اسمعي اول شي مافيه شي يطلق بالثلاثه اهم شي يطلقها ويجيب صورة ورقة الطلاق شوفي عياله مصيرهم يتزوجون ويرحون محد بيقعد عندها لاكن فيه شي مهم مره احب أوضحه من تجربتي اخذت مطلق اسمعي سالفتة صديقتك تشبه سالفة زوجي وأهل طليقته مع اختلاف البعض السبب هنا الله يهديهم دخلو في النوايا تدرين قبل لااتزوج زوجي جوني ناس وقالو لي وش تبين فيه واهله واهله فيهم مالا فيهم وانا طنشت واستخرت وارتحت والحمد الله ولد زوجي الحين عمره تسع طعش ويحبني ويحترموني لاني معطيته ريق حلو وزوجي كويس الحمد الله كل الأشياء الي طلعت عنه كذب شوفي هم صريحين معكم وقالو لكم الصدق ماكذبو عليكم ولا غشوكم وش مصلحتهم يكذبون يمكن الحرمه طالبه شي بمبالغ كبيره او ذبحت زوجها بالطلبات والفلوس هي واهلها شي زايد عن حده ودايم دايم الين طفشو الرجال وهي وخطيبك مشاكلهم كبرت صح هو غلطان لانه ضحى بعياله لاكن وش يسوي يمكنه طفش من زوجته وتملل منها بعد الناس اجناس عليها بالإستخاره وأما عياله فا انتي ان شاء الله اذا كان من نصيبك تقربي منهم ولاكن لا تتشرطين على معاملتهم لك ومو في يوم وليله بيحبونك يبيلك فتره طويله وانتي بتلاحظين انهم بيقولون منك بسبب معاملتك معهم اما التحريض للأطفال بيصير فيه البدايه انتي طنشي وتحملي اهم شي رجال يصلي ويخاف الله فيك وان كان فيه خير لك الله يرزقك ويسعدك وان كان فيه شر الله يبعده عنك

نصيحه مهمه تشترط بيت لحالها سواء مطلق او متزوج او متزفت او يبغا يرجع طليقته بيتها لحالها مهم مهم مهم ماتقدر على عياله الام ماتقدر بنفسها .....

هي مطلقة كيف يطلقها ؟!
تقدر تشترط فالعقد انه مايتزوج عليها
سلبيات هالزواج كثيرة من رأيي تاخذ ارمل او مطلق بلا عيال اهون

صغيره تبعد عنه احسن .. يمكن لو كانت صديقتك مطلقه او ارمله او قريب الاربعين اقولك صح تفكر بالموضوع
لكن عمرها ٢٦ خليها تبعد وربي يرزقها باحسن منه

ما أحب الي تدعي هالدعوة (البنات يحسدوني عليه)
الناس تتمنى الخير تقول زواج مبارك فيه
مو يحسدوني عليه


بصراحة مبين صديقتك مادية لدرجة تتوقع ان ممكن احد يحسدها على مطلق عنده 3 . إلا تنرحم الي هذا نصيبها
مالله حادها لو مطلقة نبلعها لكن بكر ؟ المشكلة الثلاثة بيسكنون معها


لا دلال لا خصوصية لا سفر لحالهم لا راحة بال .


حبيبتي خيره له و لعياله و بأي لحظة تتعارض مصلحتها مع عياله بيقول لها باي . معروف ان زوجة الابو مأكولة مذمومة وماراح يرضون عنك الثلاثة مهما سويتي انتي بنظر المجتمع مو مثل الأم


هي عانت الكثير لا تضيف لحياتها المزيد من المشاكل خليها تتعوذ من ابليس ترى مجرد قعدتك براحة بال مع زوج صالح بشقة عادية أفضل مليون مرة من بيت كبير يشاركك فيه ثلاث اطفال ومجتمع ينتظر منك الزلة وكلهم بذمتك حتى لو تخلينهم مع الشغالة .