صديقتي زوجها معاه جوال ومخبيه عنها ؟؟

السلام عليكم ورحمه الله
كيفكم يا بنات
انا جايتكم ومعي طلب صديقتي عندها مشكله وانا تبرعت اني اكتب مشكلتها يمكن الاقي عندكم حل ولا هي ما طلبتني اكتب لانها اصلا ما تدري اني مشتركه بالمنتدى ولا تعرفه ولا عندها نت يعني انا عجزت اعطيها حل قلت مالي الا اخواتي بعالم حواء

مشكلتها ان زوجها طيب وحبوب ويحبها مووووووووووت ومو مقصر عليها بشي بالعكس الكل يحسدها على هالشخص لانه كامل والكامل الله
بس قبل فتره لقت بسيارته جوال وتهاوشوا عليه وصارت مشكله كبيره بس هي قالت ابسامحه لانه طيب وما شفت منه شي
وبعد فتره نفس الشي لقت جوال بجيبه وانعادت السالفه
وسامحت
طبعا هو ينكر انه له يقول لاخوي او لصديقي مع ان الشريحه والرقم نفسه نفسه

قبل اسبوع لقت الشريحه حقت الجوال نفسه طايحه بالبيت شالتها وما قالت شي
وهي تشوفه يدووووور عليها بيموووووووت طبعا ما يقدر يسئلها
هي طبعا قدرت تفتح الشريحه وشافت الارقام اللي فيها وماسكتها عندها وما قالت له شي وتتصرف معاه طبيعي

والحين محتاره وش تسوي فيها تعلمه انها لقيتها ولا تتركها معاها ولا تواجه وما ترجعها له

لا تقولون في شي ناقص عنده بالبيت ويدوره عند غيرها والله ان البنت ملكة جمال وانيقه ونظيفه وبيتها يهبل وهي مرررررررررره متفهمه وحبوبه وسنعه وبنت ناس وعائله وقمه في الادب الله يحفظها يعني ما عليها كلام
تكفون اللي مرت بهالموقف او عندها حل لا تبخل عليها