صديقتي .. عنوانها القهر والحسرة ..

بنات يا حلوين ..

الله يحقق لكل وحدة منكم ما تتمناه ... قولوا امين

++ الموضوع على طول ++


صديقتي على علاقة مع شاب من 4 سنوات وتموت فيه ويموت فيها ..

تقدم لخطبتها بعد ما رتب اوضاعه وجهز له الملحق وكل شي .. وهو ملتزم وخلوق وراعي اصل وفصل .. وبنت نفس الشي ... وكانوا ينظرون للمكالمات بانها شي عادي ... وهذا مش موضوعنا ! :icon28: :icon28:

بس اهلها عارضوا وهي استسلمت لان اهلها شكوا فيها وخافت من المشاكل وقالت لهم اللي بتقررونه انا راضيه فيه ... وردت امها على ام الشاب بالرفض ...

الشاب تعب نفسيا وكره كل شي من حوله .. وانا اشهد ان حتى البنت تعبت تعب مش طبيعي والله ... ومع هذا ما انقطع حبل الرجاء بينهم وبين الله .. كل واحد يطلب ربه من جهه ... وبين كل اسبوعين او ثلاثه يفتح معاها الموضوع ويقول لها انا بتقدم لج مرة ثانيه وانا شاريج وماراح احصل وحده احسن مثلج .. لكن خايف من اهلج يرفضون ... عطاها فكرة انها تقيس النبض عند اهلها وهو مستعد يقنع اهله بالخطبه مرة ثانية .. لكن اهلها استمروا في الرفض مع ان مافيه سبب واضح للرفض ...

رجعت وقالت له ان اهلها معارضين ... قال لها شوفي انتي لي ومحد راح يتزوجج غيري .. انتي حلالي انا وبس !

المهم بعد 4 شهور رجع وفاتحها بالموضوع .. قالت له بشوف امي ...

كلمت امها وكان جواب الام الرفض .......

رجعت وقالت له هلي موافقين ....... (( وهنا الغلطة )) ؟؟؟

الشاب طار من الفرحه والوناسة .. قال لها خليني ارتب الموضوع مع اهلي وارد عليج خبر ....

______ هي نادمه على الكذبة ______ :(

بس هي تتوقع ان لو صار شي رسمي من جهه اهله ممكن يوافقون اهلها ...

والحين هي محتاره والقهر والحسرة عنوانها ... وتقول ماعرف ايش اسوي ؟؟

تقول انا ابيه لكن .......... !!


___ اشرايكم بنات شتسوي ؟؟؟ ___

ارجوكم بنات ماله داعي تبينون لي ان المكالمات حرام وما كان له داعي !!

هي تعرف هالكلام كله ..