والله العظيم لو انا بمكانك
ادفع حسابي الي طلبته او ربع الفاتوره واطنشهم
واقلهم انا مالي صلاح ادفعوا انتوا الباقي
حتى لو قالوا ماعندنا اقولهم مالي صلاح واخرج برا المطعم
معليش اسمحيلي انتي لانك طيبه زيادة عن اللزوم الناس تستغلك
وصحبتك هذي خليكي رسميه معاها وازا قالتلك نخرج اعتذري منها كول مرا الين ماتبطل
هيا من نفسها، وازا قالتلك زعلتي من ديك المره قوليلها اصلن نسيت الموضوع
واعتذريلها دايمن انك مشغوله ، ولاتخلي حد يستغلك ادفعي لنفسك وماعليكي من حد
خوديها مني نصيحه

كان عندي صاحبة كدة بس بطريقة ثانية,,لما تريد تروح مشاوير تقول لي وصليني وديني ايش رايك نروح سوا,,وماكنت حاطة الموضوع في بالي وكنت اقول ايش فايدة الصداقة لو ما انفع صديقتي,,وبعد مامرت السنين ووضعها صار احسن مني ماديا واتزوجت وخلفت خلاص خففت علاقتها فيني لحد ماعاتبتها قالت لي عادي كل الناس يتصاحبوا ويتباعدوا ولما يلتقوا يعرفوا اخبار بعض وخلاص!! ولما زيدت العتاب بطلت ترد عليا وكنت كل مرة ارسل لها ماتعبرني وزعلت على نفسي صدق لكن ارتحت اني طلعت اللي في قلبي وهي اصلا خلاص مش محتاجاني وماتمسكت فيا الله يرحم ايام زمان بس,,بس يارب يعوضني ويخليني احسن منها

صارلي مثلك بالدوام لما نشتري ادفع لي ولها ولما شفتها زودتها صرت اطلب وفالحساب اقولها حسابك كذا عمري ماسويتها واستحي من هالمواقف كثير بس الحاجه تجبرك تسوي كذا ماقطعت علاقتي بس عملت هالشي وصارت تدفع غصب عنها اكررررررره شي الاستغلال عذاب نفسي

هالشي ماتوقع يقطع العلاقه ادا كانت صديقه ممكن اكلمها وقت ماحتاج وافضفض لها من غير ماتطلع كلامي للناس وادا تعبت او احتجت مساعده في موضوع الاقيها جنبي تساعد باللي تقدر عليه
فالماده هنا نقدر نظبط تعاملها من غير ماتضر علاقتنا مع الناس لو قلتي لها انك تبغيها لوحده من غير صديقاتها وادا شفتيها كلمتهم قولي لها خلاص برجع البيت وخليك انتي مع صديقاتك مره ثانيه مارح تكلم احد لمن تطلع معك ولمن تقولين لها مانبي مطعم ولا كوفي خليك على رايك واصري انك ماتبغي تاخدي حتى على السريع مو تجلسي في مطعم وتستني صحباتها معها
اتوقع مشكلتك انك تكثري من المجاملات في علاقاتك ولا تتحسفي الا بعد انتهاء الموقف وهدا غلط خليك واضحه وصريحه والمجاملات تكون في حدود بسيطه جدا ساعتها حتلاقي مايقرب منك الا اللي شاريك بس اما اصحاب المصالح حيطيرون من غير ماتقولي ولا تعاتبي

أنا صار لي نفس الموقف مع بنات من هالنوع قبل باعتباري اعلى منهم ماديا المفروض ادفع الحساب و احيانا بنزين لسياراتهم و طبعا و لا وحده تحس بالفشيله او بالاحراج ..كان الموضوع جدآ عادي عندهم لحد ما اكتشفت انهم كانو يلقبوني بالالقاب و اسماء الله لا يراويك لاني كنت ادفع و اعتبره عادي ما بينا شي لحد ما وقفت الموضوع و اختفو نهائيا من حياتي و ارتحت منهم