صديقتي في محنه .... ساعدوني

خواتي...والله اني ماادري من وين ابدا لان اصعب شي يمر على الانسان لما يشوف انسان يعزه وقريب من نفسه بمحنه ولايقدر يساعده وانا ماكتبت اليوم الا لاني ابي شوركم ورايكم.
السالفه ان عندي صديقه و هي اقرب صديقه لي متزوجه وهي حامل الان وهي الحين بمحنه الله يطلعها منها ومحنتها انها على حافة الطلاق وبسبب يقطع القلب ويقهر زوجها...... الاسبوع الماضي زوجها رجع للبيت بدري من العمل ودخل النت بعدها ولقى مواقع جنسيه ثارت تائرته وهي المسكينه مع ضغطه اعترفت انها تدخل هالمواقع احيانا... والحين هو وداها بيت اهلها بس مافتح الموضوع الى الان وله اسبوع مايرد على اتصالاتها وهي قايله لاهلها انه رايح للشرقيه في دوره لعمله والمشكله انها ماتنام وكل لحظه تتوقع دخول ابوها والا احد اخوانها عليها ويفتح معها الموضوع تشك بكل نظره منهم والمشكله انها حامل والله اني صرت مثلها ما انام وابكي بحرقه عليها المشكله اني اعرفها من ايام الثانوي انسانه مستقيمه ومالها في هالامور حتى لما قالت لي ماصدقتهاانها ممكن تدخل مثل هالمواقع وقالت انها دخلتها مره صدفه وبعدها صارت مثل العاده وانها ندمانه .
المشكله الثانيه ان زوجها يعتبرها خيانه ويقولها ان كل رجال شفتيه في هالمواقع عريان كانك نمتي معه.. وانه مايرضى زوجته تكون زانيه.. ومن هالكلام اللي يقطع القلب وهي من قالها هالكلام وهي ماتنام من كلمة زانيه انا طبعا احاول اخف عنها بس واقولها انها تلجأ لله ..بس ماادري هو زوجها يحق له يقول هالكلام عليها او لا

خواتي.... انا ابي رايكم وهل بيدي شي اسويه انا ادري انه موضوع حساس بس والله انتبهوا من هالامور اللي تخل بالدين والشرف وتري الوحده ماتحس بخطورتها لما تقع فيها يعني انا مااتخيل نفسي بموقف صديقتي... مطلقه بسبب اني ادخل مواقع جنسيه... والله الموت اهون علي من هالشي
والله اني اكتب لكم و انا ابكي لان الانسان ممكن بلحظه يفقد كل شي ويصير يتمنى الموت واتمنى ان هالموضوع يكون فرصه للتنبيه من مخاطر الدخول للمواقع الجنسيه دينيا واخلاقيا واجتماعيا وصحيا ونفسيا

اللهم اهدي صديقتي وفرج كربتها والطف بها يا لطيف