اقول ياثقل دمك بجد

هلا يابنات .... وآسفه على التأخير ,,
وأشكر كل وحده ردت علي الله يحفظكم ياربي

أشكرك أختي.. الحب في الله جزاك الله خير وقلت اللي في خاطري الله يعافيك 0والله حتى مالقيت وقت أرد على كل وحده باسمها ..بس بيعذروني ولي عوده معهم0

بالنسبه لأختي المتغليه...أنا ماقلت فصفص وشاي الا اني عارفه خاتمة الموضوع وانه انشاالله راح يبصطكم0

والله لايحرمني من متابعاتكم وخصوصاً اللي يراسلوني على الخاص يطمنون ويسألون عن الأحوال0 00

تفضلوا الله لايعدمني اياكم00

واني أحبكم في الله

الحب بالله
هذي هي من اول ماكتبت الموضوع وهي تماطل
ولا كان عذرناها
يعني باين انها متعمده

قلت لها شوفي ياخيتي .. رجلك عنده سبب ..أكيد في سبب .. وما هو أي رجال عشان يسوي كذا خصوصاً ان أصله طيب ومنبته طيب ... والناس اذا سمعوا باسمه قالوا والنعم .. والسبعة أنعام00

الله يكون في عونك ..وعارفه ان كلامي لايداوي ولاله فايده .
أنا بسرعه قررت أمشي بسرعه لايدخل علينا , اعتذرت لها وقلت لها أبمشي الحين .. وان لقيتي فرصه تطمنيني عليك تكفين لا تترددين0

مر علي يومي والله نكد .. يعني رفيقتي وأهلها مو معاها وموقفها مررره كايد ومفصل عنها التلفون ومقفل عليها
الباب0
جا بكره .. وبعده ... لاحس ولاخبر0

وبعدين .. دق التيلفون .. أنا قلت يارب يكون هي ........ فعلاً طلعت هي ....... قالت لي تعالي الحين هو مو موجود
...رحت لها جري بس مع الباب أشوى مو مع باب المطبخ0

أول قعدت أطالع وجهها أشوف مزاجها اليوم ..لقيتها والله مسيكينه تحزن بس باين ان الوضع مستقر ...
سألتها عن حالها وش صار عقبي ؟؟

قالت لي تصدقين .. من بعد ماطلعتي انت من عندي

جاء زوجي ندمان أشد الندم وجلس قدامي يبكي ... ويبوس في ايدي وكل مكان ضربه ..وكل مكان نزل عليه الحزام00وأنا أقوله ليه سويت فيني كذا .. انا أم فلان ليه تهون عليك نفسي وترفع ايدك علي وتذلني وتجلدني قدام الله وخلقه0

تعرف قبيلتي وأهلي .. واخواني وابوي ولو يدرون وش سويت فيني تروح فيها رقاب ......

طالع لها ورد .. والله ماأدري ليه سويت كذا أنا كنت مسير غصب عني مو باِرادتي ... ولا يشفع لي عندك الا حسن عشرتي لك وطيب معاملتي لك .. وأبيك تتكتمين على الموضوع الين يقضي الله أمره0

هي مافهمت من هالكلام ولا شي .. قالت لي أنا وشرايك في اللي حصل000

قلت مدري والله يافلانه !! يمكن يكون عين وصابتكم ,وأنا أبحاول أجمع لك من الناس اللي نعرفهم ..
مافيه فايده وكرهه لها يزيد سوء .. وخلصت السنه وتفرقنا وكل واحد راح لديرته0

اتصلت عليها بعد مده أطمئن عليها .. قالت لي.. والله ماتصدقين فينا ضيقه من بعضنا والله من شدتها كل واحد منا تهون عليه يرمي نفسه مع الشباك00 لولا الخوف من الله,, ادعي لي يأوخيتي ان الله يفرج لنا0





مرعلى هالكلام سبع سنين ...لهينا فيها وراحت الدنيا بأهلها.. ولا فيه اتصال ولا أخبار 0
من كم يوم اتصلت علي آلو ..مين .. ردت هي علي : هلا ماعرفتيني يالخاينه ..قلت لها معليش انا ذاكرتي مضيعه.. بالله.. من أنت ..
استمرت هي تلومني....... وياالله ....مو معقول أنت هي ..ماغيرها
قالت انا هي بس أنا ماتصلت عليك الا عشانك حضرت موقف في حياتي وحبيت أعلمك العله والسبب وماراح أبد تصدقين..

قلت أي كملي .بشري وشصار..
قالت بعد ماصار اللي صار والأهل احتاروا فينا والطلاق أكيد مو وارد أبد لأنه كان واضح من صحة زوجي انه مايملك أي تصرف يتصرفه معي والسنين تمر... تقريبا فوق ال ستة سنين قرر أبوي قرار رفض الا اننا نسويه..


طبعاً الوالد كلمته ماتصير ثنتين .. طلب منا وأسأل الله انه يتجاوز ويغفر ..طلب اننا نروح لساحر يمكن هذا اللي فينا عمل مع العلم ان السحر شي مو معروف عندنا والحلال بين والحرام بين ..لكن أصبحنا جداً مضطرين0



رحنا أنا وهو وبعد كم جلسه ... قال والحقيقه اننا كنا في غاية الاستغراب ..
ان الشغاله الأندنوسيه سوت لنا سحرقوي ... لكن يبدو ان الغيره من سعادتنا هي اللي دفعتها لفعل مالايرضي الله0 حسبي الله ونعم الوكيل0

لكن ترددنا وتعوذنا من الشيطان وماكملنا معه....


تذكرت بسرعه مواقف كثيره كنت أشوفها من الشغاله بس أبد ماكنت أسيء الظن فيها.

بس وش تنصحيني فيه ياأخيتي ووين أروح؟.


0




وشرايكم يابنات ..... قولو لي بالله ... لو كنت مكانها كنتوا راح تتصرفون مثلها ولا كيف ؟؟

وآسفه جداً على الاطاله . وسامحونا

لاحول ولا قوة الا بالله

اجل الشغاله كانت تصيح؟؟

الله ياخذها

ومشكووره كبسولة