صديقتي قطعت قلبي

صديقتي قطعت قلبي بشكاويها لي والله حالها يرثى لها ودايما اصبرها واواسيها والله انو شكلها صار يخوف هزيلة وحزينة تنام بخوف وتاكل بخوف وتمشي بخوف ما تحس بأمان هذأ اللي قالته لي بالحرف الواحد وانا ما كذبتهأ ﻷنو واضح عليها التعب النفسي والجسدي والكل ملاحظ واهلها يا حسافة عادي عندهم .. وانا وعدتها اني اطرح مشكلتها بمنتداكم الرائع ولثقتي فيكم يا بنات حواء بآرائكم السديدة وردودكم الصائبة عسى وعل اريح فيها صدر صديقتي المهموم .. مشكلتها بإختصار صديقتي مطلقة والحمدلله هي ماهي معترضة على حكم ربها هذأ نصيب من رب العالمين ومؤمنة بقضأءه مو هنا المشكلة . المشكلة إنو إبتليت بأخوات عديمات إحساس وامها التي لا تنصفها . هي الان لها خمس سنوات مطلقة وهي اكبر اخواتها وفي الثلاثين تقول الله إبتلاها باختها الوسطانية هي في العشرين تقول نقرها بنقري تصرفاتها واسلوبها معاي >> شماتة ! إهانة ! قلة احترام ! سوء أدب ! طولة لسان قطيعة وتجاهل ! وعلشان إيييش ؟؟ علشأن اكون خادمة لها بالقووة والمصيبة اﻷم ساكتة وشايفة وتصف بصفها وتنصفها وبقووة كمان !! سالت صديقتي : معليش صارحيني إنتي قايمة بشغلك بالبيت ؟ قالت لي وحلفت لي : والله العظيم إني قايمة بشغلي بدون نقصان ولا تقصير قالت : إحنا مقسمين شغلنا بالتساوي وكل وحدة قايمة بشغلها بس الوسطانية تبغاني اخدمها واشيل شغلها ﻷنهأ معلمة وماهي فاضية وما تبغأ من اخواتها الباقيات تنكد عليهم قالتلي المشكلة انو الكل ساكت و يقولو إنتي الكبيرة وهي الصغيرة إلين ما تمادت وكبر راسها وافترت .. وامي صافه بصفها هذأ كله علشأن يأدبوني بطلاقي طيب هذأ نصيب وقدر من الله كل يوم هواش كل يوم وجع راس مافي امان مافي راحة بال سب وشتم تقول انو امي تكره إني ادافع عن نفسي و يا ويلي إن بررت نفسي بشي على مشاكلي مع اخواتي على طول دعاوي وسب على الفاضي والمليان حتى إبني الوحيد تأثر منهم لصغر سنه صار يسبني ويشتمني .. بصراحة انا صنمت ماني عارفة ارد عليها إلا اني دعيت ربي اني يفرج همها . وإن شالله اوريها ردودكم الطيبة .