكيف تزول هذه الاعراض ؟

جزاكم الله خيرا