اخواتي الغاليات في منتدى حواء
انا مشتركه بملتقى للمتأخرات في الحمل ...خارج المنتدى..
ولي فيه اخوات غاليات ..لا يتخييرون عنكن...
وامس فقط ذكرت اخت غاليه لي ولاخواتنا هناك
قصة حملها في طفلييها..
لما راته من قلق زائد عندنا ويأس واحباط...:icon33::icon33:
وانا شخصيا عندما قرات قصتها ..
اخذت دفعه ايمانييه قويه...
وعلمت انه اذا كان يقييني حقيقي فعلا ان الله سيرزقني..فانه ابدا ابدا لن يخذلني ..وسيرزقني ان شاء الله
اثرت فيا قصتها جدا
حبييت انكم تعرفوها وعلى فكره استاذنت منها في نقلها اليكم..
رزقنا الله جميعا الذريه الصالحه:icon28:
واليكم القصه..
إخواتى الحبيبات فى الله
تسمحولى أحكيلكم حكاية ميلاد أولادى ؟
أنا كان عندى أورام ليفية فى الرحم
و كنت واخدة على الجرى و التنطيت
و لما إتجوزت -و أنا الإبنة الوحيدة و إخواتى صبيان- طبعا كانت مامتى روحها متعلقة على إنها تشوفلى بيبى , الله يرحمها كانت فى مرض الموت .
فات شهر و التانى بعد الزواج و مافيش حمل
و كنت أبكى كل يوم و أدعى ربنا يرزقنى بطفل علشان ماما .
فى يوم لقيت ماما بتقول لى :
كفاية خروج و تنطيت و إتصرفى كأنك حامل , يعنى ما توطيش و ماتشيليش حاجة تقيلة و بعد الجماع ماتقوميش و ما تتشطفيش جامد "
و عملت زى ما قالت , و حملت , و قالت لى صديقتى الدكتورة إنى ما كنتش هأحمل إلا كدة , كأن ربنا ألهم أمى ..
المهم إنى قبل ما أتأكد من الحمل ساعدت الخدم فى شغل البيت , و لقيت الدنيا حواليا إتملت دم .
ماما قالت " دة أكيد كان حمل و سقط ".
خدتنى هى و جوزى للدكتور , و ركبت العربية و أنا مدارية عينى بإيدى أحسن عينى تقع على واحدة حامل فى الشارع فأحسدها .
لكن الدكتور طمئنا أن الحمل مازال موجود بس لازم أنام و أرفع رجلى على مخدة , و ماأعملش حركة أقصاها أدخل الحمام و ما أنفعلش خالص لا فرح و لا حزن .
فرحنا أنا و جوزى نعيش فى بيت مامتى و بابايا , و سبحان الله كأن ربنا رد الروح فى مامتى لدرجة أنها كانت بتخدمنى أنا و جوزى .
و أنا نفذت كلام الدكتور بالحرف , و كنت ما بخليش حاجة تزعلنى أو تفرحنى قوى .. الناس قالتلى : " نزليه الحاجة اللى فيها مشاكل بتفضل فيها مشاكل ".. لكن ماكنتش باسمع لهم .. ثقتى فى كرم ربنا كانت مالهاش حدود .
و إتولد عمرو .. و فوجئت بفرحة الدكتور الغامرة , و عرفت أنه فى كل مرة كان بيظن أن الحمل مش هيكمل .. كان بيقول كدة لجوزى .
و لما ماما شافت إبنى و فرحت بيه شوية تدهورت حالتها بسرعة و ماتت بعد شهور و كنت لا أفارقها أنا و إبنى لأنه كان أحب حاجة ليها فى الدنيا .
شعرت أنه كان جبران خاطر لها من ربنا .
فضلت أنزف بعد الولادة 9 شهور متواصلة , و بعد كدة كان النزيف يقف شوية و يرجع تانى ..
الدكتور - لأنه دكتور العيلة - كان رافض تماما أشيل الرحم علشان يمكن أخلف تانى .
لكن أنا ما كانش عندى إستعداد أتعرض لنفس الآلام اللى مريت بيها فى الحمل خصوصا بعد ما أصبحت و حيدة بدون أم و لا لى أخت و لا أى إمرأة أعتمد عليها ترعانى أو ترعى إبنى .
و لما كبر عمرو كان دايما يقول لى " إشمعنى أنا ما عنديش إخوات ؟ "
كنت كل يوم بالليل أفضل أبص له و هو نايم وأفضل أشكر ربنا من جوة قلبى .
فى يوم بعد ما شكرت ربنا شعرت بشعور غريب لكن جميل يملأ قلبى .
و بعد أيام شعرت بألم بشع ما بيخلينيش أعرف أنام .
رحت المستشفى و وقعت فى يد طبيب الظاهر كان بيتمرن علىّ , و هرانى أشعات على الرحم , و بعد أيام إتضح إنى حامل .
الدكاترة كلهم قالوا لازم ينزل علشان الأشغات اللى إتعرض لها دى , و أنا لم أتمالك نفسى و نزل من عينى شلال دموع .
