صديقتي عروسه مصدومه محتاجه رايكم ايش تسوي

السلام عليكم ورحمة الله وبركاته

بنات الله يسعدكم ابغى نصيحه ايش التصرف الحكيم
المشكله لصديقتي ملتزمه ماشاء الله وهاديه متزوجه من شهرين بسسسسس
كانت تلعب في جوال زوجها طبعا هو يعرف ويعطيها عادي ( وهذا دليل انه مو خايف من شي ولا همه ) وخشت الواتس لقيت محادثه له مع بنت وهو محتفظ بالمحادثات القديمه والجديده طبعا غزل وصور للبنت او اجزاء من جسمها وحتى عورتها ولا حول ولا قوة الا بالله والكلام يدل على انه يقابلها ويعرف صديقاتها وهي كمان وانها متخرجه وتوووووها متزوجه من اسبوع ومتواعدين على اللقاء وان له وقفات ماليه لها
هي حفظت كل هذي الادله عند وحده من قريباتها بما فيها الصور وهو يمسح اكثرها بس صديقتي لحقت اخذت الاجزاء الاهم لانها يمكن تحتاج لها في يوم من الايام للاثبات وهي عرفت اسم البنت والشخص الي رقم البنت باسمه
هي ليل ونهار تدعي الله ينصرها وينتقم لها وتدعي كل ليله بأشياء لو تعرفها هذي البنت او الزوج تزلزلو ...نفسيتها مدمره وحزينه ومن يوم شافت الصور وهي ترجع كثير قرفت حياتها حالها يحزن ولاتفكر في الطلاق ابوها وامها كبار في السن ومرضى ظغط وسكر وتخاف عليهم
هي فكرت في الهيئه لكن هو يعرف يخرج نفسه منها والشي الثاني هي في مجتمع مدري كيف يلتمس العذر للشاب في جميع الاحوال
وفكرت تحاول توصل لاهل البنت
وحالفه انها تنتقم من الطرفين تقول ليه يدور على الملتزمه الطاهره ويدمر مستقبلها ليه مادور على انسانه زيه هانت عليها كرامتها وشرفها

الاخوات الي راح يشككو في صدق الموضوع لاتردو وتعرضو انفسكم انو احد يدعي عليكم