صديقتي قاهرتني من زوجت و قاعده تجرحني بكلامها بدون ما تقصد

السلام عليكم

صديقتي الوحيده(عندي صديقات غير بس علاقتي فيهم مو كثير)و من ايام الطفوله
تزوجت من سنه

والله يديم المحبه بينها و بين زوجها بس طفشتني:arb::27:

مثلا قبل الزواج وقت ما كانو مملكين (على فكره بيت اهل زوجها و بيتهم جنب بعض و حاليا سكانه بيت اهل زوجها مع امه و ابوه)

خاله امها كانت مسافره للعلاج و توفت فامها و اختها الكبيره و ابوها سافروو فورا
و بقت لان عندها امتحانات مع اخوها

فكلمتها اعزيها و قلت لها اذا احتجتي شي لا تترديين تتصلي فيي
قالتلي بصوره استفزازيه لا مشكوره مابغي عندي اخوي و الاهم زوجي (نحن من بعد الملكه نقول زوج مو خطيب)
هي شوي غبيه و على نياتها اعرف ما تقصد شي بس انقهرت خلاص اشكريني مو لازم تكلمه الجمله !!!!!!! خلاص قولي مشكوره و ما تقصرين و انتهينا

مو هذا اللي قهرني اكثر شي بس حتى تعرفو شخصيتها

و بعد ما تزوجت تقولي يلاا عرسسي ليش ما تزوجتتي للحين ليش محد خطبك ليش محد يبغيك ؟؟


بنات اعرف ههي قصدها ودها تشوفني عروس و سعيده

بس الطريقه الي تقولها تجرحني و خصوصا اني فحياتي ما انخطبت و نحن ما نزوج الا الاقارب و نحن جهتنا من العايله منتشر مرض جيني ماله علاج بصوره فظيعه ( انا مو مريضه الحمدلله بس حامله للمرض يعني في جيناتي يعني لازم اتزوج واحد برع العايله حتى الاولاد ما يطلع فيهم بس ماحد برع العايله رح يخطبني معروف فعايلتنا مانزوج الا الاقارب
فاحس عمري مارح انخطب :44: )


فكل ما تفتح الموضوع اخرتها امس بليل اتضايق كثير تقولي اووف متى بشوفك عرووس ودي اقولها انا مارح اشوف نفسي عروس خلاص سكري الموضوع



و بعدين كل ما احاول نسولف مثل قيل تقول شي يزعلني
مثلا نحن متعودين فالكليه اذت فاضين ساعه او ساعتين نجيب افلام (معظمها كارتون او افلام كوميديه بريئه) نشوف معبعض
مره نزلت فيلم و عجبني(ذوقنا متشابه فالافلام) فقلت لها نفسي اشوفه معاك مره نفس ايامنا قبل
بجيبه وقت الداوم


تقولي لا مشككوره بروح مع زوجي السينما اشوفه ماحب اشوف من اللابتوب خلاص


و من اسبوع عزمتها عالفطور لان صديقتنا من دوله عربيه بتسافر رح تتزوج فالعيد الله يوفقها
العروس يوم معين ناسبها فعزمت صديقتي هاليوم (والعروس صديقتها وهي متحمسه تشوفها لان بعدين مارح نقدر نشوفها) المهم قالتلي بجي ان شاءالله
بعدين قلت لها اليوم الفلاني

قالت اووووه لاااا انا هاليوم انا و زوجي نحب نطلع


اللي رفع ضغطي هي عندها مدونه(موقع) و تحب تصور المطاعم و تنزل صور و تكتب رايها و فرمضان كل اسبوع ماشاءالله 3 مرات تقريبا يروحو يعني مو يوم معين فالاسبوع فقطط
و بعدين هم يروحو يتعشو مررره متاخر يكون عشا و سحور و يروحو السينما يعني مو وقت الفطور لان زوجها ساكن مع اهله و يفطر معاهم

فانا قلت اووه الساعه كم تطلعو قالت بعد التروايح فقلت لها تعالي عالعصر و بعد ما زوجك يصلي يمر عليك (الماسافه بين بيتهم و بيتنا 10 دقايق)
فقالت اوكي بشووف صح فكرتك بتنفع

على فكره زوجها يسمحلها عادي عنده تجي و تروح و لما ما يسمح كانت بتقولي لانها عادي تقول هالاشيا
و زوجها فاجازه من الكليه و يشتغل بس فشركه ابوه الصبح يعني مو بس هاليوم فاضي لها



امها اشتكتلي بنتها ما تزورها الا كل اسبوع مره او اقل !!! و ما تتصل يوميا و هذا بينهم مشي 5 دقايق
فاقول اذا امها نستها كيف بتتذكرني


شو رايكم ؟ كيف اتعامل معاها