و إحنا منتظرين الدكتور اللى هيجهضنى دخل دكتور تانى , لما لقانى ببكى سألنا فيه إيه , و لما عرف الحكاية قعد يعمل حسابات و قال لنا :
الوقت اللى عملتى فيه الأشعات كنتى حامل فى 9 أيام يعنى الجنين كان خلية , فما دام ما نزلش لوحده يبقى سليم , خللى الحمل أحسن "
فتمسكت بكلامه و مشينا .
و عشنا شهور أنا و جوزى نتخانق لأنه خايف يكون طفل مش طبيعى , و أنا مصممة و قلت له أنا متكفلة به مهما كان لوحدى .
و بابا كمان كان مع جوزى و خايف علىّ و عاوزنى أنزله و أشيل الرحم مرة واحدة و أرتاح من الآلام اللى ما بتنتهيش دى .
كنت بأصلى إستخارة فى اليوم أكتر من 3-4 مرات , و كل ما أرضخ لزوجى و نروح علشان ننزله تحصل حاجة ترجعنا تانى .
و كان جوايا نفس الثقة فى إن ربنا مش هيخذلنى أبدا.
بعد 3 شهور الدكتور طمئن جوزى أن الجنين طبيعى لكن مرت الشهور ال9 بصعوبة شديدة صحيح لكن ربنا كان مدينى قوة أقوم و أتحرك و أرعى عمرو .
و إتولد رامى .
اللهم لك أفضل الحمد و أفضل الشكر .
فضلت أعانى من آلام شديدة سنين و نزيف متقطع .
و فى الآخر الدكتور لقانى بتصفى فشال لى الرحم .
و أنا صحتى طبعا راحت و إستحملت علشان ولادى حاجات لما بافتكرها ما أعرفش إستحملتها إزاى .
ربنا بيخلينا نحبهم الحب العظيم دة لأن وجودهم بيكلف الواحد روحه و راحته و حياته كلها .. و سبحان الله الواحد برضو بيشعر أنه مقصر و عاوز يديهم أكتر .
حصلت لأولادى حاجات خلتنى أعرف أن الله وحده هو الحافظ و هو الرزاق , هو اللى بيربيهم مش أنا , هو اللى بيمشينا و بيحركنا ناحية اللى كاتبهولنا و مقدره لنا.
يا حبيبى يا الله
يا أكرم الأكرمين
إزاى نقدرنشكرك كما ينبغى لك ؟
أنا ربيت ولادى على إن الثقة بالله و برحمته اللى ما لهاش حدود هى أساس سعادتنا فى الدنيا .علمتهم إننا عايشين بالله و لله فقط . كل نفس بنتنفسه طاعة لله . و كل أملى يكونوا من عباد الله الصالحين .
كل شئ له سبب , و كل شئ له أوان .
و فى كل حال ربنا له حكمته و له تقديره لأنه أعلم باللى فيه الخير لينا و هو أحكم الحاكمين .
و دى حكاية ولادة ولدين الفرق بينهم 8 سنين :
واحد جاء بالدعاء
و التانى جاء بالشكر
و الحمد و الشكر لله
الحمد لله
اللهم هب لكل مسلم و مسلمة ذرية صالحة و أنبتهم نباتا حسنا يا الله .
ياالله
داريين @daryyn
محررة ذهبية
يلزم عليك تسجيل الدخول أولًا لكتابة تعليق.
&jojo&
•
سبحان الله قاادر كريم
الله يرحمنا برحمته ويرزقنا شكره وعبادته آناء الليل وأطراف النهار
مشكوره أختي دارين على نقل القصه
الله يقر عينك بالذرية الصالحة وكل محرومة عاجلا غير آجل اللهم ااااااااااامين
الله يرحمنا برحمته ويرزقنا شكره وعبادته آناء الليل وأطراف النهار
مشكوره أختي دارين على نقل القصه
الله يقر عينك بالذرية الصالحة وكل محرومة عاجلا غير آجل اللهم ااااااااااامين
داريين
•
بنات صديقتي شكرتها على سرد قصتها
وهذا كان ردها لي
بناتى و حبيباتى فى الله
أشكركم من قلبى يا حبايبى على دعاءكم الجميل .
أنا أول مرة فى حياتى أحكى حكاية ولادة أولادى .
أنا حكيتها هنا علشان كل واحدة لسة ما جالهاش بيبى ما تيأسش من رحمة ربنا أبدا بل تزداد تقرب إلى الله و ثقة فى كرمه و عطائه الذى ليس له حدود . و مهما تحملت من صبر أو ألم تعرف إنه كله بيعدى و بيبقى ذكرى و ما بيفضلش غير الخير .
على فكرة :
قبل ما أولد رامى جاءت لى إحدى قريباتى و قالت لى :
" إدعى لبنتى و إنتى بتولدى "
و لما جاء ميعاد الولادة قال لى الدكتور فى حجرة العمليات :
" معلش هتستحملى معانا شوية قبل البنج "
فقلت أشغل عقلى بالدعاء , و فجاءة تذكرت قريبتى , و لكن ما قالتليش أدعى بإيه . فقلت :
" يارب إنت أعلم باللى تقصده و إنت قادر تديها اللى هى عاوزاه " .
