صديقتي خذلتني

بنات ، كيفكم
ي بنات انصدمت والله ، صديقتي اللي نعرف بعض من الطفولة ، المهم صارت ظروف وافترقنا سكنت انا بمدينة وهي بمدينة بعد ما دخلت الجامعة سألت عن بيتهم والتقينا واخذنا ارقام بعض ، وانبسطنا كثيير ، هي تقول ما لقت صديقة مثلي ولا بتلقى وانا نفس الشي ، بس يا بنات ، قبل فترة انصدمت ، طبعاً انا من كثر ما قلبي ابيض واحس انها مثلي ، وثقت فيها وقلتلها كل اسراري ، وهي نفس الشي قالت لي اسرارها ، ولما يضايقنا شي نشكي لبعض ، ، انا عمري ٢١ وهي ٢٢ ، المهم يا بنات ، حسيتها تفشي اسراري لزوجها ، لان اجت فترة ما تجي معي كل مرة تطلع عذر عن زوجها ، وفي مرة كانت معي ، اختها مقترضة من عندي مبلغ ، صديقتي رسلت لاختها رجعي المبلغ لفلانة اريد افتك منها ، انصدمت والله قلتلها ليش تتكلمين عني بهالطريقة ، قالت بس كذا بروحي عشان اختي تستعجل وتحول لك المبلغ ، قلتلها عادي انا مب مستعجلة ، احس اسراري خلاص عند زوجها واختها وبنات خالتها ، حسيتها منافقة ، هي يا بنات اسرار اختها وبنات خالتها وخالاتها كلهم عندي ، احسها كل مرة مع احد ! ، صدق والله اللي يعطيك اسرار الناس بيجي يوم ويفضحك عندهم ، بس ما توقعتها ،
انا ما غلطت عليها والله وساعدتها بأمور كثير ، وهي احسها تغار مني كثير دايماً تقول حظك تدرسين جامعة وانا ما عندي حظ ، حظك انتي احلى مني ، وانا اقولها ربي مقسم ارزاقه لكل حد وما يظلم احد ، المهم انا صارحتها بالموضوع وهي تنكر لكن انا احساسي ما يخطأ ، وفيها وجه للحين تجاملني احس ، المهم هالفترة صارت تبتعد اصلاً خلاص راح دوري يعني اكتفت بزوجها ونستني انا
اوك الزواج مشاغل بس مش لهالدرجة ايام بدون م ترسل ، يلا ما بنذل لها فهمتها مرة مرتين وما بعيد كلامي ، وربي يكفيني شرها والله