صديقتي خطبها مطلق عنده عيال تعالوا مهم

بسم الله الرحمن الرحيم
صديقتي حابه تشاوركم ياخبيرات عالم حوا من خلال تجاربكم بالحياة وهي راح تقرى الموضوع واكيد بتاخذ الرد الزين الحكيم والردود السلبيه بتتغاضي عنها
عمرها بحدود ٢٦ مرت بظروف قويه قويه قويه لدرجة بغت تخليها مجنونه لكن ربكم ستر وكانت تدعي من سنوات طويله يارب تعوضني وترزقني اللي يسترني ويحسدني البنات عليه
الله يسلمكم اللي صار خطبها واحد نقدر نقول انه ابوه وجده امراء من عايله نجديه معروفه ماشالله تبارك الله ماشالله اذكروا الله يابنات
مطلق وعنده ٣ بزران
سبب الطلاق : يقولون هي حرمه كويسه واخلاقها ممتازه ودينه وتخاف الله بس مشكلتها انهم ماشافوا خيرهي واهلها وتبي املاك باسمها وكل شوي تبي فلوس بعضها تبيها فعلا وبعضها قاصده تشفطه لسبب في نفسها انه انتم عندكم خير ابي امتع نفسي ماشالله والسبب الاخر امها مطلقه وقاعده تخرب حياة بنتها بافكارها وصايره طليقته تنشر غسيل بيتها عند الناس وقيل وقال
حاولوا اهل الخير يصلحون بينهم وينصحونها تبعد عن افكار امها وتراها بتخرب بيتها رفضت وتروح بيت اهلها يا راجعه من بيت اهلها زعلانه تبي رضوه لانه عندهم عادات الرضوه صارت تزعل عشان تبي هالرضوه حتي لو سبب تافهه وعرفوا طبع هالانسباء
اخر شي ماعاد رجعت بيتها تبي بيت باسمها ورفضوا وعطوها فرصه سنه وشوي تصلح مافي نفسها وتراجع نفسها لكنها راحت المحكمه وقالت ابيكم تخلعونه انا مابيه
جاه خبر وقال لا خلع ولاهم يحزنون انا بطلق والله يستر علينا وعليها انا صابر وساكت عشان عيالها لايتشتتون وعطيناها مهله مب بسيطه وكلمت الشيخ قالت ابي عيالي قال طليقها قبل لايحكم الشيخ
ابدا عيالك عندك ومصروفهم يجيهم وفمان الله
غيرت رايها قالت لا ياشيخ مابيهم عندي يجوني كل جمعه اشوفهم
طبعا الطلقه (طلقه وحده)
هذي القصه اللي قالوها لنا مانعرف الصدق الكذب طبعا كل هذا راح ينعرف مع العشره مع انه القصه حقيقيه ان شالله لانه طبيعي ذا شي من كثير حريم :
الان زميلتي بتقوله يطلقها بالثلاث عشان اضمن لعدم الرجعه لان المطلقات مايحلي بعيونها طليقها الا اذا اعرس ( وزميلتي ماتعرف تقول اسالي عالم حوا يجوز كذا اولا )
ثاني شي تقول انا بخاف الله في عياله وبعتبرهم مثل اخواني الصغار لكن بقوله اذا هم عندهم لعانه او شي او حركات عيال المطلقين اللي نسمع عنهم ويقعد يتصنع الصياح والبكي تري انا بصك علي غرفتي وبخليهم علي راحتهم وانا موظفه وعندي وظيفتي لان حركات المنافقين والنذاله لاهي تربيتي ولاهي طبعي ((( وتبي رايكم بهالكلام يابنات حواء)


يابنات ايجابيات هالزواج واضحه لكن حابه زميلتي تعرف منكم سلبيات النوع هذا من الزواجات ؟؟؟
عذرا اني طولت عليكم بس عشان تعرفون القصه بالتفصيل ومحد يسأل جاوبت تقريبا علي كل شي تبون تسالونه
وبدون عاطفه يالبنات جاوبوا لو كنتوا بمكانها
واذكروا الله وادعوا لزميلتي بالتوفيق لانها عانت عانت وشافت الويل بحياتها
هل لو انتي بمكانها تنتظرين اعزب وبمواصفات اقل بكثير من هذي عشانه اعزب بس او مطلق ووعنده عيال وحياة ونسب ماتحلمين فيه
تفضلوووووووا المايك لكم يابنات حوا ء الله الله بالردود
ماشالله
ـــــــــــــــ
لا اله الا الله محمد رسول الله