والله مدري وش اقولك
اذا مو مرتاحه بصدقاتها اتركيها المهم نفسيتك

طالما هي اسلوبها كذا معاك لا تستحين عطيها كاش بوجهها قولي لها لا ملكتك عرفت فيها ولا زواجك والحين حامل وبطنك قدامك متر ومخبيه علي طالما انتي خايفه احسدك او احط عيني عليك خلاص بلاها هالعلاقه وانتهينا

ياصبر الارض على النوعية المتخلفة بصراحه ابي افهم اذا تزوجتي كملتي خيرررررر الحمد الله على العقل والله يعافينا ولايبتلينا
انا زميلاتي من يوم تزوجن وبعضهن قريبات مايمدها شهر الاشايفتن نفسها سووويت لهن ديليت ولاتحسفت لانها با الاساس ناقصه الحمد والشكر بس تحسفت عن الطيبه ومهتمه منها واختار اغراضها بعد لا وبعد تقول لخواتها لاتعطنها وووجه ماقول الاحسبي الله ونعم الوكيل بس
ماعليتس منها طنشيهاااا لاتهتمين با الطقاااق من ذالاشكال المتخلفه ذلحين صدقت مقوله المراءه عدوه المراءه ومن فضل ربي زواجي بعد كم شهررر اتمنى الدعاء لي با التوفيق ويرزق كل بنت الزوج الصالح ترى الزواج مهوب بطاقه دخول الجنه وووسعن خطررركن واستانسن يمدينا على الكرررف ودبله الكبد خخخخخ

مدامها تغيرت

لاتردين عليها

او ردي وقولي معليش مشغوله وكل مره كذا لين تطفش

كان عندي وحده مثل صديقتك رحت باركت لها بعد الزواج ووديت هديتها

اول ماحملت انقطعت وارسلت لي انها ولدت بيوم

دقيت تعطيني مشغول او ماترد ظليت اسبوع ارسلت لها بودي لها هديه وببارك لها ماردت علي

لحد اليوم ماعرف وش جابت بنت او ولد

بعدين يوم شفتها حاقره غيرت رقمي وارتحت

قلت يمكن بيوم تجيبها المصلحه

الله يوفقك يارب

والله والله ولا تفكري فيهاا خلي العلاقة رسمية لين خلاص تنقطع