صديقتي داخلة على الله ثم عليكم

مرحبا اختى00
اولاصديقتك تزوجت وهى عارفه ايش هى داخله عليه انه متزوج وطبيب ومشغول وعلى قولتك شايب 00
مع ان الفرق بينهم كبير الا انه مايعتبر شايب00
اعتقد ان على صديقتك انها تحاول تتأقلم مع اوضاعها يعنى كانت معتقده مثلا انه بيترك شغله عشان يقابلها لانها حلوه وتشبه زينب العسكرى او انه بيهمل عياله وشكله حريص عليهم لانه طالب منها تزورهم00
واعتقد اختى ان صديقتك هى اللى متأثره بالمسلسلات المصريه اللى الواحد يتزوج الثانيه من هنا ويطنش الاولى ويهمل عياله00
وبعدين فيه نقطه مهمه وشلون طبيبه وما لقت وظيفه!!!!!!!!!!!!!!!
معليش ترانى قاسيه شوى بس احيانا تكون القسوه مطلوبه فصديقتك رفضت من تقدم لها بدون زوجه واخذت المتزوج واللحين تشكى00لازم نتحمل مسؤولية قراراتنا 00
ودمتى انت وهى سالمات00

أول شي هي خذتة وهي عارفة عمرة فالمفروض تكون متقبلة كل شي فية

ولو كانت تعتبرة شايب ماأشوف عمرة كبير لهدرجة..وللعلم..

ترى نفس فرق العمر بيني وبين زوجي..يعني تحمد ربها

ثاني شي صديقتك تزوجتة وهي عارفة نوع شغلة وعارفة أن عندة زوجة أولى

وعارفة أن عندة أطفال..فالمفروض ماقبلت بة الا وهي عارفة الضغوط اللي بتجيها..

ثالث شي...تعودة وتتعود أنها تقفل التيلفون في وجودة...وأن هذا هو وقتها الخاص

ومن حقها تستمتع فية معه بدون أزعاجات من عيالة..عيالة كبار ومهوب محتاجين لة


رابع شي تحاول تدور لها وظيفة تشغلها شوي...

خامس شي دايم بعض النساء لما تتزوج ويمر بها أي ظرف تتحسف وتندم

وياليت ولا وش خلاني ومن هالكلام..تثق الواحدة أن هذا اللي ربي كاتبة لها

وانة لو خذت غيرة طالما ربي كاتب لها هالحياة بتعيشها مع أي واحد

ولا تتحسف لا على عمرها أو جمالها..ترى السعادة يكتبها ربي على الانسان

مالة دخل في شكل أو في عمر...تدعي ربها ليل نهار..وربكم كريم

الله يفرج همنا وهمها في هالساعة المباركة

تحياتي:32:

الماسة لماااعة

يامساااء الفل والله يسعدلي إيّااااك

معااااك حق وانا قلت لها كذا .. هو ما ضحك عليها ولا قال لها إنه ما وراه مشاغل وهي عارفة نوعية شغلة اصلاً ما عرفته إلا بعد ما تدرّبت عنده في الصيف اللي قبل اللي راح في واحد من مستشفيات الرياض المعروفه وعجبها جداً اسلوبه والتزامه بدينة ..

بس يمكن الواقع كان اقوى شوي من اللي توقعته

وأقول لك ياقمر بالنسبة للوظايف طبيبات واطباء الأسنان مالهم وظايف في الرياض إلا المستوصفات الخاصة اللي دوامين وضغط والراتب 3000 أو 4000 يعني ماتسوى التعب
هي جاتها وظائف في قرى بس هي ما تبي ..

ألف شكر على مرورك

وتشكراااات :26:

شلون ترضى تاخذ و احد على زوجته و الحين تشتكي


اقول خل تسكت و تحمد ربها ازييييييييييييين

أختي فرحه الايام
مشكلة صديقتك عندي نموذج مثلها 100% لا والحرمه أصغر بعد عمرها 19 سنه
وتزوجت رئيس قسمها على زوجته وهو استشاري يعني شايب بس فيه شده طبعا
وبالأول تعذبت شوي معاه ومع الشغل خصوصا انه كان مشترط عليها تترك العمل بالمستشفى وفعلا تركته علشان خاطر عيونه ... بس انها صبرت وتحاول تستفيد من الأوقات اللي هو عندها وهو متزوج 3 كمان يعني مايجيها الا ثالث يوم وصديقتك أرحم كل يومين ... أهم شي تحاول تفهمه أن عياله مجانين ولاتروح لهم باستمرار يعني بالمناسبات وتكلمهم بالتلفون وتطمن عليهم وعلى امهم وكثر الله خيرها الين يكبرون واللي يتزوج واللي يروح بحال سبيله
واللي اعرفها الحين متزوجه لها 11 سنه وهذه حياتها واحيانا تندم على تركها للوظيفه
بس أنصح صديقتك انها تحمل وتجيب لها نونو يملى فراغها وبتنشغل فيه عن العمل واذا كثروا الأولاد بتحمد ربها انه مايجيها الا كل يومين تكون ريحت يوم من هم البيت والطبخ والتنظيف
والله يوفقها ومالها الا الصبر