صديقتي شكلها يوحي بانها مغروره ,, مع انها العكس ..

السلام عليكم ورحمة الله وبركاته..

في الحقيقه طلبت مني اعز صديقاتي ان اكتب لكم مشكلتها.. التي تتمنى ان تجد لها حل عندكم..مع انها من المتابعات لكل مايدور هنا.. ولكن تقول لم اجد احد طرح مثل مشكلتي..

اليكم المشكله..

ماشاء الله عليها شخصيتها مرحه.. اجتماعيه.. طيبتها..تجبرك على احترامها..اللي يعرفها..مايتركها..ولا يمل من سواليفها.. تعليقاتها.. ومداخلاتها..
مملوحه .. وكشخه..
بالعربي كامله والكامل وجه الله ( لاتقولون تقول الكلام هذا عشانها زميلاتها )..

لكن فيها شي.. مضيق صدرها.. لدرجة اني كل مااجلس انا وياها لحالنا.. تقولي.. صدق الصفه هذي فيني..

اللي يشوفها.. ولا يكلمها.. يحسبها مغروره..ودلوعه.. والشي هذا كل بنات الجامعه زميلاتها ملاحظينه..
ماادري صراحه.. انا اول ماشفتها.. قلت.. اعوذ بالله وش ذا كوكب غرور يمشي..
لكن بعد ماجلست جنبها وتعرفت عليها.. والله العظيم صرت مااصبر عن سواليفها..وضحكها..

يعني بالعربي..
ماتتكلم اذا ماتعرف احد.. واذا مشت تحسون انها رسميه.. وشخصيتها قويه..( ماتبتسم الا للي تعرفه او اللي يبتسم بوجهها )

المسكينه..
من كثر مايقولون لها البنات..نحسبك مغروره ودلوعه.. تعقدت..
صحيح يمكن طريقة نظراتها.. وملامح وجهها توحي للي قدامها انها مغروره.. لكن..داخلها..
أفضل صديقه شفتها بحياتي.. وانا عارفه انها بتقرأ الكلام هذا.. واقولها.. والله مو عشانك..
وانا من النوع اللي مااجامل..
والبنات اللي يقولونلك دلوعه بالعكس.. احمدي ربك انهم يقولون نحسبك دلوعه.. يعني يوم عرفوك..حبوك..

ويااخوات..

اللي عندها.. حل..او كلام تضيفه.. تقدر انها توسع للانسانه..همها..
الله لايحرمنا من رأيها ومشورتها.. وثقوا انها بتقرأ ردودكم.. وارائكم..

اختكم..
حروة السيل.