صديقتي طالبتكم

السلام عليكم ورحمة الله وبركاته

يابنات هذي صديقتي من ايام الدراسه بنت حبوبه وشخصيه اجتماعيه وجميله ماشاء الله عليها وعندها عيال وعايشه زي الفل عيشه الكل يحسدها عليها لاكن هذا الظاااااااهر للناس ....
ماخفي اعظم اتصلت على تشتكيلي من زوجها تقول مابقول لاهلي على سوالفه علشان مايكرهونه وحبت تاخذ رايي لاني صديقتها المقربه المشكله يابنات في زوجها انه مايصلي اي نعم مايصلي تخيلو من رمضان الى رمضان الله المستعان لا يروح المسجد ولا يقرا قران الصلاه بس في رمضان اول مانزلت بيتها تقول فرحت لانه قريب الجامع منهم تصدقون تقول عمره مادخله ولا صلى فيه القبله ماتعرف وين الا لما سئلت الجيران ...
وغير كذا الجنابه مايغتسل الا بعد 4 او5 ايام يالله يتروش تقول تعبت تعبت وانا اتكلم معاه وانصحه حتى اهله يعرفون انه مايصلي بس يقولون وش انسوي له وهو كبير بالاربعين وفوق هذا خيانات وكذب ولف ودوران معاها مسكينه والله رحمت حالها اقول في قلبي الناس تحسدك مايدرون عنك وربي هي ماتستاهل بنت ناس ومحترمه وراعية بيت لاكن زوجها معكر عليهم عيشتهم حتى ولدها الكبير يقول نفسي اروح اصلي مع ابوي بالمسجد...
بعد ماقريتو معاناتها وشتنصحونها تسوي معاه على فكره هو متعلم ومثقف ومستواه الوظيفي ممتاز
والي ماعندها معرفه تدعيله بالهدايه ارجوكم ولكم بالمثل .....