صديقتي في حيره من امرها

السلام عليكم ورحمة الله وبركاته
بنات كيفكم ؟؟
حبيت اعرض عليكم قصة صديقتي وياليت تساعدونها وتدعون لها هي في هم مايعلم به الاالله
الله يصبرها ويفرج همها

صديقتي متزوجه من تقريبا 14 سنه وعندها 3اطفال وزوجها للاسف مدمن ولايصلي هي صابره عليه وتحاول تصبر عشان عيالها وقفت معاه وحاولت تصلح حاله اخذته لمستشفى الامل وفتحت له ملف وحاولت تعالجه لاكن للاسف يرجع يتعاطى اكثر من مره تاخذه للمستشفى واذا طلع رجع لوضعه هي تخاف على عيالها ونفسها منه
تقول ياخذ الراتب ويغيب يومين ثلاثه ويرجع مفلس الايجار مايدفعه سيارته يبيعها ويشترون له اهله سياره ويرجع يبيعها باع ذهبها حتى باع اجهزة البيت حتى العاب اطفاله باعها هي صابره عليه تقول عشان عيالي ولعل وضعه يتعدل لاكن للاسف هي حاليا تقول ابي اطلب الطلاق خلاص مليت وصارت حياتي معاه رعب بس انا قلت لها اصبري وادعي ربك لعل ربي يحسن حاله
هي غير مسجله بالمنتدى وانا قلت بنزل مشكلتك لعل البنات يساعدونك هي انسانه تصلي وتصوم واخلاقها عاليه وحرام يضيع عمرها مع هالمدمن ياليت تنصحونها وتدعون لها
كتبت مشكلتها مستعجله ياليت المشرفات يخلون الموضوع بهالقسم لو سمحو