و بعد ما إتولد رامى بسنة تقريبا قابلت قريبتى و عرفت منها إن بنتها كانت عندها مشاكل منعاها من الحمل و عانت مع الدكاترة سنين و من أيام ربنا رزقها بولدين تَوءام ".
و دى برضو حكاية بحكيها لأول مرة .
على فكرة أنا تعرضت لحاجات تانية كتير برضوكلها علمتنى حاجة واحدة :
إن ربنا ما بيجيبش غير اللى فيه الخير بس , حتى لو ظنينا أننا فى أذى أو فى إبتلاء للإختبار زى ما بيقولوا , أبدا دة ربنا بيبقى بيرتب لنا اللى فيه الأصلح لينا .. هو اللى خالقنا , و هو أدرى بينا من نفسنا . شوفوا الأم عاطفتها شكلها إيه ناحية إبنها ؟ حتى و هى بتقسو عليه بيكون رحمة بيه . و رحمة الأم دى ذرة من جزء من 100جزء من رحمة ربنا , فتصوروا ربنا رحمته بينا ممكن تكون قد إيه ؟
تو كلوا على الله
و خدوا بالكم من الآية دى و إفهموها كويس :
"و إذا سألك عبادى عنى فإنى قريب أُجيب دعوة الداعى إذا دعانى فليستجيبوا لى و ليؤمنوا بى لعلهم يرشدون " (البقرة186)
خدوا بالكم من : " فليستجيبوا لى و ليؤمنوا بى "
هو دة الشرط الوحيد للإجابة .
شرط بسيط قوى لكرم عظيم قوى .
وهذا كان ردها لي
بناتى و حبيباتى فى الله
أشكركم من قلبى يا حبايبى على دعاءكم الجميل .
أنا أول مرة فى حياتى أحكى حكاية ولادة أولادى .
أنا حكيتها هنا علشان كل واحدة لسة ما جالهاش بيبى ما تيأسش من رحمة ربنا أبدا بل تزداد تقرب إلى الله و ثقة فى كرمه و عطائه الذى ليس له حدود . و مهما تحملت من صبر أو ألم تعرف إنه كله بيعدى و بيبقى ذكرى و ما بيفضلش غير الخير .
على فكرة :
قبل ما أولد رامى جاءت لى إحدى قريباتى و قالت لى :
" إدعى لبنتى و إنتى بتولدى "
و لما جاء ميعاد الولادة قال لى الدكتور فى حجرة العمليات :
" معلش هتستحملى معانا شوية قبل البنج "
فقلت أشغل عقلى بالدعاء , و فجاءة تذكرت قريبتى , و لكن ما قالتليش أدعى بإيه . فقلت :
" يارب إنت أعلم باللى تقصده و إنت قادر تديها اللى هى عاوزاه " .
و بعد ما إتولد رامى بسنة تقريبا قابلت قريبتى و عرفت منها إن بنتها كانت عندها مشاكل منعاها من الحمل و عانت مع الدكاترة سنين و من أيام ربنا رزقها بولدين تَوءام ".
و دى برضو حكاية بحكيها لأول مرة .
على فكرة أنا تعرضت لحاجات تانية كتير برضوكلها علمتنى حاجة واحدة :
إن ربنا ما بيجيبش غير اللى فيه الخير بس , حتى لو ظنينا أننا فى أذى أو فى إبتلاء للإختبار زى ما بيقولوا , أبدا دة ربنا بيبقى بيرتب لنا اللى فيه الأصلح لينا .. هو اللى خالقنا , و هو أدرى بينا من نفسنا . شوفوا الأم عاطفتها شكلها إيه ناحية إبنها ؟ حتى و هى بتقسو عليه بيكون رحمة بيه . و رحمة الأم دى ذرة من جزء من 100جزء من رحمة ربنا , فتصوروا ربنا رحمته بينا ممكن تكون قد إيه ؟
تو كلوا على الله
و خدوا بالكم من الآية دى و إفهموها كويس :
"و إذا سألك عبادى عنى فإنى قريب أُجيب دعوة الداعى إذا دعانى فليستجيبوا لى و ليؤمنوا بى لعلهم يرشدون " (البقرة186)
خدوا بالكم من : " فليستجيبوا لى و ليؤمنوا بى "
هو دة الشرط الوحيد للإجابة .
شرط بسيط قوى لكرم عظيم قوى .
الصفحة الأخيرة
سبحانه فقط هو القادر على كل شئ
ذكرت نفسي بين السطور لما انام جنب بنتي واشوفها نايمه واحمدربي الف مرة ان ربي رزقني بها..ولما تسالني ماما انا من اخوي؟؟؟ومن اختي؟؟؟
الله كريم يرزقنا ويعوضنا خير....