كوبونات الراقية تسجيل الدخول

كبسوله
كبسوله •



كان واضح ان الحرمه متعرضه لضرب بشع ...

مسكتها ومسكت ايديها أهديها وجلست أقرا عليها عشان تهدا شوي وأفهم وشصار لها .. والشغاله واقفه فوق راسي ودموع وبكا على الوضع اللي قدامها

سألت الشغاله وشفيها وش اللي صار بالضبط .. ويين زوجها .. اهو يدري ولا مايدري ؟؟؟ !!!....

قالت الشغاله يامدام زوجها هو اللي ضربها .!!. أكيد مو معقول .. عيدي علي وشقلتي ؟؟.. كررت علي نفس الكلام..

عرفت ان الموضوع عائلي وطلبت منها تجيب أي كريم أدهنها فيه ولحفتها واستمريت اقرا عليها حتى هدت وخفت الرعشه اللي معاها0

قالت لي الصديقه .. مدري وشفيه مدري وشصار ...أبد مو هو زوجي مدري وشفيه

اليوم الصباح طلب مني زوجي انا نسوي بكنك يعني ناخذ مشروبات وأكل ونروح للحديقه .. وننبسط هناك .. قلت له فكره حلوه خلاص زي ماتشوف

وجهزت أغراضي ورحنا للحديقه وكنا مررره مبسوطين ... بس ياربيه من غير سبب ولا مقدمات ..

سحب حزام البنطلون وأقبل لمي ..أنا فكرته في البدايه يمزح لكن مادريت الا الحزام ينزل زي السكين على راسي وكتوفي ..

من غير شعور أسرعت بسرعه وخميت عيالي ومدري وين أروح والناس كانت تطالعنا ومايفهمون لغتنا وعلى طول مالقيت الا السياره أحتمي فيها ..

وتفكيري كان مشلول وأناظر زوجي من بعيد .. كان شكله غريب ومو مفهوم 00ركب السياره وشغلها وجينا البيت 0

ورجعت صديقتي تبكي من جديد0

قلت لها وين هو الحين .. قالت مدري نزع سلك التلفوون وطلع وقفل البيت علينا .

أنا بصراحه خفت شوي وحسيت ان الأمر عائلي والمفروض ماأتدخل وخصوصاً ان الأمر حتى الآن مو مفهوم ..والأخص من كذا انه كان مقفل الشقه ..

يعني مايبي أحد يدخل الشقه ولا يطلع منها0


للسالفه بقيه وراجعه لكم بحيل الله وقوته
البندقية
البندقية •
بسم عليك من الشرهه لاتزعلين
ياعمري يا كبسوله هذي انا وبناتي نعتذرلك :33: :33: :33: :33:
دندوونه
دندوونه •
اهلين كبسوله

بسم الله عليك من الشرهه لاتشرهين حبيبتي

كملي وش صار عليها وش المشكله اكيد فيه سبب ياعيوني علشان يسوي اللي سواه والا وش رايك؟؟؟؟؟؟
][§][-~المتغـلية ~-][§][
][§][-~المتغـلية ~-][§][ •



كبسوله الله يهديك
الحين من جدك هذي مشكله واقعيه واسريه وتقولين جيبوا شاهي وفصفص ؟؟

بعدين شي ثاني اذ مقسمه القصه كذا كل يوم جزء بسيط ليه ماتكتبينها في مفكره عندك كل مافضيتي تكتبين شوي الين تخلص وبعدين مره وحده تنزلينها بالمنتدى !!

عموما من جد من كثر هالحركه بالمواضيع اغتثينا لا تلومينا والله يكون بعون هالزوجه !!

..

.
بنت العز
بنت العز •
ياللللللللللللللللللللللللللللله شي يحزن ..!!!

اكيد عين ...!!

وش ذا اللي قلبه بالسرعه هذي ..!!!؟؟