صديقتي غير متزوجة وتبغي الحل

السلام عليكم

صديقتي عليها جمال واخلاق ومن عايلة محترمة كثير وملتزمين لكن سبحان الله ما كتب الله لها اي زواج الى الان. وكل صديقاتها تزوجوا وعندهم اطفال الان

تسولف لي عن شخص يتردد على اهلها وشافها صدفه وصار يتردد عده مرات على اهلها بحكم صداقته لاهلها الرجال
فهي تقول سبحان الله اول مرة شفته صدفه ما ارتحت له وكرهته لكن المرة الثانيه وبالصدفه كمان وهي طالعه من البيت هي وامها واختها تصادف وجوده جنب بيتهم وشافته تقول مدري وش صار لي حسيت باني اعرفه من سنين وكل الكره الي كرته قبل راح من قلبي
وقعدت تدعي بان الله يكتب لها نصيب مع هالشخص لانها تقول خياله ما يفارق بالي رغم ان الصدفه كانت ثواني لا اكثر لكن هي تحس بشي غريب بقلبها وكان هذا الشخص قريب منها
واذا احد من اخوانها يسولف لحد ويجيب طاري هذا الشخص صدفه وهي قاعده تقول احس مدري بشي كان راحه نفسيه مرت علي وكان هذا الشخص ملاك اذا احد جاب اسمه تسكن السكينه قلبي

وهي خايفه ان تكبر بالعمر اكثر ومحد يبغيها بعد كذا
وكل شوي تسالني ياترى هو يحس بالي احسه ولا لاني عانس اي شي اتوهمه
وانا ما ابغي اكسر بخاطرها واقول لها لالا ان شاء الله يفكر فيكي كزوجة صالحة باذن الله

وهي تسولف لي صعبت علي قعدت ادعيلها من قلبي ان الله يكتب لها هذا الشخص من نصيبها

نصحتها بان تصلي قيام الليل بان الله يكتب لها نصيب معه
وش رايكم بايش انصحها وادعولها ربي ان شاء الله يزوج كل البنات والله ان قلبي يوجعني لما اشوف بنات جميلات ومحترمات ولسه في بيت اهلهم ولا احد يدري عنهم